Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 59  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະພາແຫ່ງຊາດເຫັນດີຮັບຮອງເອົາຮ່າງກົດໝາຍສ້າງໃໝ່ 2 ສະບັບ

 ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII ໃນວັນທີ 9-10 ພະ ຈິກນີ້, ບັນດາ ສສຊ ແຕ່ລະເຂດ ເລືອກຕັ້ງໄດ້ເຫັນດີດ້ວຍຄະແນນ ສຽງສ່ວນຫຼາຍຮັບຮອງເອົາ ຮ່າງກົດໝາຍສອງສະບັບສ້າງ ຂຶ້ນໃໝ່ຄືກົດໝາຍວ່າດ້ວຍການ ກັນ ແລະ ຄວບຄຸມພະຍາດຕິດຕໍ່ ແລະ ກົດໝາຍວ່າດ້ວຍຜູ້ພິພາກ ສາທີ່ມີຄວາມຈຳເປັນໃນການ ນຳໄປຈັດຕັ້ງປະຕິບັດໃຫ້ມີ ຄວາມສອດຄ່ອງກັບການພັດທະ ນາເສດຖະກິດ-ສັງຄົມຂອງປະ ເທດໃນຕໍ່ໜ້າ.

ໃນກອງປະຊຸມເມື່ອວັນທີ 9 ພະຈິກ, ພາຍຫຼັງທີ່ທ່ານປະທານ ກອງປະຊຸມມີຄຳເຫັນເຈາະຈີ້ມ ໃສ່ຮ່າງກົດໝາຍສະບັບສ້າງຂຶ້ນ ໃໝ່ວ່າດ້ວຍການກັນ ແລະ ຄວບ ຄຸມພະຍາດຕິດຕໍ່ທີ່ສະເໜີໂດຍ ທ່ານ ດຣ ບຸນກອງ ສີຫາວົງ ລັດ ຖະມົນຕີກະຊວງສາທາລະນະ ສຸກ ແລ້ວບັນດາ ສສຊ ໄດ້ສຸມ ໃສ່ພິຈາລະນາ ແລະ ປະກອບຄຳ ຄິດຄຳເຫັນໃນຫຼາຍບັນຫາສຳ ຄັນເຊັ່ນ: ການປັບປຸງດ້ານເນື້ອ ໃນ, ໂຄງສ້າງ, ການເພີ່ມເຕີມ ບາງຄຳສັບ ເພື່ອເຮັດໃຫ້ມີເນື້ອ ໃນຈະແຈ້ງຂຶ້ນກວ່າເກົ່າ, ຄວາມ ເໝາະສົມໃນນະໂຍບາຍຂອງລັດ ຕໍ່ວຽກງານການກັນ ແລະ ຄວບ ຄຸມພະຍາດຕິດຕໍ່, ໂພຊະນາການແລະ ການໃຫ້ສຸຂະສຶກສາ, ບັນ ຫາການກຳນົດ, ສົ່ງອອກ, ສົ່ງ ຜ່ານ, ການກຳນົດກ່ຽວກັບການ ນຳເຂົ້າ, ສົ່ງອອກ, ສົ່ງຜ່ານເຊື້ອ ພະຍາດຕິດຕໍ່, ຄວນມີນາມະຍົດ ໃຫ້ຜູ້ທີ່ມີຜົນງານດີເດັ່ນແນວໃດ ຄວນລະບຸໃສ່ໃນຮ່າງກົດໝາຍ ແລະ ບັນຫາສຳຄັນອື່ນໆຈຳ ນວນໜຶ່ງ ເພື່ອເຮັດໃຫ້ຮ່າງກົດ ໝາຍດັ່ງກ່າວມີເນື້ອໃນຄົບຖ້ວນ ສົມບູນ ແລະ ສາມາດນຳໄປຈັດ ຕັ້ງປະຕິບັດໃນຕໍ່ໜ້າໄດ້ຢ່າງມີ ປະສິດທິຜົນ. ເຊິ່ງຮ່າງກົດໝາຍ ວ່າດ້ວຍການກັນ ແລະ ຄວບຄຸມ ພະຍາດຕິດຕໍ່ ປະກອບມີ 10 ພາກ 7 ໝວດ ແລະ 83 ມາດ ຕາ.
