Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 131  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ອົງການ ຢູນີເຊັນ ຮ່ວມກັບແນວລາວສ້າງຊາດ ຈັດກອງປະຊຸມປຶກສາຫາລືວຽກງານຕ່າງໆ ເພື່ອພັດທະນາຊັບພະຍາກອນມະນຸດ

ອົງການ ຢູນີເຊັນ ຮ່ວມກັບແນວລາວສ້າງຊາດ ຈັດກອງປະຊຸມປຶກສາຫາລືວຽກງານຕ່າງໆ ເພື່ອພັດທະນາຊັບພະຍາກອນມະນຸດອົງການ ຢູນິເຊັບ (unicef) ຮ່ວມກັບສູນກາງແນວລາວ ສ້າງຊາດ (ສນຊ) ໄດ້ຈັດກອງ ປະຊຸມປຶກສາຫາລືກ່ຽວກັບ ວຽກງານໂພຊະນາການ, ສັກ ຢາກັນພະຍາດ, ສຸຂະອະນາໄມ, ການຕ້ານການໃຊ້ຄວາມຮຸນ ແຮງຕໍ່ເດັກ, ການຄ້າມະນຸດ ແລະ ການສຶກສາສໍາລັບເດັກ ກ່ອນໄວຮຽນ ຢູ່ທີ່ສູນເຝິກອົບ ຮົມ ສນຊ ໃນວັນທີ 11 ກັນຍາ 2017 ນີ້ ໂດຍການເປັນປະ ທານຂອງທ່ານ ຮສ ດຣ ສົມອົກ ກິ່ງສະດາ ຮອງປະທານ ສນຊ, ມີທ່ານ ມີໂອ ຊິນຢູນ ຜູ້ຕາງໜ້າອົງການ unicef ປະຈໍາ ສປປ ລາວ, ທ່ານ ເລໂອ ຜູ້ຕາງໜ້າ ສະຫະພາບເອີລົບ ປະຈໍາ ສປປ ລາວ, ທ່ານ ນາງ ດຣ ວິພາວັນ ພົມວິຫານ ທີ່ປຶກສາວຽກງານ ການຮ່ວມມືລະຫວ່າງ ສນຊ ກັບ ອົງການ unicef ແລະ ມີບັນ ດາຕາງໜ້າພະນັກງານແນວ ລາວສ້າງຊາດຂອງແຕ່ລະ

