Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 65  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

20 ປີການຮ່ວມມືລາວ-ຈີນ ມີມູນຄ່າການລົງທຶນ 10 ຕື້ກວ່າໂດລາ

ທ່ານ ນາງ ເຂັມມະນີ ພົນເສນາ(ບົດຕອບສຳພາດທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ, ປະທານຄະນະກຳມາທິການຮ່ວມມື ລາວ-ຈີນ ຕໍ່ສື່ມ່ວນຊົນໃນວັນທີ 10 ພະຈິກ 2017)ພາຍຫລັງທີ່ລັດຖະບານສອງປະເທດໄດ້ເຫັນດີຍົກລະດັບສາຍພົວພັນມາເປັນຄູ່ຮ່ວມຍຸດທະສາດຮອບດ້ານບົນພື້ນຖານບ້ານໃກ້ເຮືອນຄຽງທີ່ດີເພື່ອນທີ່ດີ ສະຫາຍທີ່ດີ ແລະ ຄູ່ຮ່ວມພັດທະນາທີ່ດີ ນັບແຕ່ວັນທີ 9 ກັນຍາ 2009 ເປັນຕົ້ນທັງສອງປະເທດໄດ້ແລກປ່ຽນຄະນະຜູ້ແທນຂັ້ນສູງຢ້ຽມ ຢາມເຊິ່ງກັນ ແລະ ກັນປີໜຶ່ງຫຼາຍຄັ້ງເຮັດໃຫ້ມີຄວາມເຂົ້າອົກເຂົ້າໃຈ ແລະ ວາງແຜນຍຸດທະສາດຮ່ວມກັນຫລາຍຂຶ້ນ. ສໍາລັບການຮ່ວມມືຮອບດ້ານໃນຂົງເຂດເສດຖະກິດການຮ່ວມມື ລາວ-ຈີນ ໄດ້ເພີ່ມພູນຄູນສ້າງຂຶ້ນດ້ວຍຜົນສໍາ ເລັດຄື ສປ ຈີນ ກາຍເປັນປະເທດທີ່ມາລົງທຶນອັນດັບໜຶ່ງໃນ ສປປ ລາວ, ມີໂຄງການລົງທຶນທັງໝົດ 700 ກວ່າໂຄງການໃນມູນຄ່າການລົງທຶນປະມານ 10 ຕື້ໂດລາ

ແລະ ເປັນຄູ່ຄ້າຕ່າງປະເທດອັນດັບສອງຂອງລາວເຊິ່ງແຕ່ລະປີກໍມີທ່າອ່ຽງເພີ່ມຂຶ້ນ ເລື້ອຍໆ, ສະເພາະ 6 ເດືອນຕົ້ນປີ 2017 ມີອັດຕາເພີ່ມຂຶ້ນກວ່າ 23% ມູນ ຄ່າການຄ້າລາວ-ຈີນບັນລຸໄດ້ປະມານ 1,5 ຕື້ໂດລາ. ການຮ່ວມມືຮອບດ້ານໄດ້ປະ ກອບສ່ວນເຂົ້າໃນການພັດທະ ນາເສດຖະກິດ-ສັງຄົມຂອງລາວໃນການເຊື່ອມກັບນະໂຍບາຍ “ໜຶ່ງແລວທາງໜຶ່ງເສັ້ນທາງ” ແລະ ການຫັນຈາກປະເທດບໍ່ມີ ທາງອອກສູ່ທະເລກາຍເປັນປະ ເທດເຊື່ອມຈອດກັບບັນດາປະ ເທດພາກພື້ນດ້ວຍທາງລົດໄຟ ລາວ-ຈີນ, ຢູ່ໃນຂົງເຂດວັດທະ ນະທໍາ-ສັງຄົມ ແລະ ການທ່ອງ ທ່ຽວຝ່າຍຈີນ ໄດ້ສຸມໃສ່ຊ່ວຍ ເຫຼືອລາວໃນຫຼາຍໆໂຄງການ ເພື່ອຍົກລະດັບຊີວິດການເປັນຢູ່ ຂອງປະຊາຊົນລາວ ແລະ ຊ່ວຍ ໃນການສ້າງໂຮງໝໍ,ໂຮງຮຽນ, ຊ່ວຍໂຄງການຫຼຸດຜ່ອນຄວາມ ທຸກຍາກ, ຊ່ວຍໂຄງການໃນ ການສຶກສາເຂດຫ່າງໄກສອກ ຫຼີກຕາມທິດສ້າງສາສັງຄົມນິ ຍົມໃນນັ້ນວຽກງານສົ່ງເສີມ ທ່ອງທ່ຽວໄປມາຫາສູ່ກັນລະ ຫວ່າງລາວ-ຈີນລຽບຕາມຊາຍ ແດນທີ່ມີຄວາມຍາວ 500 ກວ່າ ກິໂລແມັດ.

