Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 251  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຫະພັນນັກຮົບເກົ່າແຫ່ງຊາດລາວ ປາຖະກະຖາ 2 ວັນປະຫວັດສາດ

  ສະຫະພັນນັກຮົບເກົ່າແຫ່ງ ຊາດລາວໄດ້ຈັດຕັ້ງປາຖະກະຖາ ມູນເຊື້ອ 2 ວັນປະຫວັດສາດ: ວັນ ສ້າງຕັ້ງອາຊຽນ ຄົບຮອບ 50 ປີ (8/8/1967-8/8/2017) ແລະ ວັນສ້າງຕັ້ງສະຫະພັນນັກ ຮົບເກົ່າແຫ່ງຊາດລາວ ຄົບຮອບ 15 ປີ (9/9/2002-9/9/ 2017) ໃນວັນທີ 11 ຕຸລາ 2017 ນີ້,ຢູ່ ທີ່ສະຫະພັນນັກຮົບເກົ່າແຫ່ງ ຊາດລາວໂດຍການເປັນປະທານ ແລະ ກ່າວປາຖະກະຖາຂອງ ທ່ານ ພົນຈັດຕະວາ ສົມພອນ ແກ້ວມີໄຊ ປະ ທານສະຫະພັນ ນັກຮົບເກົ່າແຫ່ງຊາດລາວ ມີບັນ ດາຫົວໜ້າກົມ, ຮອງກົມ, ພະ ແນກການ ແລະ ພະນັກງານ ພາຍໃນສຳນັກງານສະຫະພັນ ນັກຮົບເກົ່າແຫ່ງຊາດເຂົ້າຮ່ວມ ຮັບຟັງ.

ທ່ານ ພົນຈັດຕະວາ ສົມພອນ ແກ້ວມີໄຊ ປະທານສະຫະພັນ ນັກຮົບເກົ່າແຫ່ງຊາດໄດ້ຍົກໃຫ້ ເຫັນ: ປະຫວັດມູນເຊື້ອການກຳ ເນີດ ແລະ ການເຕີບໃຫຍ່ຂະ ຫຍາຍຕົວຂອງສະຫະພັນນັກຮົບ ເກົ່າໃນຕະຫຼອດໄລຍະ 15 ປີທີ່ ຜ່ານມາ. ນັບແຕ່ມື້ສ້າງຕັ້ງອົງ ການສະຫະພັນນັກຮົບເກົ່າແຕ່ ລະຂັ້ນ ກໍໄດ້ຕັ້ງໜ້າເຄື່ອນໄຫວ ເກັບກຳສະຖິຕິນັກຮົບເກົ່າໃນທົ່ວ ປະເທດ ເກັບກຳຂໍ້ມູນຜົນງານ ຂອງນັກຮົບເກົ່າອັນເປັນມູນເຊື້ອ ເພື່ອບັນທຶກ, ຈາລຶກໄວ້ເປັນຂໍ້ ມູນທາງປະຫວັດສາດ ເພື່ອໃຫ້ ຄົນຮຸ່ນຫຼັງໄດ້ຮຽນຮູ້ ແລະ ສຶບ ທອດມູນເຊື້ອອັນເກົ່າແກ່ທີ່ຮຸ່ນພໍ່ ແມ່, ອາວ-ອາ, ປ້າລຸງ ສ້າງມາ ໄວ້ຄຽງຄູ່ກັບການປະຕິວັດເຮົາ. ພ້ອມກັນນັ້ນກໍໄດ້ປັບປຸງອົງການຈັດຕັ້ງນັກຮົບເກົ່າແຕ່ລະຂັ້ນໃຫ້ ເຕີບໃຫຍ່ເຂັ້ມແຂງຮອບດ້ານ ແລະ ກຳນົດແນວທາງ, ແຜນ ນະໂຍບາຍຕ່າງໆຂອງນັກຮົບ ເກົ່າ ໂດຍສອດຄ່ອງກັບແນວ ທາງນະໂຍບາຍຂອງພັກຢ່າງ ກົມກຽວ. ພັກ ແລະ ລັດຖະບານ ຍາມໃດກໍຮູ້ບຸນຄຸນອັນລົ້ນເຫຼືອຕໍ່ ພະນັກງານປະຕິວັດຜູ້ທີ່ມີຄຸນ ງາມຄວາມດີຕໍ່ກັບປະເທດຊາດ ກົມການເມືອງສູນກາງພັກຈຶ່ງ ມອບພາລະບົດບາດໃຫ້ແກ່ອົງ ການສະຫະພັນນັກຮົບເກົ່າເປັນຜູ້ຄຸ້ມຄອງ, ດູແລເບິ່ງແຍງເຕົ້າ ໂຮມຄວາມສາມັກຄີ ແລະ ສຶກ ສາອົບຮົມຖັນແຖວພະນັກງານ- ນັກຮົບເກົ່າເພື່ອເປັນຄັນທຸງ, ເປັນແບບຢ່າງໃຫ້ແກ່ລູກຫຼານ ຄົນຮຸ່ນໃໝ່ໄດ້ຮຽນຮູ້ ແລະ ສືບ ທອດມູນເຊື້ອພາລະກິດປະຕິວັດ ຕະຫຼອດໄປ.
ໃນໂອກາດດຽວກັນປະທານ ສະຫະພັນນັກຮົບເກົ່າແຫ່ງຊາດ ຍັງໄດ້ຍົກໃຫ້ເຫັນ: ປະຫວັດ ຄວາມເປັນມາການສ້າງຕັ້ງ ແລະ ເຕີບໃຫຍ່ຂະຫຍາຍຕົວ ຂອງປະຊາຄົມອາຊຽນ, ພ້ອມ ທັງການເຂົ້າຮ່ວມເປັນສະມາຊິກ ປະຊາຄົມອາຊຽນຂອງ ສປປ ລາວ ແລະ ບັນດາຜົນປະໂຫຍດ ທີ່ ສປປ ລາວໄດ້ຮັບຈາກປະຊາ ຄົມອາຊຽນໃນໄລຍະຜ່ານມາ ໂດຍສະເພາະຈາກ 3 ເສົາຄໍ້າ: ປະຊາຄົມການເມືອງ-ຄວາມ ໝັ້ນຄົງ, ປະຊາຄົມເສດຖະກິດ ແລະ ປະຊາຄົມວັດທະນະທຳ-ສັງຄົມ.

ຂ່າວມື້ນີ້

ຂ່າວເດັ່ນ