Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 130  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແຂວງຫົວພັນ ສະເຫຼີມ-ສະຫຼອງວັນສ້າງຕັ້ງສະຫະນັກຮົບເກົ່າແຫ່ງຊາດລາວ ຄົບຮອບ 15 ປີ

ແຂວງຫົວພັນ ສະເຫຼີມ-ສະຫຼອງວັນສ້າງຕັ້ງສະຫະນັກຮົບເກົ່າແຫ່ງຊາດລາວ ຄົບຮອບ 15 ປີຕອນເຊົ້າວັນທີ 8 ກັນຍາ 2017 ນີ້, ແຂວງຫົວພັນໄດ້ຈັດ ພິທີສະເຫຼີມ-ສະຫຼອງວັນສ້າງຕັ້ງສະຫະພັນນັກຮົບເກົ່າແຫ່ງ ຊາດລາວ ຄົບຮອບ 15 ປີ, ຂຶ້ນ ຢູ່ທີ່ຫໍວັດທະນະທຳແຂວງ ໂດຍ ເປັນກຽດເຂົ້າຮ່ວມຂອງສະຫາຍ ຄຳຜີວ ວົງສະຫວັນ ຮອງເລຂາ ພັກແຂວງ ປະທານແນວລາວ ສ້າງຊາດແຂວງ ຜູ້ຊີ້ນຳອົງການ ຈັດຕັ້ງມະຫາຊົນຂັ້ນແຂວງ, ມີ ການນຳແຂວງ, ພະນັກງານບຳ ນານ, ພະແນກການອ້ອມຂ້າງ ແຂວງ ແລະ ເມືອງຊຳເໜືອເຂົ້າ ຮ່ວມ.
ໃນພິທີໄດ້ຮັບຟັງການເລົ່າມູນ ເຊື້ອ ແລະ ຜົນງານຂອງນັກຮົບເກົ່າຈາກສະຫາຍປະທານສະຫະພັນນັກຮົບເກົ່າແຂວງ ໄດ້ສ່ອງແສງ ເຖິງມູນເຊື້ອອັນອົງອາດກ້າ ຫານ, ການເສຍສະຫຼະຂອງນັກ

ຮົບປະຕິວັດ ແລະ ຜົນງານຂອງ ສະຫະພັນນັກຮົບເກົ່າແຂວງ, ທີ່ສ້າງມາໄດ້ຕະຫຼອດໄລຍະ 15 ປີຜ່ານມາ. ພ້ອມດຽວກັນນີ້ສະຫາຍ ຮອງເລຂາພັກແຂວງຍັງໄດ້ຮຽກຮ້ອງມາຍັງສະຫະພັນນັກຮົບເກົ່າແຂວງ, ເມືອງ ແລະ ສະມາຊິກສະຫະພັນນັກຮົບເກົ່າ ທຸກຄົນໃຫ້ເອົາໃຈໃສ່ເຮັດວຽກ ງານການເມືອງແນວຄິດ, ສ້າງຄວາມເຊື່ອໝັ້ນຕໍ່ການນຳພາຂອງພັກ- ລັດ, ມີແນວຄິດອຸ່ນອຽນທຸ່ນທ່ຽງ ເປັນແບບຢ່າງທີ່ດີໃຫ້ແກ່ລູກ ຫຼານ, ເສີມຂະຫຍາຍມູນເຊື້ອ ແລະ ຜົນງານນັກຮົບເກົ່າໃຫ້ດີ ພ້ອມກັນປົກປັກຮັກສາລະບອບ ການເມືອງຂອງພວກເຮົາໄວ້ໃຫ້ ໝັ້ນຄົງ, ພ້ອມກັນປະກອບສ່ວນ ຢ່າງຕັ້ງໜ້າເຂົ້າໃນການແກ້ໄຂ ປາກົດການຫຍໍ້ທໍ້ທາງສັງຄົມ, ເອົາໃຈໃສ່ເຮັດວຽກງານເຕົ້າ ໂຮມຄວາມສາມັກຄີໃນຖັນແຖວ ນັກຮົບເກົ່າໃຫ້ໜັກແໜ້ນ, ເອົາ ໃຈໃສ່ສຶກສາອົບຮົມຊາວໜຸ່ມ-ໄວໜຸ່ມໃຫ້ມີນໍ້າໃຈຮັກຊາດ, ມີ ຄວາມຮູ້, ມີຄວາມສາມາດ, ສະ ຫຼາດຫຼັກແຫຼມ, ມີຄຸນສົມບັດດີ, ເປັນພົນລະເມືອງດີ ແລະ ເປັນພະ ນັກງານສືບຖອດໃນອານາຄົດ ຂອງຊາດ.

ຂ່າວມື້ນີ້

ຂ່າວເດັ່ນ