Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 244  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສື່ມວນຊົນກອງທັບປະຊາຊົນລາວ ຕ້ອນຮັບຄະນະຜູ້ແທນສະມາຄົມນັກຂ່າວ ແຫ່ງ ສສ ຫວຽດນາມ

ຄະນະບັນນາທິການສື່ມວນຊົນກອງທັບ ຕ້ອນຮັບຄະນະຜູ້ແທນສະມາຄົມນັກຂ່າວແຫ່ງ ສສ ຫວຽດນາມ ຢູ່ໜັງສືພິມກອງທັບປະຊາຊົນລາວ  ຕອນບ່າຍວັນທີ 10 ຕຸລາ 2017 ນີ້, ຄະນະບັນນາທິການສື່ມວນຊົນກອງທັບເຊິ່ງປະກອບ ມີໜັງສືພິມກອງທັບປະຊາຊົນ ລາວ, ວິທະຍຸ-ໂທລະພາບກອງ ທັບ ແລະ ວາລະສານປ້ອງກັນ ຊາດໄດ້ຕ້ອນຮັບຄະນະຜູ້ ແທນສະມາຄົມນັກຂ່າວແຫ່ງ ສສ ຫວຽດ ນາມຢູ່ໜັງສືພິມກອງທັບປະຊາ ຊົນລາວໃນໂອກາດທີ່ຄະນະ ຜູ້ແທນດັ່ງກ່າວ ໄດ້ມາຢ້ຽມຢາມ ແລະ ເຮັດວຽກຢູ່ສປປ ລາວ, ໂດຍການນໍາພາຂອງສະຫາຍ ຟານຮິວມິງ ກໍາມະການ ຄະນະປະຈໍາຄະນະບໍລິຫານງານສະ ມາຄົມນັກຂ່າວຫວຽດນາມ, ເຊິ່ງໃຫ້ການຕ້ອນ ຮັບໃນຄັ້ງນີ້ ມີ ພັນເອກ ຄໍາສາວ ແກ້ວວິເສດ ຫົວໜ້າບັນນາທິ ການໜັງສືພິມກອງທັບປະຊາ ຊົນລາວ ພ້ອມດ້ວຍ ຄະນະ, ພັນ ໂທ ຄໍາສີ ລີຟູ່ງ ຜູູ້ອໍານວຍການ ວິທະຍຸ-ໂທລະພາບກອງທັບ ແລະ ພັນໂທ ບຸນມາ ອິນຕາວັນ ຫົວໜ້າບັນນາທິການວາລະ ສານກະຊວງປ້ອງກັນຊາດ ພ້ອມຄະນະເຂົ້າຮ່ວມ.

