Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 100  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະພາແຫ່ງຊາດ ຈະດຳເນີນກອງປະຊຸມສະໄໝສາມັນເທື່ອທີ 4 ໃນວັນທີ 16 ຕຸລານີ້

  ທ່ານນາງສວນສະຫວັນ ວິຍະເກດ ກຳມະການສຳຮອງ ສູນກາງພັກ, ກຳມະການຄະນະ ປະຈຳສະພາແຫ່ງຊາດໄດ້ຖະ ແຫຼງຂ່າວການກະກຽມດຳເນີນ ກອງປະຊຸມເທື່ອທີ 4 ຂອງສະ ພາແຫ່ງຊາດຊຸດທີ VIII ໃນວັນທີ 11 ຕຸລາ 2017ນີ້ ເຊິ່ງທ່ານໄດ້ຊີ້ ອອກວ່າ:ປະຕິບັດຕາມມາດຕາ 57 ຂອງລັດຖະທຳມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສະບັບປັບປຸງປີ 2015 ແລະ ມາດຕາ 58 ຂອງ ກົດໝາຍວ່າດ້ວຍ ສະພາແຫ່ງ ຊາດໄດ້ກຳນົດໃຫ້ສະພາແຫ່ງ ຊາດ ດຳເນີນກອງປະຊຸມສະໄໝ ສາມັນຂອງຕົນປີລະສອງຄັ້ງ ເຊິ່ງຄະນະປະຈຳສະພາແຫ່ງຊາດ ເປັນຜູ້ຕົກລົງ ແລະ ຮຽກໂຮມ ເພື່ອພິຈາລະນາຮັບຮອງເອົາບັນ

ຫາສຳຄັນພື້ນຖານຂອງປະເທດ ຊາດ. ປະຕິບັດຕາມມະຕິຂອງ ຄະນະປະຈຳສະພາແຫ່ງຊາດສະ ບັບເລກທີ 0146/ຄປຈ, ລົງວັນ ທີ 4 ຕຸລາ 2017 ວ່າດ້ວຍການ ດຳເນີນກອງປະຊຸມສະໄໝສາ ມັນເທື່ອທີ 4 ຂອງສະພາແຫ່ງ ຊາດຊຸດທີ VIII . ບັນດາກຳມາທິ ການ, ຄະນະເລຂາທິການສະພາແຫ່ງຊາດ ແລະ ກົງຈັກທີ່ຄະນະ ປະຈຳສະພາແຫ່ງຊາດສ້າງຕັ້ງ ໄດ້ປະສານສົມທົບກັບລັດຖະ ບານ, ກະຊວງ, ອົງການທຽບ ເທົ່າກະຊວງ, ສູນກາງແນວ ລາວສ້າງຊາດ ແລະ ອົງການ ຈັດຕັ້ງມະຫາຊົນຂັ້ນສູນກາງໃນ ການກະກຽມເນື້ອໃນທີ່ກ່ຽວ ຂ້ອງກັບແຕ່ລະພາກສ່ວນເຫັນ ວ່າຄົບຖ້ວນ ແລະ ສອດຄ່ອງກັບ ລະບຽບການ.
ຂ້າພະເຈົ້າຕາງໜ້າຄະນະປະ ຈຳສະພາແຫ່ງຊາດ, ຄະນະເລ ຂາທິການສະພາແຫ່ງຊາດມີຄວາມຍິນດີ ແລະ ຖືເປັນກຽດ ແຈ້ງມາຍັງບັນດາທ່ານພະນັກ ງານ-ລັດຖະກອນ, ທະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ,ກຳມະກອນ, ຊາວຜູ້ ອອກແຮງງານ,ພໍ່ແມ່ພີ່ນ້ອງ, ປະຊາຊົນລາວບັນດາເຜົ່າໃນທົ່ວ ປະເທດ ແລະ ພີ່ນ້ອງຊາວລາວທີ່ ອາໄສຢູ່ຕ່າງປະເທດຮັບຊາບ ກ່ຽວກັບການດຳເນີນກອງປະ ຊຸມສະໄໝສາມັນເທື່ອທີ 4 ຂອງ ສະພາແຫ່ງຊາດຊຸດທີ VIII ດັ່ງ ນີ້:
1. ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII ຈະໄດ້ໄຂຂຶ້ນໃນຕອນ ເຊົ້າຂອງວັນຈັນ, ວັນທີ 14 ຕຸ ລາ 2017 ທີ່ຫ້ອງປະຊຸມສະພາ ແຫ່ງຊາດ ( ຫຼັກ 6 )ນະຄອນ ຫຼວງວຽງຈັນ ແລະ ຈະດຳເນີນ ໄປເຖິງວັນສຸກ, ວັນທີ 17 ພະຈິກ 2017 ເຊິ່ງຈະໄດ້ໃຊ້ເວລາດຳ ເນີນກອງປະຊຸມທັງໝົດ 25 ວັນ ( ບໍ່ລວມວັນພັກລັດຖະການ ).
