Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 133  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງພົນທີ 3 ຈັດພິທີສະເຫຼີມສະຫຼອງສອງວັນປະຫວັດສາດລາວ-ຫວຽດນາມ

ກອງພົນທີ 3 ຈັດພິທີສະເຫຼີມສະຫຼອງສອງວັນປະຫວັດສາດລາວ-ຫວຽດນາມ ກອງພົນທີ 3 ຈັດພິທີໂຮມ ຊຸມນຸມສະເຫຼີມສະຫລອງສອງ ວັນປະຫວັດສາດລາວ-ຫວຽດ ນາມ ໃນຕອນເຊົ້າວັນທີ 10 ກັນ ຍາ 2017, ທີ່ສະໂມສອນກອງ ພົນ ໂດຍການເຂົ້າຮ່ວມຂອງສະ ຫາຍ ພັນເອກ ບຸນເຈື້ອ ຕຽນ ແສງດາວ ກຳມະການຄະນະພັກ ກະຊວງປ້ອງກັນປະເທດ ຫົວ ຫນ້າການເມືອງກອງພົນທີ 3 ແລະ ຄະນະ, ມີສະຫາຍ ພົນຈັດ ຕະວາ ເຈີ່ນຫື້ວຕ້າຍ ຮອງຫົວ ຫນ້າການເມືອງກອງບັນຊາ ການທະຫານເຂດ 7 ກອງທັບ ປະຊາຊົນຫວຽດນາມ ພ້ອມຄະ ນະທາງການ, ມີສະຫາຍ ບຸນຄົງ ຫລ້າຈຽມພອນ ກຳມະການຄະນະບໍລິຫານງານພັກແຂວງ ເລ ຂາພັກເມືອງ ເຈົ້າເມືອງໆຮຸນ ແຂວງອຸດົມໄຊ, ມີຄະນະນຳຈາກ ກອງບັນຊາການທະຫານເຂດ 2, ກອງພົນນ້ອຍ 82, ບໍລິສັດ ຮ່ວມມືສາກົນ 705, ມີຄະນະພັກ ກົມກອງອ້ອມຂ້າງກອງພົນທີ 3 ແລະ

ແຂກຖືກເຊີນເຂົ້າຮ່ວມ.
ໃນພິທີ ສະຫາຍ ພັນເອກ ບຸນ ເຈື້ອ ຕຽນແສງດາວ ຫົວຫນ້າ ການເມືອງກອງພົນທີ 3 ໄດ້ກ່າວ ຫວນຄືນມູນເຊື້ອການພົວພັນ ລາວ-ຫວຽດນາມ ວ່າມື້ນີ້ເປັນ ມື້ທີ່ມີຄວາມຫມາຍຄວາມສຳຄັນ ຍິ່ງທາງດ້ານປະຫວັດສາດຂອງ ສອງຊາດລາວ-ຫວຽດນາມ ທີ່ພວກເຮົາໄດ້ພ້ອມກັນຈັດພິທີ ໂຮມຊຸມນຸມຂຶ້ນຢູ່ກອງພົນທີ 3 ແມ່ນເພື່ອສະເຫຼີມສະຫຼອງສອງ ວັນປະຫວັດສາດ ລາວ-ຫວຽດ ນາມ ຄື: ວັນເຊັນສົນທິສັນຍາ ມິດຕະພາບການຮ່ວມມືຮອບ ດ້ານ ຄົບຮອບ 40 ປີ ແລະ ວັນ ສ້າງຕັ້ງສາຍພົວພັນການທູດ ຄົບຮອບ 55 ປີ. ເມື່ອຫວນຄືນ ປະຫວັດສາດການພົວພັນອັນ ຍາວນານດັ່ງກ່າວນັ້ນ, ພັກ-ລັດ ກອງທັບ ແລະ ປະຊາຊົນສອງ ຊາດພວກເຮົາຍິ່ງຈົດຈຳລ້ຳລຶກ ແລະ ຮູ້ບຸນຄຸນຢ່າງສຸດຊຶ້ງຕໍ່ປະ ທານໂຮ່ຈີມິນ ຜູ້ນຳທີ່ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານສຸພານຸວົງ ທີ່ແສນ ເຄົາລົບຮັກ ເຊິ່ງເປັນຜູ້ໃຫ້ກຳ ເນີດ ແລະ ເປັນແບບຢ່າງອັນໃສ ແຈ້ງແຫ່ງການຖະນຸຖະຫນອມ ເພີ່ມພູນຄູນສ້າງມິດຕະພາບອັນ ຍິ່ງໃຫຍ່ ແລະ ຄວາມສາມັກຄີ ພິເສດລະຫວ່າງສອງຊາດລາວ- ຫວຽດນາມ ຂອງພວກເຮົາຢ່າງ ສະເຫມີຕົ້ນສະເຫມີປາຍ. ເຫດ ການປະຫວັດສາດອັນສຳຄັນ ແຫ່ງການຮ່ວມສຳພັນສູ້ຮົບ ລາວ-ຫວຽດ ນາມ ເຊິ່ງເຕັມໄປ ດ້ວຍຄວາມທໍລະຫົດອົດທົນ, ອາດຫານຊານໄຊ ແລະ ຍາດໄດ້ ໄຊຊະນະອັນຍິ່ງໃຫຍ່ນັ້ນ, ໄດ້ ຢັ້ງຢືນຄວາມເປັນຈິງໃນດ້ານ ພຶດຕິກຳທີ່ພະນັກງານ-ນັກຮົບ ອາສາສະຫມັກຫວຽດນາມ ໄດ້ ຄຽງບ່າ-ຄຽງໄລ່ກັບພະນັກ ງານ-ນັກຮົບກອງທັບປົດປ່ອຍ ປະຊາຊົນລາວ ແລະ ປະຊາຊົນ ລາວບັນດາເຜົ່າດຳເນີນການຕໍ່ສູ້ ຢ່າງເດັດດ່ຽວຫນຽວແຫນ້ນບົນ ຈິດໃຈຮ່ວມທຸກຮ່ວມສຸກ, ຮ່ວມ ເປັນຮ່ວມຕາຍນຳກັນນັ້ນ, ມີ ຫຼາຍບັ້ນຮົບສະພາບການຂັບຂັນ ທີ່ສຸດ ແຕ່ດ້ວຍມານະຈິດ ແລະ ອຸດົມການປະຕິວັດອັນເດັດດ່ຽວ ດ້ວຍພະລັງແຮງຄວາມສາມັກຄີ ຮ່ວມສຳພັນສູ້ຮົບຢ່າງໜຽວ ແຫນ້ນເຕັມໄປດ້ວຍຄວາມເສຍ ສະຫຼະອັນສູງສົ່ງພວກເຮົາກໍສາ ມາດຜ່ານຜ່າອຸປະສັກໄດ້, ຈາກ ບັ້ນຮົບນີ້ໄປສູ່ບັ້ນຮົບໃຫມ່ຢ່າງ ເນື່ອງນິດລຽນຕິດຈົນສ້າງວີລະ ກຳອັນຍິ່ງໃຫຍ່ຂຶ້ນດ້ວຍບັ້ນຮົບ ໂຮ່ຈີມິນ ອັນເປັນປະຫວັດສາດ ໃນລະດູບານໃຫມ່, ສາມາດປົດ ປ່ອຍພາກໃຕ້ຫວຽດນາມ ແລະ ສາມາດທ້ອນໂຮມປະເທດ ຫວຽດນາມ ເປັນອັນຫນຶ່ງອັນ ດຽວກັນໃນປີ 1975 ຢູ່ປະເທດ ລາວກໍມີການລຸກຮື້ຂຶ້ນໂດຍໃຊ້ ສາມບາດຄ້ອນຍຸດທະສາດໄດ້ ກ້າວໄປສູ່ການຍຶດອຳນາດທົ່ວ ປະເທດແບບ“ບົວບໍ່ຊ້ຳ ນ້ຳບໍ່ຂຸ່ນ ແຕ່ຈັບປາໄດ້ທັງຫມົດ” ແລະ ສະຖາປະນາ ສປປ ລາວ ຂຶ້ນ ຢ່າງສະຫງ່າຜ່າເຜີຍໃນວັນທີ 2 ທັນວາ 1975.
