Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 83  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສນປລ ເປີດຄ້າຍພັກນັກຂຽນໜຸ່ມ

 ຕອນເຊົ້າ ວັນທີ 7 ມັງກອນ  2017 ນີ້, ສະມາຄົມນັກປະພັນ ລາວຂຶ້ນກັບກົມພິມຈຳໜ່າຍ ກະ ຊວງຖະແຫລງຂ່າວ, ວັດທະນະ  ທຳ ແລະ ທ່ອງທຽວ ຮ່ວມກັບ  ສາລາກະວີ“ງົວ ແລະ ກວຽນ” ຈັດພິທີ ເປີດຄ້າຍພັກ ນັກຂຽນ ໜຸ່ມ (Young Writers’ Pen Camp)  ຢູ່ທີ່ສາລາກະວີ “ງົວ ແລະ ກວຽນ” ບ້ານໜອງວຽງ ຄຳ ເມືອງໄຊທານີ ນະຄອນ ຫຼວງວຽງຈັນ. ພາຍໃຕ້ການ ເປັນປະທານ ແລະ ກ່າວເປີດ ຂອງທ່ານ ສຸບັນ ຫຼວງລາດ  ນັກກະວີລາງວັນ ແມ່ນ້ຳຂອງ,  ນັກກະວີຊະນະເລີດກວດສອບ ລາງວັນຊີໄຣ ປະຈຳປີ 2016,  ຮອງປະທານ ທັງເປັນເລຂາທິ ການ ສນປລ. ໃຫ້ກຽດເຂົ້າຮ່ວມມີທ່ານນາງ ດາລາ ກັນລະຍາ ສິລະປິນແຫ່ງ ຊາດ ສາຂາວັນນະກຳ, ນັກກະວີລາງວັນຊີໄຣ, ທີ່ປຶກສາ ສນປລ, ມີບັນດາສິລະປິນດີເດັ່ນ ສາຂາວັນນະກຳ, ຄະນະບໍລິຫານງານ ແລະ ສະມາຊິກ ສນປລ, ຄະນະຮັບຜິດຊອບກິດຈະກຳຄ້າຍພັກນັກຂຽນໜຸ່ມ,​ ມີບັນດາ ນັກ ປະພັນ-ນັກກະວີ ລາງວັນສິນ ໄຊ, ແມ່ນ້ຳຂອງ, ຊີໄຣ, ມີຕາງ ໜ້າຜູ້ອຸປະຖຳ, ແຂກຖືກເຊີນ  ຕະຫຼອດຮອດ ພະສົງ-ສາມະເນນ,  ນັກຮຽນ- ນັກສຶກສາ ແລະ ປັນຍາຊົນນັກຂຽນສະມາຊິກໃນ ໂຄງການ ເຂົ້າຮ່ວມ.

   ໃນໂອກາດເປີດການດຳເນີນ ກິດຈະກຳໂຄງການດັ່ງກ່າວ  ຢ່າງເປັນທາງການ ທ່ານ ສຸບັນ ຫຼວງລາດ ກ່າວວ່າ: ປະຕິບັດ ຕາມຂໍ້ຕົກລົງຂອງລັດຖະມົນຕີກະຊວງ ຖວທ ສະບັບເລກທີ 2196/ຖວທ, ລົງວັນທີ15/11/2016 ວ່າດ້ວຍການແຕ່ງຕັ້ງຄະນະຮັບຜິດຊອບກິດຈະກໍາຄ້າຍພັກນັກຂຽນໜຸ່ມ ແລະ ການຄົ້ນ ຄວ້າປຶກສາຫາລືຂອງຄະນະຮັບ ຜິດຊອບກິດຈະກຳ ຄ້າຍພັກນັກ ຂຽນໜຸ່ມ ກ່ຽວກັບການສ້າງຂະ ບວນການເຄື່ອນໄຫວ ທາງວິຊາ ການ ຂອງບັນດານັກສິລະປິນ,  ນັກປະພັນ-ນັກກະວີລາວ ໃນ ການປະດິດຄິດແຕ່ງ ແລະ ການ ສຶກສາຮຽນຮູ້ດ້ານສິລະປະ-ວັນ ນະຄະດີຂອງມະຫາຊົນຄົນຮຸ່ນ ໃໝ່ໃຫ້ຟົດຟື້ນ,​ ສ້າງນັກປະພັນ-ນັກກະວີຮຸ່ນ ໃໝ່, ປູກຝັງກະແສ  ແລະ ຄ່ານິຍົມ ຂອງການປະດິດ ແຕ່ງບົດປະພັນວັນນະຄະດີຂອງ ຊາດ ແລະ ແນວຄວາມຄິດຈິນ ຕະນາການສ້າງສັນໃຫ້ແກ່ຄົນ ຮຸ່ນໃໝ່ທີ່ຈະເປັນຜູ້ສືບທອດ ອະ ນຸລັກຮັກສາ ແລະ ສົ່ງເສີມວັນ ນະຄະດີ ທີ່ເປັນມໍລະດົກທາງ ດ້ານວັດທະນະທຳຂອງຊາດ ລາວທີ່ຈະເລີນຮຸ່ງເຮືອງ ໃຫ້ຢູ່ ຄຽງຄູ່ກັບ ຄົນລາວໃນສັງຄົມ ລາວຕະຫລອດໄປ. ດັ່ງນັ້ນ,  ສນປລ ຮ່ວມກັບສາລາກະວີ  “ງົວ ແລະ ກວຽນ” ສ້າງແຜນ ການເຄື່ອນໄຫວກິດຈະກຳ ຄ້າຍ ພັກນັກຂຽນໜຸ່ມ ໃນວັນພັກທາງ ລັດຖະການ(ເສົາ-ອາທິດ)ແລະ ເວລາຫວ່າງ ເປັນຕົ້ນຕໍ ໃນໄລ  ຍະ 3​ ເດືອນ (ມັງກອນ-ມີນາ  2017) ເຊິ່ງໄດ້ເລີ່ມຕົ້ນ ນັບແຕ່ນີ້ເປັນຕົ້ນໄປ.
   ຂ່າວຍັງໃຫ້ຮູ້ຕື່ມອີກວ່າ: ໃນ ມື້ດຽວກັນນັ້ນ ຢູ່ທີ່ຫ້ອງປະຊຸມ ພະແນກ ຖວທ ແຂວງ ສະຫວັນ ນະເຂດ ສະມາຄົມນັກປະພັນ ລາວ ສາຂາ ແຂວງສະຫວັນນະ ເຂດ ກໍໄດ້ຈັດພິທີເປີດ ຄ້າຍພັກ  ນັກຂຽນໜຸ່ມ ເຊິ່ງກ່າວເປີດໂດຍ ທ່ານ ຄຳສິດ ພົມມະຈັນ ຄະນະ ບໍລິຫານງານ ສນປລ ທັງເປັນ ຮອງປະທານ ສປສ ອີກດ້ວຍ.
    ໂດຍ: ບຸນທະວີ ອິນທະມິດ

ຂ່າວມື້ນີ້

ຂ່າວເດັ່ນ