Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 127  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກົມໃຫຍ່ເສນາທິການກອງທັບປາຖະກະຖາວັນຊາດທີ 2 ທັນວາຄົບຮອບ 42 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 97 ປີ

ກົມໃຫຍ່ເສນາທິການກອງທັບປາຖະກະຖາວັນຊາດທີ 2 ທັນວາຄົບຮອບ 42 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 97 ປີໃນຕອນເຊົ້າຂອງວັນທີ 1 ທັນວາ 2017 ທີ່ຜ່ານມານີ້, ກົມ ໃຫຍ່ເສນາທິການກອງທັບ ໄດ້ ຈັດພິທີປາຖະກະຖາວັນສະຖາ ປະນາ ສປປ ລາວ ຄົບຮອບ 42 ປີ ( 02/12/1975-02/12/ 2017 ) ແລະ ວັນຄ້າຍວັນເກີດ ຂອງປະທານ ໄກສອນ ພົມວິ ຫານຄົບຮອບ 97 ປີ ( 13/12/ 1920-13/12/2017) ໂດຍການເປັນປະທານຂອງທ່ານ ພົນຕີ ຈັນທອງ ສອນຕະອາດ ກຳ ມະການຄະນະພັກກະຊວງປ້ອງ ກັນປະເທດ, ຮອງຫົວໜ້າກົມ ໃຫຍ່ເສນາທິການກອງທັບ, ເຊິ່ງ ມີບັນດາສະຫາຍຫົວໜ້າກົມ, ຮອງກົມ,

