Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 132  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງພົນທີ I ຈັດການແຂ່ງຂັນຍິງເປົ້າໝາຍດ້ວຍລູກປືນແທ້ສາຍການນຳ

ກອງພົນທີ I ຈັດການແຂ່ງຂັນຍິງເປົ້າໝາຍດ້ວຍລູກປືນແທ້ສາຍການນຳເນື່ອງໃນໂອກາດສະເຫຼີມ ສະຫຼອງວັນຊາດ ທີ 2 ທັນວາ ຄົບຮອບ 42 ປີ ກອງພົນທີ 1 ໄດ້ ຈັດການແຂ່ງຂັນຍິງເປົ້າໝາຍ ດ້ວຍລູກປືນແທ້ ສາຍການນໍາ ຂຶ້ນ ໃນວັນທີ 1 ທັນວາ 2017 ນີ້, ເຊິ່ງມີ ຄະນະພັກ-ຄະນະບັນ ຊາການກອງພົນ, ອົງການ, ພະ ແນກການ, ຫົວໜ້າການທະຫານ ຫຼື ເສນາທິການບັນດາກົມກອງ ທີ່ຂຶ້ນກັບ ແລະ ແຂກຖືກເຊີນມາ ຈາກອໍານາດການປົກຄອງ ເມືອງວັງວຽງ, ໂຮງງານຊີມັງ ລາວວັງວຽງ 3 ຫຼັງ, ແລະ ພາກ ສ່ວນທຸລະກິດ ບໍລິສັດ, ຫ້າງຮ້ານອ້ອມຂ້າງເມືອງວັງວຽງ ເຂົ້າຮ່ວມແຂ່ງຂັນ.


ການຈັດຕັ້ງປະຕິບັດຍິງລູກ ປືນແທ້ໃນຄັ້ງນີ້ ນອກຈາກຈະ ສ້າງບັນຍາກາດຮັບຕ້ອນວັນ ຊາດ ທີ 2 ທັນວາແລ້ວ. ກໍເພື່ອ ກວດກາຕີລາຄາຄືນຄວາມຮັບ ຮູ້, ເຂົ້າໃຈຕໍ່ທິດສະດີຫຼັກການ, ສິລະປະຍຸດ-ຍຸດທະວິທີໃນການ ນໍາໃຊ້ອາວຸດຍຸດໂທປະກອນ ການທະຫານຂອງພະນັກງານ-ນັກຮົບໃນກອງທັບ ລວມໄປ ເຖິງການຈັດຕັ້ງທຸກພາກສ່ວນ ຕະຫຼອດຮອດພາກສ່ວນທຸລະ ກິດ, ບໍລິສັດ, ຫ້າງຮ້ານຕ່າງໆ ຢູ່ໃນ ສປປ ລາວ, ສາມາດຮັບ ປະກັນໄດ້ດັບສູນເປົ້າໝາຍຊັດ ເຈນ, ວ່ອງໄວ, ທັນເວລາ ແລະ ມີປະສິດທິຜົນສູງ. ເຊິ່ງມີຜູ້ເຂົ້າ ຮ່ວມແຂ່ງຂັນທັງໝົດ 110 ສະ ຫາຍ, ເປົ້າໝາຍຍິງເບຍເລກ 4; ຍິງ 9 ລູກ ໄລຍະຍິງ 100 ແມັດ, ຄະແນນສູງສຸດ 90 ຄະແນນ.
ຜ່ານການແຂ່ງຂັນຍິງເປົ້າ ໝາຍຕົວຈິງສາມາດສະຫຼຸບຜົນ ໄດ້ຮັບດັ່ງນີ້: ຊະນະເລີດ ໂດຍ ສະຫາຍ ພັນໂທ ມອນທອງ ສິງ ຄໍາພັນ ຫົວໜ້າການທະຫານ ສູນເຝິກ-ອົບຮົມຍິງຖືກເປົ້າໝາຍ 9 ລູກ - ລວມ 77 ຄະແນນ ໄດ້ ຮັບຂັນ 1 ໜ່ວຍ ພ້ອມເງິນສົດຈຳ ນວນໜຶ່ງ, ຮອງຊະນະເລີດ ພັນ ໂທ ອານຸສອນ ທິບພາໄຊ ຫົວ ໜ້າການທະຫານກອງພັນນ້ອຍ 13 ຍິງຖືກເປົ້າໝາຍ 9 ລູກ - ລວມ 73 ຄະແນນ ໄດ້ຮັບຂັນ 1 ໜ່ວຍ ພ້ອມເງິນສົດຈຳນວນໜຶ່ງ, ລາງວັນທີ 3 ໄດ້ແກ່ສະຫາຍ ພັນ ໂທ ສຸດໃຈ ເຈີບົວແພງ ຮອງຫົວ ໜ້າຫ້ອງການເມືອງ ຍິງຖືກເປົ້າ ໝາຍ 9 ລູກ - ລວມ 72 ຄະ ແນນ ໄດ້ຮັບຂັນ 1 ໜ່ວຍ ພ້ອມ ເງິນສົດຈຳນວນ, ລາງວັນຊົມ ເຊີຍ ໂດຍ ສະຫາຍ ພັນໂທ ບຸນ ແຖວ ແກ້ວດວງດີ ຫົວໜ້າພະ ແນກອົບຮົມ-ສູ້ຮົບຍິງຖືກເປົ້າ ໝາຍ 8 ລູກ - ລວມ 69 ຄະ ແນນ.
ໂດຍ: ໂກຮັງ ພັນທະວົງ

ຂ່າວມື້ນີ້

ຂ່າວເດັ່ນ