Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 66  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະຜູ້ແທນການທະຫານຂັ້ນສູງກອງທັບປະຊາຊົນລາວສຳເລັດການຢ້ຽມຢາມຣາຊະອານາຈັກໄທ

ຄະນະຜູ້ແທນການທະຫານຂັ້ນສູງກອງທັບປະຊາຊົນລາວສຳເລັດການຢ້ຽມຢາມຣາຊະອານາຈັກໄທໃນລະຫວ່າງວັນທີ 8-9 ພະຈິກ 2017 ນີ້, ຄະນະຜູ້ແທນການທະຫານຂັ້ນສູງກອງທັບປະຊາຊົນລາວ ໄດ້ສໍາເລັດການຢ້ຽມຢາມ ຣາຊະອານາຈັກໄທ.ເຊິ່ງນໍາໂດຍທ່ານ ພົນຕີ ຄໍາລຽງ ອຸທະໄກສອນ ຮອງຫົວໜ້າກົມ ໃຫຍ່ເສນາທິການກອງທັບປະ ຊາຊົນລາວ.
ພິທີຕ້ອນຮັບຢ່າງເປັນທາງ ການໄດ້ຈັດຂຶ້ນໃນຕອນບ່າຍ ຂອງວັນທີ 8 ພະຈິກ 2017 ຢູ່ທີ່ ໜ້າສໍານັກງານຜູ້ບັນຊາການທະ ຫານບົກ ແຫ່ງຣາຊະອານາຈັກ ໄທ ໂດຍແມ່ນທ່ານ ພົນເອກ ສະ ເຫລີມໄຊ ສິດທິຊາດ ຜູ້ບັນຊາ ການທະຫານບົກ ຣາຊະອານາ ຈັກໄທພ້ອມດ້ວຍຄະນະໃຫ້ການ ຕ້ອນຮັບຄະນະຢ່າງອົບອຸ່ນ.

ພາຍຫລັງສໍາເລັດພິທີຕ້ອນ ຮັບຢ່າງເປັນທາງການແລ້ວ ກໍ ໄດ້ເຂົ້າພົບປະສອງຝ່າຍ ເຊິ່ງ ຝ່າຍລາວນໍາໂດຍ ທ່ານ ພົນຕີ ຄໍາລຽງ ອຸທະໄກສອນ ແລະ ຝ່າຍໄທ ນໍາໂດຍ ທ່ານ ພົນເອກ ສະເຫລີມໄຊ ສິດທິຊາດ ເຊິ່ງທັງ ສອງຝ່າຍ ໄດ້ແຈ້ງສະພາບການ ພັດທະນາເສດຖະກິດ-ສັງຄົມ ປະເທດຂອງຕົນໃຫ້ກັນ ແລະ ກັນຊາບ ພ້ອມທັງຕີລາຄາສູງ ແລະ ສະແດງຄວາມຍີນດີທີ່ເຫັນ ວ່າສາຍພົວພັນມິດຕະພາບທີ່ດີ ຖານບ້ານໃກ້ເຮືອນຄຽງລະ ຫວ່າງສອງປະເທດ, ສອງກອງ ທັບ ລາວ-ໄທ ໄດ້ມີການພົວພັນ ກັນຫລາຍດ້ານອັນໄດ້ນໍາເອົາ ຜົນປະໂຫຍດມາສູ່ປະຊາຊົນ ສອງປະເທດລາວ ແລະ ໄທ ນັບ ມື້ນັບຫລາຍຂຶ້ນ. ພ້ອມທັງໄດ້ຮັບຟັງການບັນຍາຍສະຫລຸບ ໂດຍຫຍໍ້ກ່ຽວກັບຍຸດທະການ ກອງທັບບົກໄທຢູ່ທີ່ສູນປະຕິບັດ ການກອງທັບບົກ.
ເວລາຕໍ່ມາ ທ່ານ ພົນຕີ ຄໍາ ລຽງ ອຸທະໄກສອນ ພ້ອມດ້ວຍ ຄະນະ ກໍໄດ້ເຂົ້າຢ້ຽມຂໍ່ານັບ ທ່ານ ພົນເອກ ໄຊຍັນ ສີສຸວັນ ຜູ້ບັນຊາການທະຫານສູງສຸດ ກອງທັບໄທ ໂອກາດນີ້ທ່ານຜູ້ ບັນຊາການທະຫານສູງສຸດ ກໍ ໄດ້ສະແດງຄວາມຕ້ອນຮັບຕໍ່ ທ່ານພົນຕີ ຄໍາລຽງ ອຸທະໄກ ສອນ ພ້ອມຄະນະ ທີ່ໄດ້ເດີນທາງ ມາຢຽ້ມຢາມຣາຊະອານາຈັກ ໄທຄັ້ງນີ້ ເຊິ່ງຈະເປັນການປະ ກອບສ່ວນເຂົ້າໃນການເສີມສ້າງ ສາຍພົວພັນທີ່ດີລະຫວ່າງສອງ ປະເທດ, ສອງກອງທັບລາວ ແລະ ໄທໃຫ້ຂະຫຍາຍຕົວ, ພ້ອມ ທັງອວຍພອນໃຫ້ທ່ານ ພົນຕີ ຄໍາ ລຽງ ອຸທະໄກສອນ ພ້ອມຄະນະ ຈົ່ງປະສົບຜົນສໍາເລັດໃນການ ເດີນທາງມາຢ້ຽມຢາມຢູ່ຣາຊະ ອານາຈັກໄທຄັ້ງນີ້. ພ້ອມນັ້ນ ທ່ານ ພົນຕີ ຄໍາລຽງ ອຸທະໄກ ສອນ ກໍໄດ້ແຈ້ງແຜນການ ແລະ ຈຸດປະສົງການເດີນທາງຢ້ຽມ ຢາມລາຊະອານາຈັກໄທໃຫ້ ທ່ານ ພົນເອກ ໄຊຍັນສີສຸວັນ ໄດ້ ຮັບຊາບ. ໃນວັນຕໍ່ມາຄະນະຜູ້ ແທນການທະຫານຂັ້ນສູງກອງ ທັບປະຊາຊົນລາວກໍ່ໄດ້ເດີນທາງ ໄປຢ້ຽມຢາມໂຮງຮຽນເສນາທິ ການກອງທັບບົກໄທກ່ອນຈະ ເດີນທາງກັບຄືນປະເທດດ້ວຍ ຄວາມສະຫວັດດີພາບ.

ຂ່າວມື້ນີ້

ຂ່າວເດັ່ນ