ຫົວໜ້າພະແນກ, ຮອງ ພະແນກ ແລະ ຄະນະພັກ-ຄະນະ ບັນຊາ, ພະນັກງານຫຼັກແຫຼ່ງ ອ້ອມຂ້າງກົມໃຫຍ່ເສນາທິການ
ກອງທັບເຂົ້າຮ່ວມ.
ທ່ານ ພົນຕີ ຈັນທອງ ສອນຕະອາດ ໄດ້ກ່າວປາຖະກະ ຖາທົບທວນມູນເຊື້ອປະຫວັດ ຄວາມເປັນມາຂອງວັນຊາດທີ 2 ທັນວາ ແລະ ຄ້າຍວັນເກີດຂອງ ປະທານ ໄກສອນ ພົມວິຫານ, ໃນນັນທ່ານໄດ້ຍົກໃຫ້ເຫັນມູນ ເຊື້ອຂອງວັນຊາດທີ 2 ທັນວາ ເປັນວັນທີ່ມີຄວາມໝາຍຄວາມ ສຳຄັນຂອງຊາດລາວຂອງພວກ ເຮົາ ສະແດງໃຫ້ເຫັນເຖິງມູນ ເຊື້ອທີ່ສະຫງ່າອົງອາດແຫ່ງ ການຕໍ່ສູ້ຂອງກອງທັບ ແລະ ປະ ຊາຊົນລາວເຮົາຕ້ານການຮຸກ ຮານຂອງສັດຕູ ພາຍໃຕ້ການນຳ ພາອັນສະຫຼາດສ່ອງໃສຂອງພັກ ປະຊາຊົນປະຕິວັດລາວທົ່ວປວງ ຊົນລາວສາມັກຄີກັນຕໍ່ສູ້ຢ່າງພິ ລາດອາດຫານຕ້ານການຮຸກ ຮານ ແລະ ການຄອບຄອງຂອງ ພວກລ່າເມືອງຂຶ້ນທັງແບບເກົ່າ ແລະ ໃໝ່ ຈົນສາມາດປົດປ່ອຍ ປະເທດຊາດໄດ້ຢ່າງມີໄຊ, ສ້າງ ຕັ້ງ ສປປ ລາວ ຂຶ້ນຢ່າງສະ ຫງ່າຜ່າເຜີຍໃນວັນທີ 2 ທັນວາ 1975, ຈຶ່ງເປັນວັນທີ່ມີຄວາມ ໝາຍຄວາມສຳຄັນເປັນວັນແຫ່ງ ໄຊຊະນະອັນຍິ່ງໃຫຍ່ໃນປະຫວັດ ສາດການຕໍ່ສູ້ເປັນພັນໆປີຂອງ ຊາດລາວເຮົາ, ເປັນວັນທີ່ປະຊາ ຊົນລາວບັນດາເຜົ່າໄດ້ມີອິດສະ ຫຼະພາບ ແລະ ເປັນເຈົ້າຂອງປະ ເທດຊາດຢ່າງແທ້ຈິງ, ເປັນວັນ ທີ່ປະເທດລາວໄດ້ມີເອກະລາດ ຢ່າງສົມບູນ ແລະ ມີປະຊາທິປະ ໄຕຢ່າງຄົບຖ້ວນ, ມີທີ່ຕັ້ງອັນສົມ ກຽດ ແລະ ມີສະຖານະພາບເທົ່າ ທຽມກັບປະເທດອື່ນໆໃນເວທີປະຊາຄົມໂລກ 2 ທັນວາ ແມ່ນວັນ ແຫ່ງສັນຕິພາບ, ວັນແຫ່ງການ ກ້າວເຂົ້າສູ່ຍຸກສະໄໝໃໝ່ແຫ່ງ ການສ້າງປະເທດລາວໃຫ້ມີສັນຕິ ພາບ ເອກະລາດ ປະຊາທິປະໄຕ ເອກະພາບ ແລະ ວັດທະນະຖາ ວອນ.
ໂອກາດນີ້ ພັນເອກ ກອງແກ້ວ ວໍລະຈິດ ຫົວໜ້າຫ້ອງການ ເມືອງ ກົມໃຫຍ່ເສນາທິການ ກອງທັບກໍໄດ້ເລົ່າປະຫວັດ ຄວາມເປັນມາຂອງປະທານ ໄກ ສອນ ພົມວິຫານ ໃນການເຄື່ອນ ໄຫວແຕ່ລະໄລຍະ ໂດຍສະເພາະ ແມ່ນມູນເຊື້ອການຕໍ່ສູ້ກູ້ຊາດອັນ ອົງອາດກ້າຫານ, ເດັດດ່ຽວ ໜ່ຽວແໜ້ນ, ເປັນນັກປະຕິວັດ ທີ່ຍິ່ງໃຫຍ່ຂອງຊາດ, ເປັນວິລະ ບູລຸດຜູ້ນຳຂອງພັກ-ລັດທີ່ມີ ຄວາມສາມາດ, ສະຫຼາດສ່ອງ ໃສ, ເປັນນັກທິດສະດີ ແລະ ພຶດ ຕິກຳ, ເປັນນັກປຸກລະດົມຂົນ ຂວາຍ, ເປັນສັນຍາລັກເປັນແບບ ຢ່າງອັນໃສແຈ້ງ, ເປັນແກ່ນສານ ຂອງຄວາມສາມັກຄີພາຍໃນພັກ ແລະ ຊາດ ເປັນຜູ້ທີ່ມີຄຸນສົມບັດ ສິນທຳປະຕິວັດສູງສົ່ງ, ມີທັດສະ ນະມະຫາຊົນກວ້າງຂວາງ ເປັນ ຜູ້ນຳທີ່ບໍລິສຸດປອດໃສ ເປັນນັກ ເຄື່ອນໄຫວສາກົນຜູ້ດີເດັ່ນ ທັງ ເປັນຜູ້ວາງແນວທາງ ແລະ ເປັນ ແບບຢ່າງປະຕິບັດແນວທາງ ຕ່າງປະເທດຢ່າງຖືກຕ້ອງເຮັດ ໃຫ້ ສປປ ລາວ ມີບົດບາດໃນເວ ທີສາກົນນັບມື້ສູງຂຶ້ນ.
ຂ່າວຍັງໃຫ້ຮູ້ຕື່ມອີກວ່າ: ໃນຕອນແລງຂອງວັນທີ 5 ທັນ ວານີ້ ກົມໃຫຍ່ເສນາທິການກອງ
ທັບຍັງໄດ້ຈັດພິທີປະກາດຊັ້ນໃຫ້
ນາຍ ແລະ ພົນທະຫານ ໂດຍ ການເຂົ້າຮ່ວມເປັນປະທານ ແລະ
ໂອລົມຂອງທ່ານ ພົນຕີ ຈັນທອງ
ສອນຕະອາດ ກຳມະການຄະນະ
ພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິ ການກອງທັບ ເຊິ່ງໃນນີ້ ຮ້ອຍ
ເອກ ຂຶ້ນ ພັນຕີ ຈຳນວນ 44 ສະ
ຫາຍ, ຮ້ອຍໂທ ຂຶ້ນ ຮ້ອຍເອກ
ຈຳນວນ 18 ສະຫາຍ, ຮ້ອຍຕີ ຂຶ້ນ ຮ້ອຍໂທ ຈຳນວນ 71 ສະ
ຫາຍ ແລະ ວາທີຂຶ້ນ ຮ້ອຍຕີ 40 ສະຫາຍ ລວມ 173 ສະຫາຍ.

ຂ່າວມື້ນີ້

ຂ່າວເດັ່ນ