Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 85  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຮອງປະທານປະເທດ ສຳເລັດການເຂົ້າຮ່ວມ ສະເຫຼີມສະຫຼອງຄົບຮອບ 50 ປີ ວັນຂື້ນຄອງຣາດຂອງ ສົມເດັດ ຊຸນຕານ ແຫ່ງປະເທດ ບຣູໄນ

ພະນະທ່ານ ພັນຄຳ ວິພາວັນ, ຮອງປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ເຂົ້າຮ່ວມພິທີສະເຫຼີມສະຫລອງ ຄົບຮອບ 50 ປີ ວັນຂຶ້ນຄອງລາດ ຂອງສົມເດັດ ຊຸນຕານ ແຫ່ງ ບຣູໄນ ດາຣູຊາລາມ ທີ່ນະຄອນຫລວງ ບັນດາເສຣີເບກາວັນ ໂດຍຕອບສະໜອງຕາມການ ເຊື້ອເຊີນຂອງ ສົມເດັດ ຊຸນຕານ ຮາຈິຮັດຊານານ ໂບນເກຍ ແຫ່ງ ບຣູໄນ ດາຣູຊາລາມ, ໃນວັນທີ 6 ຕຸລາ 2017 ພະນະທ່ານ ພັນຄຳ ວິພາວັນ, ຮອງປະທານປະເທດ ແຫ່ງ ສປປ ລາວ ພ້ອມດ້ວຍ ພັນລະຍາ ແລະ ຄະນະ ໄດ້ຕາງ ໜ້າປະທານປະເທດ ແຫ່ງ ສາທາ ລະນະລັດ ປະຊາທິປະໄຕ ປະຊາ ຊົນລາວ ເຂົ້າຮ່ວມພິທີສະເຫຼີມ ສະຫລອງ ຄົບຮອບ 50 ປີ ວັນ ຂຶ້ນຄອງລາດ ຂອງສົມເດັດ ຊຸນ ຕານ ແຫ່ງ ບຣູໄນ ດາຣູຊາລາມ ທີ່ນະຄອນຫລວງບັນດາ ເສຣີເບ ກາວັນໂດຍມີກະສັດ ແລະ ການ ນຳຂັ້ນສູງ

