Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 61  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມຄະນະກຳມະການຮັກສາຄວາມສະຫງົບຮຽບຮ້ອຍຕາມຊາຍແດນຂັ້ນແຂວງ/ເຂດ ລາວ-ມຽນມາ ຄັ້ງທີ VIII

ກອງປະຊຸມຄະນະກຳມະການຮັກສາຄວາມສະຫງົບຮຽບຮ້ອຍຕາມຊາຍແດນຂັ້ນແຂວງ/ເຂດ ລາວ-ມຽນມາ ຄັ້ງທີ VIIIກອງປະຊຸມຄະນະກຳມະການຮັກສາຄວາມສະຫງົບຮຽບຮ້ອຍຕາມຊາຍແດນຂັ້ນແຂວງ/ເຂດລະຫວ່າງ ລາວ-ມຽນມາຄັ້ງທີ VIII ໄດ້ຈັດຂຶ້ນໃນລະຫວ່າງວັນທີ 6-8 ພະຈິກນີ້ ທີ່ເມືອງທ່າຂີ້ເຫຼັກ, ລັດສານຕາເວັນອອກ ສາທາລະນະລັດສະຫະພາບມຽນມາ ໂດຍການເປັນປະທານຮ່ວມຝ່າຍລາວແມ່ນ ທ່ານ ພົນຈັດຕະວາ ສີພັນ ພຸດທະວົງ ຫົວໜ້າກົມທະຫານຊາຍແດນກົມໃຫຍ່ເສນາທິການກອງທັບປະຊາຊົນລາວ, ຝ່າຍມຽນມາແມ່ນ ທ່ານ ພັນເອກ ເອມິນອູ ຜູ້ບັນຊາການທະຫານສູ້ຮົບແຂວງທ່າຂີ້ເຫຼັກກອງທັບພາກສາມຫຼ່ຽມພ້ອມດ້ວຍຄະນະກຳມະການທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ໃນກອງປະຊຸມຄະນະກຳມະການທັງສອງຝ່າຍເຫັນດີໃຫ້ມີການຮ່ວມມື ແລະ ແລກປ່ຽນຂໍ້ ມູນຂ່າວສານເຊິ່ງກັນ ແລະ ກັນ ເພື່ອສະກັດກັ້ນ, ປາບປາມ ແລະ ທຳລາຍແຫຼ່ງຜະລິດຢາເສບຕິດ, ການຄ້າຂາຍຢາເສບຕິດ, ການກໍ່ ອາດຊະຍາກຳ, ການຄ້າອາວຸດ, ການເຄື່ອນໄຫວທີ່ລະເມີດຕໍ່ກົດ ໝາຍ ແລະ ອື່ນໆ ເພື່ອຮັກສາ ຄວາມສະຫງົບໂດຍພື້ນຖານຕາມ ບໍລິເວນຊາຍແດນຂອງສອງປະ ເທດ. ສອງຝ່າຍເຫັນດີໃຫ້ມີການ ລາດຕະເວນຕາມລຳແມ່ນ້ຳຂອງ ໃນພື້ນທີ່ຊາຍແດນລະຫວ່າງ ສອງປະເທດຢ່າງໜ້ອຍ 1 ຄັ້ງຕໍ່ ເດືອນ ແລະ ຕ້ອງມີການປະສານ ງານລາດຕະເວນ 3 ເດືອນຕໍ່ຄັ້ງ ຫຼື ອີງໃສ່ສະພາບ ການຕົວຈິງ ທາງດ້ານຄວາມສະຫງົບເພື່ອ ຈັດຕັ້ງປະຕິບັດ, ສອງຝ່າຍເຫັນ ດີສືບຕໍ່ຈັດວາງກຳລັງຕາມບໍລິ ເວນຊາຍແດນ ລາວ-ມຽນມາໃຫ້ ແໜ້ນໜາພຽງພໍລວມທັງເກາະ ດອນຂອງປະເທດໃດກໍໃຫ້ກຳ ລັງປະເທດນັ້ນເຂົ້າປະຈຳການ, ເດັດຂາດບໍ່ໃຫ້ດອນເປົ່າວ່າງ ເປັນບ່ອນລີ້ຊ່ອນຂອງກຸ່ມຄົນບໍ່ ດີ, ສອງຝ່າຍເຫັນດີສະກັດກັ້ນ ຢ່າງຈິງຈັງກ່ຽວກັບການນຳເຂົ້າ ບັນດາສານເຄມີຕ່າງໆທີ່ຜິດກົດ ໝາຍທີ່ສາມາດນຳໄປຜະລິດ ເປັນຢາເກືອດຫ້າມ, ສອງຝ່າຍ ເຫັນດີໃຫ້ສືບຕໍ່ສຶກສາອົບຮົມປະ ຊາຊົນ ແລະ ໂຄສະນາຂົນຂວາຍ ກຸ່ມຄົນທີ່ຫຼົງເຊື່ອໄປນຳກຸ່ມຄ້າ ຂາຍຢາເສບຕິດໃຫ້ກັບຄືມາຫາ ຄອບຄົວ ເພື່ອດຳລົງຊີວິດ ແລະ ທຳມາຫາກິນໃຫ້ຖືກຕ້ອງຕາມ ກົດໝາຍບ້ານເມືອງ. ໃນກອງ ປະຊຸມຍັງໄດ້ມີການເຊັນບົດບັນ ທຶກກອງປະຊຸມຄະນະກຳມະ ການຊາຍແດນ ລາວ-ມຽນມາ ຂັ້ນເຂດ/ແຂວງ ຄັ້ງທີ VIII ອີກ ດ້ວຍ ແລະ ໃນໂອກາດທີ່ເດີນ ທາງໄປຮ່ວມກອງປະຊຸມດັ່ງ ກ່າວຄະນະກຳມະການຮ່ວມມື ຮັກສາຄວາມສະຫງົບຮຽບຮ້ອຍ ຕາມຊາຍແດນ ລາວ-ມຽນມາ ຍັງໄດ້ຢ້ຽມຢາມ ນາຍ ແລະ ພົນ ທະຫານກອງຮ້ອຍທະຫານຊາຍ ແດນ 122 ແຂວງບໍ່ແກ້ວຕື່ມ ອີກ.

ຂ່າວມື້ນີ້

ຂ່າວເດັ່ນ