ເວົ້າສະເພາະແນວຄິດ“ໜຶ່ງ ແລວທາງໜຶ່ງເສັ້ນທາງ” ທີ່ປະ ທານປະເທດຈີນ ສີ ຈິ້ນຜີງ ໄດ້ລິ ເລີ່ມໃນປີ 2013 ຜ່ານມາ ແລະ ກໍໄດ້ຮັບການສະໜັບສະໜູນ ຈາກປະຊາຄົມໂລກ ລວມທັງ ໄດ້ຮັບການຢັ້ງຢືນຮັບຮອງໃນ ກອງປະຊຸມສຸດຍອດ“ໜຶ່ງແລວ ທາງໜຶ່ງເສັ້ນທາງ” ທີ່ຈັດຂຶ້ນຢູ່ ສປ ຈີນ ໃນ ເດືອນ ພຶດສະພາ ຜ່ານມາ ໃນນັ້ນ ລະຫວ່າງ ສປປ ລາວ ແລະ ສປ ຈີນ ກໍໄດ້ເຊັນ ແຜນແມ່ບົດ ກ່ຽວກັບການຮ່ວມ ມືກັນຈັດຕັ້ງປະຕິບັດ“ໜຶ່ງແລວ ທາງໜຶ່ງເສັ້ນທາງ” ຈາກແຜນ ແມ່ບົດດັ່ງກ່າວກະຊວງທີ່ກ່ຽວ ຂ້ອງກໍໄດ້ປະສານສົມທົບປຶກສາ ຫາລືກັນເພື່ອເຮັດແນວໃດໃຫ້ ນະໂຍບາຍຫັນປະເທດ ລາວ ເປັນປະເທດເຊື່ອມຈອດສາມາດ ນໍາເອົາຜົນປະໂຫຍດມາສູ່ປະ ຊາຊົນສອງປະເທດ.
ນອກຈາກນັ້ນ, ຂະແໜງການ ສື່ສານ ວິທະຍຸ-ໂທລະພາບ, ໜັງ ສືພິມ, ວາລະສານ ແລະ ສື່ເອ ເລັກໂຕຣນິກຕ່າງໆ ກໍໄດ້ປະ ກອບສ່ວນໂຄສະນາເຜີຍແຜ່ ພາບ-ສຽງ,ຂໍ້ມູນຂ່າວສານເຮັດ ໃຫ້ການພົວພັນຮ່ວມມືລະຫວ່າງ ລາວ-ຈີນ ມີຫລາຍສີສັນ, ເຮັດ ໃຫ້ປະຊາຊົນສອງຊາດ ລາວ-ຈີນ ຫຍັບໃກ້ເຂົ້າຫາກັນ ເຮັດໃຫ້ໂລກ ຮູ້ລາວ-ຮູ້ຈີນ ຮູ້ເຖິງສາຍພົວພັນ ລາວ-ຈີນ ນັບມື້ແຫນ້ນແຟ້ນ ກວ້າງຂວາງ ແລະ ເລິກເຊິ່ງ.
ທ່ານ ນາງ ເຂັມມະນີ ພົນເສ ນາ ກ່າວຕື່ມວ່າ: ສໍາລັບການ ຮ່ວມມືລະຫວ່າງຄະນະກໍາມາ ທິການດ້ານ ເສດຖະກິດ-ການຄ້າ ແລະ ເຕັກນິກ ລາວ-ຈີນ ແມ່ນ ໄດ້ມີທ່າກ້າວຂະຫຍາຍຕົວຕະ ຫລອດມາ, ມາຮອດປີນີ້ ພໍດີຄົບ ຮອບ 20 ປີ, ຜ່ານການນໍາຂັ້ນ ຕ່າງໆຂອງສອງປະເທດໄດ້ ພ້ອມກັນປະກອບສ່ວນໃນການ ເພີ່ມພູນຄູນສ້າງສາຍພົວພັນມິດ ຕະພາບ ເຊິ່ງທັງເປັນເສນາທິ ການໃຫ້ແກ່ພັກ ແລະ ລັດຖະບານ, ທັງເປັນຂົວຕໍ່ໃຫ້ແກ່ພາກທຸລະ ກິດກໍຄືພາກປະຊາຊົນສອງປະ ເທດເຮັດໃຫ້ການພົວພັນຮ່ວມ ມືມິດຕະພາບລາວ-ຈີນ ມີຄວາມ ຈະເລີນງອກງາມຂຶ້ນໄປເລື້ອຍໆ ໃນນາມຂ້າພະເຈົ້າທີ່ໄດ້ຮັບການ ມອບໝາຍຈາກລັດຖະບານ ໃຫ້ເປັນປະທານຮ່ວມມືຝ່າຍ ລາວນີ້ ກໍໄດ້ຕັ້ງໜ້າໃນການປະ ສານສົມທົບກັບການນໍາກະ ຊວງການຄ້າຂອງ ສປ ຈີນ ທີ່ໄດ້ ຮັບມອບໝາຍຈາກລັດຖະບານ ຈີນ ໃນການເປັນປະທານຄະນະ ກໍາມາທິການດັ່ງກ່າວ, ຫລ້າສຸດ ພວກຂ້າພະເຈົ້າໄດ້ສໍາເລັດການ ພົບປະຄັ້ງທີ 8 ໃນເດືອນ ສິງຫາ ຜ່ານມາ ຢູ່ນະຄອນຫລວງປັກ ກິ່ງ, ການພົບປະຄັ້ງນັ້ນພວກຂ້າ ພະເຈົ້າໄດ້ເນັ້ນໃສ່ວ່າ ປັບປຸງກົນ ໄກການຮ່ວມມືໃຫ້ມັນງ່າຍດາຍ ສາມາດເຊື່ອມຈອດບັນດາກະ ຊວງ,ຂະແໜງການສູນກາງ ແລະ ທ້ອງຖິ່ນ ເພື່ອໃຫ້ໄດ້ຂໍ້ມູນທີ່ ຊັດເຈນໃຫ້ແກ່ການຕັດສິນໃຈ ຂອງການນໍາຂັ້ນສູງຂອງແຕ່ ລະປະເທດ. ນອກນັ້ນກະຊວງ ຍັງໄດ້ສຸມໃສ່ການພັດທະນາຊັບ ພະຍາກອນມະນຸດ ເພື່ອໃຫ້ໄດ້ ຈັດຊຸດສໍາມະນາບໍ່ວ່າຂົງເຂດ ເສດຖະກິດກໍຄືວັດທະນະທໍາ-ສັງ ຄົມຢູ່ທັງສອງປະເທດ ລວມທັງ ວາງແຜນຍຸດທະສາດການຮ່ວມ ມືກັນໃນໄລຍະສັ້ນ, ກາງ ແລະ ໄລຍະຍາວຕື່ມອີກ.

ຂ່າວມື້ນີ້

ຂ່າວເດັ່ນ