Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 61  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ປະທານປະເທດ ສປປ ລາວ ພົບປະກັບປະທານປະເທດ ສສ ຫວຽດນາມ ທີ່ນະຄອນດານັງ

ປະທານປະເທດ ສປປ ລາວ ພົບປະກັບປະທານປະເທດ ສສ ຫວຽດນາມ ທີ່ນະຄອນດານັງໃນຕອນເຊົ້າຂອງວັນທີ 11 ພະຈິກ 2017, ທີ່ນະຄອນດານັງ, ສສ ຫວຽດນາມ, ທ່ານບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ, ໄດ້ພົບປະສອງຝ່າຍກັບ ທ່ານ ເຈິນດ້າຍກວາງ, ປະທານປະເທດແຫ່ງ ສສ. ຫວຽດນາມ, ໃນໂອກາດທີ່ທ່ານພ້ອມດ້ວຍພັນລະຍາ ແລະ ຄະນະເດີນທາງເຂົ້າຮ່ວມກອງປະຊຸມເວທີສົນທະນາແບບບໍ່ເປັນທາງການ ລະຫວ່າງ ຜູ້ນໍາເສດຖະກິດອາເປັກ ແລະ ຜູ້ນຳອາຊຽນ ຢູ່ນະຄອນດານັງ, ໃນລະຫວ່າງວັນທີ 10-11 ພະຈິກ2017.
ໃນການພົບປະຄັ້ງນີ້, ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ, ຄວາມສາມັກດ້ານ ລະຫວ່າງ ສອງພັກ, ສອງ ລັດ ແລະ ປະຊາຊົນສອງຊາດ ລາວ-ຫວຽດນາມ ທີ່