ຈາກບັນດາປະເທດ ອາຊຽນ, ຕາເວັນອອກກາງ, ເອີ ຣົບ ແລະ ອື່ນໆລວມທັງ ເຈົ້າ ຊາຍ, ເຈົ້າຍິງ ແລະ ພະບໍ ຣົມວົງສານຸວົງ ຂອງບຣູໄນເຂົ້າຮ່ວມ ເພື່ອເປັນກຽດ ແລະ ອວຍພອນ ໄຊໃຫ້ແກ່ສົມເດັດຊຸນຕານ. ໃນ ພິທີສຳຄັນດັ່ງກ່າວ, ໄດ້ມີຂະ ບວນແຫ່່ສະເຫຼີມສະຫຼອງພາຍ ໃນນະຄອນຫຼວງບັນດາເສຣິເບ ກາວັນ ຢ່າງໃຫ່ຍ ໂຕມະໂຫລານ ໃນວັນທີ 5 ຕຸລາ 2017.
ສົມເດັດ ຊຸນຕານ ຮາຈິຮັດຊາ ນານ ໂບນເກຍ ແຫ່ງ ບຣູໄນ ດາ ຣູຊາລາມ ຂຶ້ນຄອງລາດເປັນກະສັດອົງທີ 29 ຂອງບຣູໄນ ດາຣູ ຊາລາມ ໃນວັນທີ 5 ຕຸລາ 1967 ເຊິ່ງໃນເວລານັ້ນ ສົມເດັດ ມີອາ ຍຸພຽງ 21 ປີ. ສົມເດັດ ຊຸນຕານ ໄດ້ນຳພາປະເທດສູ່ຄວາມເປັນ ເອກະລາດຢ່າງເຕັມສ່ວນ ໃນວັນ ທີ 1 ມັງກອນ 1984 ພາຍຫຼັງ ການລົງນາມໃນສົນທິສັນຍາມິດ ຕະພາບ ແລະ ການຮ່ວມມືລະ ຫ່ວາງປະເທດບຣູໄນ ດາຣູຊາ ລາມ ແລະ ປະເທດອັງກິດ. ພາຍ ໃຕ້ພະບໍຣົມໂພທິສົມພານຂອງ ສົມເດັດ ປະເທດ ບຣູໄນ ໄດ້ຮັບ ການພັດທະນາເສດຖະກິດ-ສັງຄົມຢ່າງຕໍ່ເນື່ອງ, ເຫັນໄດ້ ຈາກຕົວເລກການພັດທະນາ ຂອງປະຊາກອນ ແລະ ລາຍໄດ້ ສະເລ່ຍຕໍ່ຫົວຄົນຢູ່ໃນອັນດັບ ຕົ້ນຂອງໂລກ. ນອກນັ້ນ, ລັດຖະ ບານບຣູໄນ ພາຍໃຕ້ການນຳພາ ຂອງພະອົງ ຍັງໄດ້ວາງແຜນພັດ ທະນາເສດຖະກິດ-ສັງຄົມໄລຍະ ຍາວ ຫຼື ວິໄສທັດບຣູໄນ 2035 “Wawasan Brunei 2035”, ແນ່ໃສພັດທະນາການສຶກສາ ແລະ ຍົກລະດັບຊີວິດການເປັນຢູ່, ຄວາມຮູ້ຄວາມສາມາດຂອງປະ ຊາຊົນບຣູໄນໃຫ້ຢູ່ໃນສິບອັນດັບ ທຳອິດຂອງໂລກ ແລະ ການພັດ ທະນາເສດຖະກິດແບບຍືນຍົງ. ການສະເຫຼີີມສະຫຼອງການຂຶ້ນ ຄອງລາດຄົບຮອບ 50 ປີ ຂອງ ສົມເດັດ ຊຸນຕານ ເປັນການລະ ລຶກເຖິງຜົນສຳເລັດຕະຫລອດໄລ ຍະ 5 ທົດສະວັດຜ່ານມາ ພາຍ ໃຕ້ການນຳພາຂອງສົມເດັດ ແລະ ເປັນຂີດໝາຍປະຫວັດສາດອັນ ສຳຄັນຂອງສະຖາບັນພະມະຫາ ກະສັດບຣູໄນ ທີ່ດຳລົງຄົງຕົວມາ ໄດ້ຫຼາຍກ່ວາ 600 ປີ.
ການເຂົ້າຮ່ວມພິທີສະເຫຼີມ ສະຫຼອງສຳຄັນດັ່ງກ່າວເປັນ ການສະແດງຄວາມຊົມເຊີຍຕໍ່ຜົນ ສຳເລັດອັນໃຫ່ຍຫລວງຂອງອົງ ສົມເດັດ ໃນການພັດທະນາສ້າງ ສາປະເທດຕະຫຼອດໄລຍະ 5 ທົດ ສະວັດຜ່ານມາ ກໍຄືເປັນການຮັດ ແໜ້ນສາຍພົວພັນມິດຕະພາບ ແລະ ການຮ່ວມມືອັນດີລະຫ່ວາງ ສອງປະເທດ ໃຫ້ແຕກດອກອອກ ຜົນຍິ່ງໆຂຶ້ນ. ການພົວພັນຮ່ວມມື ສອງຝ່າຍ ລະຫ່ວາງ ສປປ ລາວ ແລະ ບຣູໄນ ດາຣູຊາລາມ ມີ ບາດກ້າວຂະຫຍາຍຕົວຢ່າງຕໍ່ ເນື່ອງ ນັບຕັ້ງແຕ່ສອງປະເທດໄດ້ ສ້າງຕັ້ງສາຍພົວພັນການທູດນຳ ກັນ ໃນວັນທີ 27 ກໍລະກົດ 1993 ເຫັນໄດ້ຈາກບັນດາຜູ້ນຳຂັ້ນສູງຂອງສອງປະເທດ ໄດ້ມີການ ແລກປ່ຽນການຢ້ຽມຢາມເຊິ່ງ ກັນ ແລະ ກັນ ຢ່າງເປັນປົກກະ ຕິ. ລັດຖະບານບຣູໄນ ໄດ້ໃຫ້ ການຊ່ວຍເຫຼືອແກ່ ສປປ ລາວ ໃນຫຼາຍດ້ານເຊັ່ນ: ການກໍ່ສ້າງ ໂຮງຮຽນ, ສະໜາມກີລາໃນຮົ່ມ ຊີເກມ 2009, ຊ່ວຍເຫລືອກອງ ປະຊຸມອາເຊັມ 9 ແລະ ກອງປະ ຊຸມສຸດຍອດອາຊຽນ ຄັ້ງທີ 28 ແລະ 29 ທີ່ ສປປ ລາວ ເປັນ ເຈົ້າພາບໃນປີ 2016 ຜ່ານມາ. ປັດຈຸບັນ, ສອງປະເທດ ລາວ-ບຣູໄນ ໄດ້ມີການວາງແຜນກະ ກຽມສະເຫຼີມສະຫຼອງສາຍພົວ ພັນການທູດຄົບຮອບ 25 ປີ ໃນປີ 2018 ທີ່ຈະມາເຖິງນີ້.
ໃນການເດີນທາງໄປປະເທດ ບຣູໄນ ໃນຄັ້ງນີ້, ພະນະທ່ານ ຮອງປະທານປະເທດ ພ້ອມດ້ວຍ ພັນລະຍາ ແລະ ຄະນະ ຍັງໄດ້ ຍາດໂອກາດ ໄປຢ້ຽມຢາມສະ ຖານ ເອກອັກຄະລັດຖະທູດ ແຫ່ງ ສປປ ລາວ ປະຈຳ ບຣູໄນ ດາຣູ ຊາລາມເພື່ອພົບປະໂອ້ລົມກັບພະ ນັກງານສະຖານທູດ ແລະ ປູກຕົ້ນໄມ້ ເພື່ອເປັນສິຣິມຸງຄຸນໃຫ້ ແກ່ສະຖານທູດອີກດ້ວຍ.

ຂ່າວມື້ນີ້

ຂ່າວເດັ່ນ