Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 83  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກຽມຮ່ວມຊົມຮ່ວມເຊີຍ ງານບຸນຊ່ວງເຮືອທົ່ວນະຄອນຫຼວງວຽງຈັນປະຈຳປີ 2017

   ງານບຸນຊ່ວງເຮືອທົ່ວນະ ຄອນຫຼວງວຽງຈັນກຽມຈັດ ຂຶ້ນເປັນຄັ້ງທຳອິດປະຈຳປີ 2017 ທີ່ບຶງທາດຫລວງ ນະ ຄອນຫລວງວຽງຈັນໃນລະ ຫວ່າງວັນທີ 18-22ຕຸລານີ້ເຊິ່ງ ຈະມີຫລາຍກິດຈະກຳທີ່ຈັດ ຂື້ນເພື່ອ ເປັນການໂຄສະນາເຜີຍ ແຜ່ຮີດຄອງປະເພນີອັນດີງາມ ຂອງ ລາວເຮົາ ທັງເປັນການກະ ກຽມໃຫ້ແກ່ການເປີດປີທ່ອງ ທ່ຽວຂອງ ສປປ ລາວ ເຮົາໃນປີ 2018.

ທ່ານ ຖະໜອມ ທຳທອງ ເຈົ້າ ເມືອງໆໄຊເສດຖານະຄອນ ຫຼວງ ວຽງຈັນ ຄະນະກຳມະການ ຈັດ ງານແຂ່ງຂັນຊ່ວງເຮືອທົ່ວນະ ຄອນຫລວງວຽງຈັນຖະແຫລງ ໃນວັນທີ 11 ຕຸລາ 2017 ໃຫ້ ຊາບວ່າ:ການຫ້າງຫາ ກະກຽມ ຂອງບັນດາອະນຸກຳມະການ ຕ່າງໆໃນການຈັດການແຂ່ງຂັນ ຊ່ວງເຮືອທົ່ວນະຄອນຫລວງ ວຽງຈັນຄັ້ງນີ້ເປັນຕົ້ນແມ່ນອະນຸ ກຳມະການສະຖານທີ່,ອະນຸກຳ ມະການຈັດງານຕະຫລາດນັດ ເພື່ອວາງສະແດງ ແລະ ຂາຍສິນ ຄ້າ,ອະນຸກຳມະການທາງດ້ານ ເຕັກນິກການແຂ່ງຂັນ ແລະ ອະ ນຸກຳມະການອື່ນໆເຫັນວ່າມີ ຄວາມພ້ອມແລ້ວທີ່ຈະຈັດງານ ຄັ້ງນີ້ເພື່ອເປັນການອະນຸລັກຮັກ ສາຮີດຄອງປະເພນີອັນດີງາມ ຂອງຊາດ,ເວົ້າສະເພາະປະເພນີບຸນຊ່ວງເຮືອອອກພັນສາໄວ້ໃຫ້ຄູ່ບ້ານຄູ່ເມືອງທັງເປັນການໂຄສະ ນາ,ສົ່ງເສີມ,ວາງສະແດງ ແລະ ຂາຍຜະລິດຕະພັນສິນຄ້າຂອງ ລາວເຮົາທີ່ເປັນເອກກະລັກ, ສ້າງຄວາມມ່ວນຊື່ນໃຫ້ ແກ່ຊາວ ນະຄອນຫລວງວຽງຈັນ,ເວົ້າສະ ເພາະປະຊາຊົນຊາວລາວບັນດາ ເຜົ່າຕະຫລອດເຖິງຊາວຕ່າງປະ ເທດຮູ້ໄດ້ເຖີງວັດທະນາທຳຮີດ ຂອງປະເພນີອັນດີງາມຂອງ ລາວ ເຮົາເພື່ອຕ້ອນຮັບໃຫ້ແກ່ ການ ເປີດປີທ່ອງທ່ຽວຂອງ ສປປ ລາວ ໃນປີ 2018ນີ້,ພ້ອມດຽວ ກັນນີ້ຍັງເປັນການສົ່ງເສີມໃຫ້ ແກ່ນັກລົງທຶນທີ່ມາລົງທຶນຢູ່ ສປປ ລາວ, ພິເສດແມ່ນເຂົ້າມາ ລົງທຶນໃນໂຄງການພັດທະນາ ບຶງທາດຫລວງ ຫລື ເອີ້ນວ່າ “ເມືອງສະຫວັນເທິງດິນ”
ສຳລັບງານຊ່ວງເຮືອທົ່ວ ນະຄອນຫລວງວຽງຈັນ ປະຈຳປີ 2017 ແມ່ນຈະຈັດໃຫ້ມີຫລາຍ ກິດຈະກຳເປັນຕົ້ນແມ່ນການ ວາງສະແດງສິນຄ້າ,ການສະ ແດງສີລະປະດົນຕີ ແລະ ອື່ນໆ ອີກຫລາຍຢ່າງສະເພາະຊ່ວງ ເຮືອແມ່ນຈະຈັດໃຫ້ມີການແຂ່ງ ຂັນ 4 ປະເພດເຮືອປະກອບມີ: ປະເພດເຮືອປະເພນີຊາຍ-ຍິງ, ເຮືອສູດສີຊາຍ,ເຮືອກີລາ 12 ສີ ພາຍ ແລະ ເຮືອເຈັສກີ,ມາຮອດ ປັດຈຸບັນມີເຮືອຈຳນວນບໍ່ໜ້ອຍ ແຈ້ງເຈຈຳນົງເຂົ້າຮ່ວມແຂ່ງຂັນ ແລ້ວ ເພື່ອຊີງຂັນລາງວັນ ອັນ ດັບ 1 ເຮືອປະເພນີ ຊາຍ-ຍິງ ແລະ ປະເພດເຮືອສູດຊາຍ ຈະໄດ້ ຮັບຂັນເງີນ 1 ກິໂລກຣາມ ພ້ອມ ເງີນລາງວັນ 25 ລ້ານກີບ,ອັນ ດັບ 2 ຂັນເງີນ 0,75 ກິໂລກ ຣາມ ພ້ອມເງີນລາງວັນ 15 ລ້ານກີບ,ອັນດັບ 3 ຂັນເງີນ 0,5 ກິໂລກຣາມພ້ອມເງີນລາງວັນ 10 ລ້ານກີບ ແລະ ອັບດັບ 4 ໄດ້ຮັບເງີນລາງວັນ 8 ລ້ານກີບ ແລະ ປະເພດເຮືອກີລາ 12 ສີ ພາຍ ອັນດັບ 1 ຈະໄດ້ຮັບຂັນໂລ້ 1ໜ່ວຍ ພ້ອມເງິນລາງວັນ 8 ລ້ານກີບ,ອັນດັບ 2 ຂັນໂລ້ 1 ໜ່ວຍ ພ້ອມເງິນລາງວັນ 6 ລ້ານ ກີບ,ອັນດັບ 3 ຂັນໂລ້ 1ໜ່ວຍ ພ້ອມເງິນລາງວັນ 4 ລ້ານກີບ ແລະ ອັນດັບທີ 4 ຈະໄດ້ຮັບ ເງິນລາງວັນ 3 ລ້ານກີບ .ສ່ວນ ລາງວັນປະເພດເຮືອເຈັສກີແມ່ນ ຍັງບໍ່ທັນກຳນົດລາງວັນເທື່ອ ຄາດວ່າຈະສູງພໍສົມຄວນ.

ຂ່າວມື້ນີ້

ຂ່າວເດັ່ນ