Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 124  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຜູ້ບັນຊາການທະຫານອາກາດແຫ່ງ ຣາຊະອານາຈັກໄທ ຢ້ຽມຢາມ ສປປ ລາວ ຢ່າງເປັນທາງການ

ພິທີທາງການຕ້ອນຮັບຄະນະທ່ານ ພົນເອກ ຈອມ ຣຸ້ງສະຫວ່າງ ຜູ້ບັນຊາການທະຫານ ອາກາດ ແຫ່ງ ຣາຊະອານາຈັກ ໄທ ຄະນະຜູ້ແທນຂັ້ນສູງທະຫານ ອາກາດ ແຫ່ງຣາຊະອານາຈັກ ໄທ ໄດ້ເດີນທາງມາຢ້ຽມຢາມ ສປປ ລາວຢ່າງເປັນທາງການ ໃນຕອນເຊົ້າວັນທີ 9 ມັງກອນ 2017 ນີ້, ເຊິ່ງນໍາໂດຍທ່ານ  ພົນເອກ ຈອມ ຣຸ້ງສະຫວ່າງ  ຜູ້ບັນຊາການທະຫານອາກາດ  ແຫ່ງຣາຊະອານາຈັກໄທ ພ້ອມ ພັນລະຍາ ແລະ ຄະນະ ເພື່ອມາ ສະເໜີຕົວ ແລະ ຢ້ຽມຢາມລາວ ໃນລະຫວ່າງວັນທີ 9-10 ມັງ ກອນ 2017.
    ພິທີທາງການຕ້ອນຮັບຄະນະທ່ານ ພົນເອກ ຈອມ ຣຸ້ງສະຫວ່າງ ຜູ້ບັນຊາການທະຫານ ອາກາດ ແຫ່ງ ຣາຊະອານາຈັກ ໄທ ໄດ້ຈັດຂຶ້ນຢ່າງສົມກຽດ ຢູ່ທີ່ກະຊວງປ້ອງກັນປະເທດ ໂດຍ ແມ່ນທ່ານ ພົນຈັດຕະວາ

ຄໍາພັດ ພິມມະຫາໄຊ ຫົວໜ້າກົມທະ ຫານອາກາດ, ກົມໃຫຍ່ເສນາທິ ການກອງທັບ ແຫ່ງ ສາທາລະ ນະລັດ ປະຊາທິປະໄຕ ປະຊາ ຊົນລາວ ພ້ອມດ້ວຍຄະນະທາງ ການຝ່າຍລາວ ນໍາພາທ່ານຂຶ້ນ ແທ່ນກຽດຕິຍົດ ເພື່ອ ເຄົາລົບທຸງ ຊາດ-ກວດແຖວກຽດຕິຍົດ ແລະສໍາຜັດມືກັບຄະນະທາງການທັງ ສອງຝ່າຍ. ຖັດຈາກນັ້ນ, ທັງ ສອງຝ່າຍໄດ້ພົບປະໂອ້ລົມແລກ ປ່ຽນຄວາມຄິດເຫັນເຊິ່ງກັນ ແລະກັນ ໃນສອງກອງທັບອາ ກາດ ໂດຍສະເພາະແມ່ນການ ແລກປ່ຽນບົດຮຽນດ້ານເຕັກນິກ ວິຊາສະເພາະກ່ຽວກັບເຮືອບິນ  ເພື່ອຍົກລະດັບທາງດ້ານວິຊາ ການປົກປັກຮັກສາ ແລະ ບໍາລຸງ ສ້ອມແປງເຄື່ອງຈັກ ແລະ ວຽກ ງານອື່ນໆ ທີ່ທັງສອງຝ່າຍໃຫ້ ຄວາມສົນໃຈຮ່ວມກັນ.
   ຕະຫລອດໄລຍະການຢູ່ຢ້ຽມ ຢາມ ສປປ ລາວໃນຄັ້ງນີ້, ຄະ ນະຜູ້ແທນຂັ້ນສູງທະຫານອາ ກາດ ແຫ່ງຣາຊະອານາຈັກໄທ ຍັງໄດ້ເຂົ້າຢ້ຽມຂໍ່ານັບ ແລະ ພົບປະໂອ້ລົມກັບທ່ານ ພົນຕີ ພູວົງ  ວົງພົມ ຮອງລັດຖະມົນຕີ ກະຊວງ ປ້ອງກັນປະເທດ ແຫ່ງ ສປປ ລາວ ທີ່ກະຊວງປ້ອງກັນປະເທດ ນະຄອນຫລວງວຽງຈັນ ເຊິ່ງ ທ່ານຮອງລັດຖະມົນຕີ ກໍໄດ້ສະ ແດງຄວາມຍິນດີຕ້ອນຮັບຄະນະ ທະຫານອາກາດໄທຢ່າງອົບອຸ່ນ  ແລະ ຫົວໜ້າ ຄະນະຝ່າຍໄທ ກໍໄດ້ກ່າວສະແດງຄວາມດີໃຈເປັນ ພິເສດທີ່ໄດ້ມາຢ້ຽມຢຽມລາວ ໃນຄັ້ງນີ້, ໂອກາດດຽວກັນ ທ່ານພົນເອກ ຈອມ ຣຸ້ງສະຫວ່າງ  ຍັງໄດ້ເຊີນຊວນຄະນະຝ່າຍລາວ ໄປຢ້ຽມຢາມ ເຊິ່ງທະຫານອາກາດ ຍິນດີຕ້ອນຮັບຕະຫລອດເວ ລາ. ນອກຈາກນັ້ນ, ກໍໄດ້ໄປ ວາງພວງມາລາທີ່ອະນຸສາວະລີ ນັກຮົບປະຕິວັດ, ແລະ ໃນຕອນ ທ່ຽງທ່ານ ພົນຈັດຕະວາ ຄໍາພັດ  ພິມມະຫາໄຊ ຫົວໜ້າກົມທະ ຫານອາກາດ, ກົມໃຫຍ່ເສນາທິ ການກອງທັບ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນລາວ ກໍໄດ້ຈັດງານລ້ຽງອາຫານທ່ຽງຮັບຮອງ ແກ່ຄະນະຜູ້ແທນ ຂັ້ນສູງທະຫານອາກາດ ແຫ່ງ ຣາຊະອານາຈັກໄທ ຢ່າງເປັນທາງການພ້ອມຊົມການ ສະແດງ ສິລະປະວັນນະຄະດີ ຈາກກອງ ສິລະປກອນກອງທັບປະຊາຊົນ ລາວ ດ້ວຍບັນຍາກາດຄຶກຄື້ນ ມ່ວນຊ່ວນ.
    ການເດີນທາງມາຢ້ຽມຢາມ ສປປ ລາວ ຂອງຄະນະຜູ້ແທນ ຂັ້ນສູງທະຫານອາກາດ ແຫ່ງ  ຣາຊະອານາຈັກໄທ ໃນຄັ້ງນີ້,ຖື ໄດ້ວ່າປະສົບຜົນສໍາເລັດທຸກປະ ການຢ່າງຈົບງາມ, ແລະ ໃນຕອນບ່າຍຂອງວັນດຽວກັນ ຄະ ນະດັ່ງກ່າວກໍໄດ້ເດີນທາງໄປ ຢ້ຽມຢາມສໍາຜັດທ່ຽວຊົມແຂວງ ຫລວງພະບາງກ່ອນຈະກັບຄືນ ປະເທດໃນວັນທີ 10 ມັງກອນ 2017 ດ້ວຍຄວາມສະຫວັດດີ ພາບ.

ຂ່າວມື້ນີ້

ຂ່າວເດັ່ນ