2.ກອງປະຊຸມສະໄໝສາມັນ ເທື່ອ ທີ 4 ຂອງສະພາແຫ່ງຊາດ ຊຸດ ທີ VIII ຈະໄດ້ຮັບຟັງການ ລາຍງານ, ພິຈາລະນາ ແລະ ຕົກ ລົງບັນຫາສຳຄັນຕ່າງໆດັ່ງນີ້:
2.1 ວຽກງານຂອງລັດຖະ ບານ:
- ບົດລາຍງານໂດຍສັງເຂບ ຂອງທ່ານ ນາຍົກລັດຖະມົນຕີ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງ ຄົມ, ແຜນງົບປະມານແຫ່ງລັດ ແລະ ແຜນເງິນຕາ ປະຈຳປີ 2017 ແລະ ແຜນການປະຈຳປີ 2018.
- ບົດລາຍງານຂອງລັດຖະ ບານກ່ຽວກັບການຈັດຕັ້ງປະຕິ ບັດແຜນພັດທະນາເສດຖະກິດ- ສັງຄົມ, ປະຈຳປີ 2018.
- ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນງົບປະມານແຫ່ງລັດ ປະຈຳ ປີ 2017 ແລະ ທິດທາງແຜນ ການປະຈຳປີ 2018.
- ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນເງິນຕາປະຈຳປີ 2017 ແລະ ທິດທາງແຜນການປະຈຳ ປີ 2018.
- ຮັບຟັງລາຍງານກ່ຽວກັບ ການຈັດຕັ້ງປະຕິບັດວຽກງານ ທ່ອງທ່ຽວໃນຊຸມປີຜ່ານມາ ແລະ ທິດທາງແຜນການໃນປີ 2018.
2.2 ວຽກງານຂອງສະພາ ແຫ່ງຊາດ:
- ບົດລາຍງານກ່ຽວກັບການ ຈັດຕັ້ງປະຕິບັດແຜນການປະຈຳ ປີ 2017 ແລະ ທິດທາງແຜນ ການປະຈຳປີ 2018 ຂອງສະພາ ແຫ່ງຊາດ.
-ບົດປະກອບຄຳເຫັນຂອງສູນ ກາງແນວລາວສ້າງຊາດ ແລະ ຕາງໜ້າອົງການຈັດຕັ້ງມະຫາ ຊົນຂັ້ນສູນກາງຕໍ່ບົດລາຍງານ ການຈັດຕັ້ງປະຕິບັດວຽກງານ ປະຈຳປີ 2017 ແລະ ແຜນການ ປະຈຳປີ 2018 ຂອງສະພາແຫ່ງ ຊາດ.
2.3 ວຽກງານຂອງອົງການ ກວດສອບແຫ່ງລັດ:
- ບົດລາຍງານກ່ຽວກັບການ ຈັດຕັ້ງປະຕິບັດແຜນການເຄື່ອນ ໄຫວວຽກງານປະຈຳປີ 2017 ແລະ ທິດທາງແຜນການເຄື່ອນ ໄຫວວຽກງານປະຈຳປີ 2018 ຂອງອົງການກວດສອບແຫ່ງ ລັດ.
- ບົດລາຍງານກ່ຽວກັບຜົນ ການກວດສອບບົດສະຫຼຸບຂາດ ຕົວການຈັດຕັ້ງປະຕິບັດແຜນງົບ ປະມານແຫ່ງລັດ ສົກປີ 2015-2016.