ພາຍຫຼັງປະເທດຊາດໄດ້ຮັບ ການປົດປ່ອຍສອງຊາດລາວ- ຫວຽດນາມ ໄດ້ກ້າວສູ່ສັງກາດ ໃຫມ່, ສັງກາດແຫ່ງສັນຕິພາບ, ເອກະລາດ, ເອກະພາບ ແລະ ປະຕິບັດສິດເປັນເຈົ້າຕົນເອງໃນ ການປົກປັກຮັກສາ ແລະ ສ້າງ ສາພັດທະນາປະເທດຊາດໄປສູ່ ຈຸດຫມາຍສັງຄົມນິຍົມທີ່ວາງ ໄວ້, ໃນເງື່ອນໄຂສະພາບແວດ ລ້ອມໃຫມ່ນີ້ ສາຍພົວພັນພິເສດ ລາວ-ຫວຽດນາມ ໄດ້ຮັບການ ເສີມຂະຫຍາຍໄປສູ່ລະດັບອັນ ໃຫມ່, ເປັນສາຍພົວພັນລະຫວ່າງ ສອງລັດທີ່ມີເອກະລາດ, ມີອຳ ນາດອະທິປະໄຕຢ່າງເຕັມສ່ວນ ການເຊັນສົນທິສັນຍາມິດຕະ ພາບ ແລະ ການຮ່ວມມືຮອບ ດ້ານລະຫວ່າງສອງປະເທດເຊິ່ງ ມາຮອດປີນີ້ແມ່ນພໍດີ ຄົບຮອບ 40 ປີ ແລະ ການພົວພັນການ ທູດມາຮອດປີນີ້ກໍພໍດີຄົບຮອບ 55 ປີ, ສາມາດເວົ້າໄດ້ວ່າ ສອງ ວັນປະຫວັດສາດລະຫວ່າງສອງ ປະເທດລາວ-ຫວຽດນາມແມ່ນ ໄລຍະເວລາທົດສອບຫມັ້ນແກ່ນ ຫນຽວແຫນ້ນຂອງສາຍພົວພັນ ສອງປະເທດພວກເຮົາ. ເຖິງວ່າ ສະພາບແວດລ້ອມຂອງໂລກກໍຄື ສາກົນໄດ້ຜັນປ່ຽນໄປຢ່າງໄວ ວາ, ຊັບສົນທີ່ມີທັງກາລະໂອ ກາດ ແລະ ສິ່ງທ້າທາຍນາໆປະ ການ, ແຕ່ພັກ-ລັດ, ກອງທັບ ແລະ ປະຊາຊົນລາວບັນດາເຜົ່າ ກໍເອົາໃຈໃສ່ເພີ່ມທະວີສ້າງ ຄວາມອຸດົມສົມບູນ ແລະ ໄດ້ຮັບ ການປັບປຸງຍົກລະດັບທາງດ້ານ ປະລິມານ ແລະ ຄຸນະພາບສູງຂຶ້ນ ເລື້ອຍໆ ເຊິ່ງນຳເອົາຜົນປະ ໂຫຍດຕົວຈິງມາສູ່ສອງຊາດ ພວກເຮົາ, ອັນນີ້ແມ່ນສະແດງ ໃຫ້ເຫັນລັກສະນະພິເສດການ ພົວພັນຮ່ວມມືລາວ-ຫວຽດນາມ ທີ່ກາຍເປັນປັດໄຈຊ່ວຍຫນູນທີ່ ສຳຄັນໃຫ້ແກ່ການພັດທະນາປະ ເທດຊາດຂອງພວກເຮົາ.
ໃນຕອນແລງຂອງວັນດຽວ ກັນ, ຄະນະສິລະປະທະຫານເຂດ 7 ກອງທັບປະຊາຊົນຫວຽດ ນາມ ກໍໄດ້ສະແດງໃຫ້ນາຍ ແລະ ພະນັກງານ-ນັກຮົບ ຕະຫຼອດ ຮອດປະຊາຊົນເມືອງຮຸນ ແຂວງ ອຸດົມໄຊ ມີທັງຜູ້ເຖົ້າ ແລະ ເດັກ ນ້ອຍ ເຂົ້າໄປຊົມຢ່າງຫຼວງຫຼາຍ ໂດຍສະແດງຢູ່ຜາມໄຊ ເດີ່ນກີ ລາກາງແຈ້ງຂອງກອງພົນທີ 3 ເຊິ່ງແຕ່ລະລາຍການສະແດງໄດ້ ສ້າງຄວາມມ່ວນຊື່ນປະທັບໃຈ ທັງເປັນການສ້າງຂວັນກຳລັງ ໃຈໃຫ້ນາຍ ແລະ ພົນທະຫານ ເຮັດສຳເລັດຫນ້າທີ່ຂອງຕົນ.

ຂ່າວມື້ນີ້

ຂ່າວເດັ່ນ