Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 62  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ພິທີລົງນາມຮ່ວມມືຈັດພິມປື້ມລະຫວ່າງ ສປປ ລາວ ແລ ສປ ຈີນ

ພິທີລົງນາມຮ່ວມມືຈັດພິມປື້ມລະຫວ່າງ ສປປ ລາວ ແລ ສປ ຈີນໃນຕອນແລງຂອງວັນທີ 10 ພະຈິກ 2017 ນີ້, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ສປປ ລາວ ຮ່ວມກັບສໍານັກພິມ, ວິທະຍຸ-ໂທລະພາບແຂວງຢູນານ ສປ ຈີນ ແລະ ບໍລິສັດສໍານັກພິມຢູນນານກຣຸບ ສປ ຈີນ ໄດ້ຈັດພິທີເປີດໂຕປຶ້ມ “ຄູ່ມືຄວາມຮູ້ກ່ຽວກັບການຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ”ໂດຍຫຍໍ້ ( ສະບັບພາສາລາວ) ແລະ ລົງນາມຮ່ວມມືການຈັດພິມປຶ້ມຂຶ້ນຢູ່ທີ່ໂຮງແຮມດອນຈັນ, ພາເຣດ, ນະຄອນຫຼວງວຽງຈັນໂດຍການເປັນປະທານຮ່ວມຂອງ ທ່ານ ບົວເງິນ ຊາພູວົງ
ຮອງລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ສປປ ລາວ ແລະ ທ່ານ ກົວເວີ້ຍມິນ ຮອງຫົວໜ້າຫ້ອງການຖະແຫຼງຂ່າວຄະນະລັດຖະບານຈີນ,

ມີທ່ານ ບຸນເລືອງ ບຸບຜາ ຫົວໜ້າກົມພົວພັນຮ່ວມມືຕ່າງປະເທດ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ປິ່ນ ປາດຖະໜາ ຫົວໜ້າກົມສື່ມວນຊົນກະຊວງຖະແຫຼງຂ່າວ, ວັດທະນະ
ທໍາ ແລະ ທ່ອງທ່ຽວ, ທ່ານ ເຊີນຕ໋າເວີ້ຍ ຮອງຫົວໜ້າການພົວພັນລະຫວ່າງປະເທດຄະນະລັດຖະບານຈີນ, ທ່ານ ຈຽງມ້າວໜິງຫົວໜ້າກົມບໍລິຫານ ແລະ ນໍາເຂົ້າຂ່າວສານ, ສິ່ງພິມ, ວິທະຍຸ-ໂທລະພາບແຫ່ງຊາດ ສປ ຈີນແລະ ພາກສ່ວນກ່ຽວຂ້ອງທັງສອງປະເທດເຂົ້າຮ່ວມ.
ໃນພິທີນອກຈາກການເປີດໂຕປຶ້ມເຫຼັ້ມໃໝ່ “ປຶ້ມຄູ່ມືຄວາມຮູ້ກ່ຽວກັບການຮ່ວມມືແມ່ນນໍ້າລ້ານຊ້າງ-ແມ່ນໍ້າຂອງ”(ສະບັບພາສາລາວ) ໂດຍຫຍໍ້ແລ້ວຍັງມີການລົງນາມຮ່ວມມືໃນການຈັດພິມປຶ້ມລະຫວ່າງບໍລິສັດສໍານັກພິມຢູນນານກຣຸບ ກັບ ສໍານັກພິມ ແລະ ຈໍາໜ່າຍປຶ້ມແຫ່ງລັດ ສປປ ລາວ ໂດຍການລົງນາມຂອງ ທ່ານ ວິວັນ ຈັນທະໂຄດ ອໍານວຍການ, ບັນນາທິ ການໃຫຍ່ສໍານັກພິມ ແລະ ຈໍາ ໜ່າຍປຶ້ມແຫ່ງລັດ ສປປ ລາວ ແລະ ທ່ານ ຫຼີເວີຍ ປະທານ ບໍລິສັດ ສໍານັກພິມຢູນນານກຣຸບ ສປ ຈີນ. ການຈັດພິທີເປີດໂຕປຶ້ມ ເຫຼັ້ມໃໝ່ນີ້ຈຸດປະສົງ ກໍເພື່ອເຮັດ ໃຫ້ເພື່ອນຮ່ວມງານທຸກທ່ານໄດ້ ຮັບການຊ່ວຍເຫຼືອຈາກກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ສໍານັກພິມ ແລະ ຈໍາໜ່າຍແຫ່ງລັດ ສປປ ລາວ ໃຫ້ສື່ມວນຊົນ ໄດ້ເຜີຍແຜ່ຂໍ້ ມູນຕ່າງໆອອກສູ່ສັງຄົມໄດ້ຢ່າງ ທົ່ວເຖິງ, ເປັນການຊຸກຍູ້ການ ຮ່ວມມືແລກປ່ຽນໃນວົງການ ພິມຂອງສອງປະເທດລາວ-ຈີນ ໃຫ້ໄດ້ຮັບຜົນສໍາເລັດໄປດ້ວຍດີ, ທັງເປັນການສົ່ງເສີມມິດຕະພາບ ການພົວພັນເຊິ່ງກັນ ແລະ ກັນ ລະຫວ່າງປະຊາຊົນສອງປະເທດ ລາວ-ຈີນ. ອີກຢ່າງໜຶ່ງສິ່ງທີ່ຈະ ໄດ້ຮັບຜົນກໍຄືການຈັດພິມປຶ້ມ ເພື່ອການເຜີຍແຜ່ຜົນສໍາເລັດ ຄວາມຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ, ເປັນຂົວກ່າຍເຊື່ອມ ໂຍງແລກປ່ຽນບົດຮຽນທາງ ດ້ານວັດທະນະທໍາລະຫວ່າງ ສອງປະເທດລາວ-ຈີນແລະ ການພົວພັນດ້ານອື່ນໆ.
ໂດຍ: ແສງເດືອນ

ຂ່າວມື້ນີ້

ຂ່າວເດັ່ນ