- ບົດລາຍງານຂອງອົງການ ກວດກາລັດຖະບານກ່ຽວກັບຜົນ ການກວດກາຕາມຜົນການກວດ ສອບການຈັດຕັ້ງປະຕິບັດແຜນ ງົບປະມານແຫ່ງລັດສົກປີ 2013-2014 ແລະ ສົກປີ 2014-2015.
2.4. ວຽກງານຂອງອົງການ ໄອຍະການປະຊາຊົນສູງສຸດ ແລະ ສານປະຊາຊົນສູງສຸດ.
- ບົດລາຍງານກ່ຽວກັບການ ຈັດຕັ້ງປະຕິບັດແຜນການເຄື່ອນ ໄຫວວຽກງານປະຈຳປີ 2017 ແລະ ທິດທາງແຜນການເຄື່ອນ ໄຫວວຽກງານປະຈຳປີ 2018 ຂອງອົງການໄອຍະການປະຊາ ຊົນສູງສຸດ.
- ບົດລາຍງານກ່ຽວກັບການ ຈັດຕັ້ງປະຕິບັດແຜນການເຄື່ອນ ໄຫວວຽກງານປະຈຳປີ 2017 ແລະ ທິດທາງແຜນການເຄື່ອນ ໄຫວວຽກງານປະຈຳປີ 2018 ຂອງສານປະຊາຊົນສູງສຸດ.
- ບົດລາຍງານຂອງກະຊວງ ຍຸຕິທຳກ່ຽວກັບການຈັດຕັ້ງປະຕິ ບັດຄຳຕັດສິນຂອງສານທີ່ໃຊ້ໄດ້ ຢ່າງເດັດຂາດໃນໄລຍຜ່ານມາ ແລະ ທິດທາງແກ້ໄຂໃນຕໍ່ໜ້າ.
2.5 ພິຈາລະນາຮັບຮອງເອົາ ຮ່າງກົດໝາຍສ້າງໃໝ່ ແລະ ຮ່າງກົດໝາຍປັບປຸງ ລວມທັງ ໝົດ 16 ສະບັບໃນນີ້:
1. ຮ່າງກົດໝາຍສ້າງໃໝ່ມີ ຈຳນວນ 9 ສະບັບ, ໃນຈຳນວນ ດັ່ງກ່າວໄດ້ແບ່ງອອກເປັນກົດ ໝາຍແຕ່ລະຂົງເຂດດັ່ງນີ້:
- ກົດໝາຍຂົງເຂດເສດຖະ ກິດມີຈຳນວນ 3 ສະບັບຄື: ກົດ ໝາຍວ່າດ້ວຍການປົກປ້ອງຜົນ ກະທົບຈາກການນຳເຂົ້າສິນຄ້າ, ກົດໝາຍວ່າດ້ວຍອຸຕຸນິຍົມ ແລະ ອຸທົກກະສາດ, ກົດໝາຍວ່າດ້ວຍ ການຖ່າຍທອດເຕັກໂນໂລຊີ.
- ກົດໝາຍຂົງເຂດການເງິນ ມີຈຳນວນ 3 ສະບັບຄື: ກົດໝາຍ ວ່າດ້ວຍການຄຸ້ມຄອງໜີ້ສິນສາ ທາລະນະ, ກົດໝາຍວ່າດ້ວຍລະ ບົບຊຳລະສະສາງ, ກົດໝາຍວ່າ ດ້ວຍການຈັດຊື້-ຈັດຈ້າງດ້ວຍ ທຶນຂອງລັດ.
- ກົດໝາຍຂົງເຂດວັດທະນຳ ທຳ- ສັງຄົມມີຈຳນວນ 2 ສະບັບຄື: ກົດໝາຍວ່າດ້ວຍ ການກັນ ແລະ ຄວບຄຸມພະຍາດ ອາດຕິດຕໍ່, ກົດໝາຍວ່າດ້ວຍ ການເຄື່ອນໄຫວວຽກງານກາ ແດງລາວ.
- ກົດໝາຍຂົງເຂດການປົກ ຄອງ ແລະ ຍຸຕິທຳມີຈຳນວນ 1 ສະບັບຄື: ກົດໝາຍວ່າດ້ວຍຜູ້ພິ ພາກສາ.