ມີມູນເຊື້ອ ອັນດີງາມມາແຕ່ດົນນານ, ເຊິ່ງ ນັບມື້ມີຄວາມແໜ້ນແຟ້ນ, ຈະ ເລີນງອກງາມ ແລະ ແຕກດອກ ອອກຜົນຍິ່ງຂຶ້ນເລື້ອຍໆ. ພ້ອມນີ້, ທັງສອງຝ່າຍ ຍັງໄດ້ທົບທວນ ຄືນເຖິງເຫດການສຳຄັນ ໃນປີ 2017 ຊຶ່ງເປັນປີພິເສດທີ່ສອງ ປະເທດ ລາວ-ຫວຽດນາມ ໄດ້ ຮ່ວມກັນສະເຫລີມສະຫລອງ 02 ວັນປະຫວັດສາດ ເຊັ່ນ: ວັນການ ສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ ແລະ ວັນຄົບຮອບ 40 ປີ ແຫ່ງສົນທິສັນຍາມິດຕະພາບ ແລະ ການຮ່ວມມື ລະຫວ່າງ ລາວ-ຫວຽດນາມ ຢ່າງຄຶກຄື້ນ ແລະ ມີຄວາມໝາຍ.
ໃນໂອກາດດັ່ງກ່າວ, ພະນະ ທ່ານ ເຈິນ ດ້າຍ ກວາງ ກໍໄດ້ ສະແດງຄວາມຂອບໃຈ ແລະ ຕີລາຄາສູງ ຕໍ່ການເດີນທາງມາ ເຂົ້າຮ່ວມກອງປະຊຸມເວທີສົນ ທະນາແບບບໍ່ເປັນທາງການ ລະຫວ່າງ ຜູ້ນໍາເສດຖະກິດອາ ເປັກ ແລະ ຜູ້ນຳອາຊຽນ ຢູ່ ສສ ຫວຽດນາມ ຂອງ ພະນະທ່ານ ປະທານປະເທດ ບຸນຍັງ ວໍລະຈິດ ພ້ອມດ້ວຍພັນລະຍາ ແລະ ຄະນະ ໃນຄັ້ງນີ້, ເຊິ່ງເປັນການຮັດແໜ້ນ ການຮ່ວມມື ລະ ຫວ່າງສະມາຊິກ ອາເປັກກັບບັນດາປະເທດອາ ຊຽນ ໃນການສ້າງຄວາມເຂັ້ມ ແຂງໃໝ່ ໃຫ້ແກ່ການເຊື່ອມຈອດ ແລະ ການເຊື່ອມໂຍງ ອາຊີ-ປາ ຊີຟິກ ແບບຮອບດ້ານ ອັນຈະນຳ ໄປສູ່ການພັດທະ ນາແບບຍືນຍົງ ໃຫ້ແກ່ອາຊຽນ ແລະ ອາເປັກ. ພ້ອມນີ້, ທ່ານ ເຈິນ ດ້າຍ ກວາງ ຍັງໄດ້ເຊື້ອເຊີນ ທ່ານ ບຸນຍັງ ວໍ ລະຈິດ ຢ້ຽມຢາມ ສສ. ຫວຽດ ນາມ ໃນທ້າຍປີ 2017 ນີ້, ເພື່ອ ເພີ່ມທະວີສາຍພົວພັນມິດຕະ ພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມທີ່ມີມູນເຊື້ອອັນດີ ງາມມາແຕ່ດົນນານ, ໃຫ້ນັບມື້ ມີຄວາມແໜ້ນແຟ້ນ, ຈະເລີນ ງອກງາມ ແລະ ແຕກດອກອອກ ຜົນຍິ່ງໆຂຶ້ນ ແລະ ກໍເພື່ອສະຫຼຸບ ການສະເຫຼີມສະຫຼອງ 2 ວັນປະ ຫວັດສາດ ທີ່ສອງປະເທດລາວ- ຫວຽດນາມໄດ້ຮ່ວມກັນສະ ຫຼອງຜ່ານມາ.
ໃນໂອກາດນີ້, ທ່ານ ບຸນຍັງ ວໍລະຈິດ ກໍໄດ້ສະແດງຄວາມ ຂອບໃຈຕໍ່ການຕ້ອນຮັບອັນອົບ ອຸ່ນຂອງ ທ່ານ ເຈິນ ດ້າຍ ກວາງ ແລະ ການເຊື້ອເຊີນ ສປປ ລາວ ເຂົ້າຮ່ວມກອງປະຊຸມເວທີສົນ ທະນາແບບບໍ່ເປັນທາງການລະ ຫວ່າງຜູ້ນໍາເສດຖະກິດອາເປັກ ແລະ ຜູ້ນຳອາຊຽນໃນຄັ້ງນີ້, ເຊິ່ງເປັນການເປີດໂອກາດໃຫ້ ສປປ ລາວ ໄດ້ແລກປ່ຽນຄວາມ ຄິດເຫັນກັບບັນດາສະມາຊິກ ອາເປັກ ກ່ຽວກັບການຮ່ວມ ມື ໃນຍຸກແຫ່ງການເຊື່ອມໂຍງ ແລະ ເຊື່ອມຈອດພາກພື້ນ ແລະ ສາກົນ, ພ້ອມທັງສະແດງຄວາມ ຍິນດີ ທີ່ ສສ. ຫວຽດນາມ ໄດ້ ຮັບຜົນສຳເລັດຢ່າງຈົບງາມ ໃນ ການຈັດກອງປະຊຸມສຸດຍອດ ອາເປັກ ແລະ ກອງປະຊຸມອື່ນໆ ທີ່ກ່ຽວຂ້ອງ ໃນຄັ້ງນີ້, ຂໍຊົມເຊີຍ ແລະ ອວຍພອນໃຫ້ ສສ ຫວຽດ ນາມ ຈົ່ງມີຜົນສຳເລັດອັນໃຫຍ່ ຫລວງກວ່າເກົ່າ ໃນການພັດທະ ນາປະເທດຊາດ. ນອກຈາກນີ້, ທ່ານ ບຸນຍັງ ວໍລະຈິດ ຍັງໄດ້ ສະແດງຄວາມເຫັນອົກເຫັນໃຈ ຕໍ່ລັດຖະບານ ແລະ ປະຊາຊົນ ຫວຽດນາມ ທີ່ໄດ້ຮັບຜົນກະທົບ ອັນໜັກໜ່ວງຈາກລົມພາຍຸດຳຣີ ຫວ່າງບໍ່ດົນມານີ້, ເຊິ່ງທ່ານປະ ທານປະເທດ ບຸນຍັງ ວໍລະຈິດ ກໍ ໄດ້ຖືໂອກາດນີ້ຕາງໜ້າໃຫ້ລັດຖະ ບານ ແລະ ປະຊາຊົນລາວກ່າວ ມອບເງິນຈຳນວນ 100.000 ໂດລາສະຫະລັດ,ເຂົ້າສານຈ້າວ, ໜຽວຈຳນວນ 20 ໂຕນ ແລະ ເຄື່ອງແຫ້ງອື່ນໆຕື່ມຈຳນວນໜຶ່ງ ຫ້ແກ່ລັດຖະບານ ແລະ ປະຊາ ຊົນຫວຽດນາມ ເພື່ອນຳໄປຊ່ວຍເຫຼືອຜູ້ປະສົບໄພຈາກພະຍຸດັ່ງ ກ່າວທີ່ພັດເຂົ້າທຳລາຍ ແລະ ສ້າງຄວາມເສຍຫາຍໃຫ້ແກ່ພາກ ກາງຫວຽດນາມ. ທ່ານ ບຸນຍັງ ວໍລະຈິດ ໄດ້ຕອບຮັບການເຊີນ ໄປຢ້ຽມຢາມ ສສ ຫວຽດນາມ ດ້ວຍຄວາມຍິນດີ, ສ່ວນລາຍລະ ອຽດທັງສອງຝ່າຍຈະປະສານ ກັນໂດຍຜ່ານສາຍທາງການທູດ ຕື່ມອີກ.

ຂ່າວມື້ນີ້

ຂ່າວເດັ່ນ