ຢູ່ ສປປ ລາວ ເຮົາໃນໄລຍະ ຜ່ານມາເຖິງວ່າຍັງບໍ່ທັນມີກົດ ໝາຍດັ່ງກ່າວ ແຕ່ກໍໄດ້ນຳໃຊ້ ບັນດານິຕິກຳທີ່ມີຢູ່ເຊັ່ນ: ກົດ ໝາຍອະນາໄມ-ກັນພະຍາດ ແລະ ສົ່ງເສີມສຸຂະພາບ, ຄຳສັ່ງ ແນະນຳຂອງລັດຖະບານ, ຄຳ ສັ່ງແນະນຳຂອງກະຊວງສາທາ ລະນະສຸກ ແລະ ຂອງທ່ານເຈົ້າ ແຂວງເພື່ອເປັນເຄື່ອງມືໃນການ ເຄື່ອນໄຫວສະກັດກັ້ນ ແລະ ຄວບຄຸມການລະບາດຂອງພະ ຍາດຕ່າງໆ. ແຕ່ຖ້າທຽບໃສ່ ຄວາມຮຽກຮ້ອງຕ້ອງການຂອງ ລະບຽບສາກົນຍັງເຫັນວ່າມີ ຫຼາຍຢ່າງທີ່ຕ້ອງໄດ້ປັບປຸງໃຫ້ ທັນກັບຍຸກສະໄໝເທື່ອລະກ້າວ.
ກອງປະຊຸມດຳເນີນມາຮອດ ວັນທີ 10 ພະຈິກ 2017 ສະພາ ແຫ່ງຊາດແມ່ນໄດ້ຮັບຮອງເອົາ ຮ່າງກົດໝາຍວ່າດ້ວຍຜູ້ພິພາກ ສາສະບັບສ້າງຂຶ້ນໃໝ່ທີ່ສະເໜີ ໂດຍ ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ, ເຊິ່ງຮ່າງກົດໝາຍສະບັບດັ່ງ ກ່າວປະກອບມີ XII ພາກ,10 ໝວດ ແລະ 58 ມາດຕາທີ່ເປັນ ນິຕິກຳພື້ນຖານສຳຄັນໃຫ້ ແກ່ ສານປະຊາຊົນໃນການຄຸ້ມຄອງ ຜູ້ພິພາກສາຢູ່ສານປະຊາຊົນແຕ່ ລະຂັ້ນຢ່າງເປັນລະບົບ ແລະ ເອ ກະພາບກັນ, ເປັນບ່ອນອີງໃນ ການພັດທະນາຄຸນນະພາບຂອງ ຜູ້ພິພາກສາໃນການດຳເນີນພິຈາ ລະນາຕັດສິນຄະດີດພິພາກສາ ຄະດີໃຫ້ມີຄວາມວ່ອງໄວໂປ່ງ ໃສ, ຖືກຕ້ອງ ແລະ ຮັບປະກັນ ຄວາມຍຸຕິທຳໃນສັງຄົມແນໃສ ເພີ່ມທະວີຄວາມເຄັ່ງຄັດຕໍ່ຈັນຍາ ບັນ, ຈັນຍາທຳ, ມີສະຕິຕໍ່ກົດ ໝາຍສູງ ແລະ ນຳໃຊ້ກົດໝາຍ ເຂົ້າໃນການດຳເນີນຄະດີຢ່າງ ຖືກຕ້ອງ ແລະ ຍຸຕິທຳ ສ້າງ ຄວາມເຊື່ອໝັ້ນໃຫ້ແກ່ສັງຄົມທັງ ພາຍໃນ ແລະ ຕ່າງປະເທດໃນ ການເຊື່ອມໂຍງເຂົ້າກັບພາກພື້ນ ແລະ ສາກົນ.
ໂດຍ: ໂຊເລ້

ຂ່າວມື້ນີ້

ຂ່າວເດັ່ນ