- 2. ຮ່າງກົດໝາຍປັບປຸງຈຳ ນວນ 7 ສະບັບຄື:
- ກົດໝາຍຂົງເຂດເສດຖະກິດ ມີຈຳນວນ 3 ສະບັບຄື: ກົດໝາຍ ວ່າດ້ວຍຜັງເມືອງ, ກົດໝາຍວ່າ ດ້ວຍແຮ່ທາດ, ກົດໝາຍວ່າດ້ວຍ ຊັບສິນທາງປັນຍາ.
- ກົດໝາຍຂົງເຂດ ການປົກຄອງ ແລະ ຍຸຕິທຳມີຈຳ ນວນ 2 ສະບັບຄື: ກົດໝາຍວ່າ ດ້ວຍການດຳເນີນຄະດີອາຍາ, ກົດໝາຍວ່າດ້ວຍສັນຊາດ.
- ກົດໝາຍຂົງເຂດວັດທະນະ ທຳ-ສັງຄົມມີຈຳນວນ 1 ສະບັບ ຄື: ກົດໝາຍວ່າດ້ວຍອົງການກຳ ມະບານລາວ.
ກົດໝາຍຂົງເຂດການເງິນມີ ຈຳນວນ 1 ສະບັບຄື: ກົດໝາຍ ວ່າດ້ວຍການກວດກາລັດ.
2.6 ພິຈາລະນາບັນຫາອື່ນໆ ຕາມການສະເໜີຂອງສະພາ ແຫ່ງຊາດ ແລະ ລັດຖະບານ.
ອີກເທື່ອໜຶ່ງ, ໃນນາມຄະນະ ປະຈຳສະພາແຫ່ງຊາດ, ຄະນະ ເລຂາທິການສະພາແຫ່ງຊາດຂ້າ ພະເຈົ້າຂໍເຊີນບັນດາທ່ານພະນັກ ງານ, ລັດຖະກອນ, ທະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວຜູ້ ອອກແຮງງານ, ພໍ່ແມ່ພີ່ນ້ອງ, ປະຊາຊົນບັນດາເຜົ່າທຸກຊັ້ນຄົນ ໃນທົ່ວປະເທດ ແລະ ພີ່ນ້ອງຊາວ ລາວທີ່ອາໄສຢູ່ຕ່າງປະເທດຈົ່ງ ຕິດຕາມການດຳເນີນກອງປະ ຊຸມສະໄໝສາມັນເທື່ອທີ 4 ຂອງ ສະພາແຫ່ງຊາດຊຸດທີ VIII ຄັ້ງນີ້ ໃນໄລຍະດຳເນີນກອງປະຊຸມສະ ພາແຫ່ງຊາດ ຄະນະເລຂາທິການ ສະພາແຫ່ງຊາດໄດ້ຈັດຕັ້ງໜ່ວຍ ງານຮັບຜິດຊອບໂທສະສັບສາຍ ດ່ວນເພື່ອຮັບເອົາຄຳຄິດຄຳເຫັນ ແລະ ຄຳສະເໜີໂດຍກົງຈາກປະຊາ ຊົນທີ່ຈະສົ່ງໄປຍັງກອງປະຊຸມ, ບັດນດາທ່ານສາມາດສົ່ງຄຳຄິດ ຄຳເຫັນ ແລະ ຄຳສະເໜີໄປຍັງ ກອງປະຊຸມໄດ້ຕາມວິທີລຸມນີ້:
-ໂທລະສັບບໍ່ເສຍຄ່າໝາຍເລກ 156.
- ໂທລະສານໝາຍເລກ 021 413528.
- ສົ່ງເປັນຈົດໝາຍທາງໄປສະ ນີ ຕູ້ ປນ. 662.
- ສົ່ງມີເມວ na_session@ na.gov.la
ພິທີຖະແຫຼງຂ່າວໄດ້ຈັດຂຶ້ນໃນ ວັນທີ 11 ຕຸລາ 2017 ນີ້ທີ່ສະພາ ແຫ່ງຊາດ ໂດຍແມ່ນທ່ານນາງ ສວນສະຫວັນ ວິຍະເກດ ກຳມະ ການສຳຮອງສູນກາງພັກ, ຄະ ນະປະຈຳສະພາແຫ່ງຊາດ, ເລຂາທິການສະພາແຫ່ງຊາດ ເປັນຜູ້ຖະແຫຼງຂ່າວໃຫ້ຮູ້.

ຂ່າວມື້ນີ້

ຂ່າວເດັ່ນ