ແຂວງໃນທົ່ວປະເທດເຂົ້າຮ່ວມ.
ໃນກອງປະຊຸມທ່ານ ຮສ ດຣ ສົມອົກ ກິ່ງສະດາ ໄດ້ກ່າວໃຫ້ ຮູ້ວ່າ: ກອງປະຊຸມໃນຄັ້ງນີ້ແມ່ນ ມີຄວາມໝາຍຄວາມສໍາຄັນເປັນ ຢ່າງຍິ່ງ ເພາະຈະເປັນໂຄສະນາ, ປຸກລະດົມ, ຊຸກຍູ້ ແລະ ຂົນ ຂວາຍພໍ່ແມ່ປະຊາຊົນໄດ້ເຂົ້າໃຈ ເຖິງບັນຫາກ່ຽວກັບວຽກງານ ໂພສະນາການ, ການສັນຢາກັນ ພະຍາດ, ວຽກງານສຸຂະອະນາ ໄມ, ການຄ້າມະນຸດ, ການຕ້ານ ການນໍາໃຊ້ຄວາມຮຸນແຮງຕໍ່ ເດັກ ແລະ ການສຶກສາສໍາລັບ ເດັກກ່ອນໄວຮຽນ ແນໃສ່ເຮັດ ໃຫ້ປະເທດຂອງພວກເຮົາບັນ ລຸເປົ້າໝາຍສະຫັດສະຫວັດແຫ່ງ ການພັດທະນາ ແລະ ຫຼຸດພົ້ນ ອອກຈາກປະເທດດ້ອຍພັດທະ ນາໃນປີ 2020. ນອກນີ້ຈຸດປະ ສົງຂອງກອງປະຊຸມຍັງເປັນ ການເສີມຂະຫຍາຍຄວາມຮູ້ ຄວາມສາມາດໃຫ້ແກ່ພະນັກ ງານແນວລາວສ້າງຊາດໃນ ການປຸກລະດົມຊຸມຊົນກ່ຽວກັບ ບັນຫາຕ່າງໆທີ່ກ່ຽວກັບເດັກ, ເສີມຂະຫຍາຍບົດບາດຂອງ ແນວລາວສ້າງຊາດໃນການປຸກ ລະດົມປະຊາຊົນບັນດາເຜົ່າໃນ ການປັບປຸງບັນຫາສຸຂະພາບ ຂອງແມ່ຍິງ ແລະ ເດັກນ້ອຍ.
ທ່ານຍັງໄດ້ກ່າວຕື່ມອີກວ່າ: ການຮັບປະທານອາຫານເປັນ ສິ່ງສໍາຄັນຫຼັກໆສໍາລັບສິ່ງທີ່ມີຊີ ວິດທຸກຢ່າງດັ່ງນັ້ນໃນໄລຍະ ແມ່ຖືພາ ແລະ ໃຫ້ນົມລູກ ແມ່ ຄວນຮັບປະທານອາຫານທີ່ມີປະ ໂຫຍດ ເພື່ອເຮັດໃຫ້ເດັກມີສຸຂະ ພາບທີ່ດີ ແລະ ໄດ້ມີການພັດທະ ນາທາງດ້ານມັນສະໝອງອີກ ດ້ວຍ. ດີທີ່ສຸດເດັກເກີີດໃໝ່ຕັ້ງ ແຕ່ 1 ມື້ຈົນເຖິງ 6 ເດືອນຕ້ອງ ໃຫ້ກິນແຕ່ນົມແມ່ພຽງຢ່າງ ດຽວ, ຫຼັງຈາກນັ້ນ ຈຶ່ງຮັບປະ ທານອາຫານເສີມໄປຄຽງຄູູ່ກັບ ນົມແມ່. ການສັກຢາກັນພະຍາດ ແມ່ນມີຄວາມສໍາຄັນຫຼາຍເພາະ ຈະເປັນການປ້ອງກັນພະຍາດ ແຕ່ເບື້ອງຕົ້ນ ຜູ້ປົກຄອງຄວນ ປະຕິບັດຕາມຄໍາແນະນໍາຂອງ ພະນັກງານແພດ ການສັກຢາ ເປັນການປ້ອງກັນຊີວິດທີ່ດີທີ່ສຸດ ສັງເກດຜູ້ທີ່ບໍໄດ້ຮັບການສັກຢາ ຄົບຕາມກໍານົດເຫັນວ່າມີແນວ ໂນ້ມສູງທີ່ຈະເຈັບປ່ວຍໄດ້ງ່າຍ, ພິການ, ເປັນພະຍາດຂາດສານ ອາຫານ ແລະ ຮ້າຍແຮງໄປ ກ່ອນນັ້ນອາດເຖິງຂັ້ນເສຍຊີວິດ ໄດ້. ການຮຽນຮູ້ໃນໄວເດັກ 3 ປີທໍາອິດຂອງຊີວິດຄົນແມ່ນມີ ຄວາມສໍາຄັນຫຼາຍໃນການພັດ ທະນາສະໝອງຂອງເດັກ, ສະ ນັ້ນເວລານີ້ ຕ້ອງໄດ້ພະຍາຍາມ ຮຽນຮູ້ໃຫ້ເຂົາເຈົ້າຫຼາຍທີ່ສຸດ ເພື່ອພັດທະນາທາງດ້ານຮ່າງ ກາຍ, ສະຕິປັນຍາ, ອາລົມຈິດ ແລະ ອື່ນໆ ທັງໝົດແມ່ນການ ຮຽນຮູ້ໃຫ້ເດັກເພື່ອໃຫ້ເດັກໄດ້ມີ ຄວາມພ້ອມໃນເວລາເຂົ້າໂຮງ ຮຽນ ເພື່ອໃຫ້ເດັກເປັນຄົນສະ ຫຼາດ. ກອງປະຊຸມປືສາຫາລື ວຽກງານໂພສະນາການ, ສັກ ຢາກັນພະຍາດ, ສຸຂະອະນາໄມ, ຕ້ານການໃຊ້ຄວາມຮຸນແຮງຕໍ່ ເດັກ, ຕ້ານການຄ້າມະນຸດ ແລະ ການສຶກສາສໍາລັບເດັກກ່ອນໄວ ຮຽນໃນຄັ້ງນີີ້ຈະໄດ້ດໍໍາເນີນເປັນ ເວລາ 3 ວັນຈຶ່ງຈະສໍາເລັດ ແຕ່ ວັນທີ 11-13 ກັນຍາ 2017.

ຂ່າວມື້ນີ້

ຂ່າວເດັ່ນ