ໃນພິທີພັນເອກ ຄໍາສາວ ແກ້ວ ວິເສດ ຫົວໜ້າບັນນາທິການໜັງ ສືພິມກອງທັບປະຊາຊົນລາວ ພ້ອມຄະນະ ກ່າວຕ້ອນຮັບຢ່າງ ອົບອຸ່ນ ແລະ ຕີລາຄາສູງຕໍ່ຄະ ນະຜູ້ແທນຫວຽດນາມ ແລະ ທີ່ ໄດ້ຍາດເວລາມາຢ້ຽມຢາມ ສື່ກອງທັບໃນຄັ້ງນີ້ ນັບວ່າເປັນ ເຫດການທີ່ສໍາຄັນ ທັງເປັນນິມິດ ໝາຍອັນໜຶ່ງທີ່ງົດງາມໃນການ ຮ່ວມມືຊ່ວຍເຫຼືອເຊິ່ງກັນ ແລະ ກັນໃນຂົງເຂດວຽກງານສື່ມວນ ຊົນລະຫວ່າງສອງປະເທດລາວ-ຫວຽດນາມ ອ້າຍ ນ້ອງ ໃຫ້ນັບມື້ ແໜ້ນແຟ້ນ ແລະ ຈະເລີນງອກ ງາມຍິ່ງໆຂຶ້ນ. ຄວາມສາມັກຄີ ແບບພິເສດລາວ-ຫວຽດນາມ ໄດ້ກາຍເປັນກົດເກນແຫ່ງການ ຄົງຕົວ, ຂະຫຍາຍຕົວ ແລະ ເປັນ ເຫງົ້າພະລັງແຮງອັນມະຫັດສະ ຈັນນໍາມາແຫ່ງໄຊຊະນະອັນຍິ່ງ ໃຫຍ່, ການຊ່ວຍເຫຼືອເຊິ່ງກັນ ແລະ ກັນໃນຂົງເຂດວຽກງານ ສື່ມວນຊົນຂອງສອງປະເທດ, ສອງກອງທັບແມ່ນມີຄວາມສະ ນິດແໜ້ນທີ່ສຸດ ໂດຍສະເພາະ ໄດ້ສະແດງໃຫ້ເຫັນການພົວ ພັນລະຫວ່າງໜັງສືພິມກອງທັບ ປະຊາຊົນລາວກັບໜັງສືພິມ ກອງທັບ ປະຊາຊົນຫວຽດນາມ, ການພົວພັນ ແລະ ການຮ່ວມ ມືຊ່ວຍເຫຼືອເຊິ່ງກັນ ແລະ ກັນ ນັ້ນໄດ້ເພີ່ມທະວີຂຶ້ນຢ່າງບໍ່ຢຸດ ຢັ້ງສະນັ້ນເພື່ອເປັນການພັດ ທະນາວຽກງານສື່ມວນຊົນຂອງ ທັງສອງປະເທດຂອງພວກເຮົາ ຈຶ່ງຂໍຈິ່ງສະເໜີແລກປ່ຽນໃຫ້ສື່ ມວນຊົນສອງປະເທດພວກ ເຮົາໃຫ້ມີການຮ່ວມມືເຄື່ອນ ໄຫວປະສານສົມທົບກັນວາງ ທິດທາງ,ແລກປ່ຽນບົດຮຽນ, ຮູບການ, ວິທີການໃນການຕໍ່ ສູ້ກັບສິ່ງທ້າທາຍຕ່າງໆທີ່ເກີດ ຂຶ້ນໃນສັງຄົມ. ນອກນີ້ຜູ້ອໍາ ນວຍການວິທະຍຸ-ໂທລະພາບ ແລະ ຫົວໜ້າບັນນາທິການວາ ລະສານກະຊວງປ້ອງກັນຊາດ ກໍໄດ້ກ່າວເຖິງສະພາບ ລວມໆ ແລະ ຜົນງານການເຄື່ອນໄຫວ ຕ່າງໆກົມກອງຂອງຕົນໃຫ້ແກ່ ຄະນະຜູ້ແທນຫວຽດນາມໄດ້ ຊາບເຊັ່ນດຽວກັນ.
ໂອກາດດັ່ງກ່າວນີ້,ທ່ານຟານ ຮືວມິງ ກໍໄດ້ສະແດງຄວາມດີອົກ ດີໃຈຕໍ່ການຕ້ອນຮັບເປັນຢ່າງດີ ໃນການມາຢ້ຽມຢາມໃນຄັ້ງນີ້, ພ້ອມທັງໄດ້ຮັບສະພາບການ ເຄື່ອນໄຫວ ແລະ ຜົນງານຂອງ ຕົນໃຫ້ແກ່ຜູ້ເຂົ້າຮ່ວມ ໄດ້ຊາບ ແລະ ກໍເຫັນດີຕໍ່ຂໍ້ສະເໜີໃນດ້ານ ການຮ່ວມມືຊ່ວຍເຫຼືອເຊິ່ງກັນ ແລະ ກັນເພາະການຊ່ວນເຫຼືອ ເຊິ່ງກັນ ແລະ ກັນເປັນວຽກງານ ທີ່ມີຄວາມສໍາຄັນ ແລະ ຈໍາເປັນ ເພື່ອໃຫ້ວຽກງານສື່ມວນຊົນ ຂອງສອງປະເທດ ຫວຽດນາມ-ລາວ ມີຄວາມກ້າວໜ້າ ແລະ ມີປະສິດທິຜົນສູງກວ່າເກົ່າ.
ໂດຍ: ແສງເດືອນ

ຂ່າວມື້ນີ້

ຂ່າວເດັ່ນ