Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 115  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສຳເລັດຊຸດອົບຮົມວຽກງານສັກຢາກັນພະຍາດໃຫ້ພະນັກງານເສນາຮັກແຂວງໄຊສົມບູນ

ສຳເລັດຊຸດອົບຮົມວຽກງານສັກຢາກັນພະຍາດໃຫ້ພະນັກງານເສນາຮັກແຂວງໄຊສົມບູນເພື່ອຜັນຂະຫຍາຍມະຕິກອງ ປະຊຸມປຶກສາຫາລືກ່ຽວກັບການ ສັກຢາວັກຊິນກັນພະຍາດໃຫ້ປະ ຊາຊົນໃນເຂດຫ່າງໄກສອກຫຼີກ ທີ່ໄດ້ຈັດຂຶ້ນຢູ່ສະຖາບັນກັນພະ ຍາດກອງທັບຄັ້ງວັນທີ 31 ສິງ ຫາ ຜ່ານມານັ້ນ, ກອງເລຂາໂຄງ ການສັກຢາກັນພະຍາດແຫ່ງ ຊາດ ກະຊວງສາທາລະນະສຸກ ຮ່ວມກັບກົມເສນາຮັກກອງທັບ ໄດ້ລົງເຄື່ອນໄຫວເປີດຊຸດອົບຮົມ ວຽກງານສັກຢາກັນພະຍາດໃຫ້ ພະນັກງານເສນາຮັກທົ່ວແຂວງ ໄຊສົມບູນ ເຊິ່ງໄດ້ດຳເນີນມາ ເປັນເວລາ 3 ວັນ ແລະ ໄດ້ສຳເລັດລົງໃນວັນທີ 7 ກັນຍາ 2017 ນີ້, ຢູ່ທີ່ສະໂມສອນກອງພັນໃຫຍ່ 101, ກອງພົນທີ 1 ໂດຍການ ເຂົ້າຮ່ວມຂອງພັນເອກ ບຸນວຽງ ໄຊເລົາຢາ ຄະນະປະຈຳພັກ ແຂວງ, ຫົວໜ້າການເມືອງກອງ ບັນຊາການທະຫານແຂວງໄຊ ສົມບູນ, ມີທ່ານ ດຣ ແກ່ນຈັນ ຊະນະໄພພານ ຮອງຫົວໜ້າ ກອງ

ເລຂາໂຄງການສັກຢາກັນ ພະຍາດແຫ່ງຊາດ ກະຊວງສາ ທາລະນະສຸກ, ພັນໂທ ດຣ ພຶດສະ ພາ ສົນທິລາດ ຫົວໜ້າພະແນກ ກັນພະຍາດກົມເສນາຮັກ ກົມ ໃຫຍ່ພະລາທິການກອງທັບ, ບັນ ດານັກວິທະຍາກອນທີ່ມາຈາກ ໂຄງການສັກຢາກັນພະຍາດ ແຫ່ງຊາດ, ສະຖາບັນກັນພະ ຍາດກອງທັບ, ພະແນກສາທາ ລະນະສຸກແຂວງໄຊສົມບູນ ແລະ ບັນດານັກສຳມະນາກອນທີ່ເຮັດ ວຽກງານເສນາຮັກຈາກບັນດາ ກົມກອງທັງກຳລັງຫຼວງ, ກຳລັງ ທ້ອງຖິ່ນທີ່ຕັ້ງທັບຢູ່ທົ່ວແຂວງໄຊ ສົມບູນເຂົ້າຮ່ວມ.
ຊຸດອົບຮົມຄັ້ງນີ້, ບັນດານັກວິ ທະຍາກອນໄດ້ຜັດປ່ຽນກັນຂຶ້ນ ບັນລະຍາຍໃຫ້ຄວາມຮູ້ກ່ຽວກັບ ພະຍາດເປົ້າໝາຍ ແລະ ວັກຊິນ, ການຄຸ້ມຄອງວັກຊິນ ແລະ ລະ ບົບຄວາມເຢັນ, ການສ້າງແຜນ ຈຸລະພາກເພື່ອເຄື່ອນໄຫວສັກ ຢາ, ອາການສະແດງອອກພາຍ ຫຼັງສັກຢາ, ການສື່ສານ ແລະ ປຸກລະດົມຊຸມຊົນ, ລະບົບການ ບັນທຶກ ແລະ ລາຍງານ, ການຕິດ ຕາມຊຸກຍູ້ແບບສະໜັບສະໜູນ, ການທົດສອບຄວາມຮູ້, ແບ່ງກຸ່ມ ຄົ້ນຄວ້າ ແລະ ລົງພາກປະຕິບັດ ຕົວຈິງ, ມອບໂປສເຕີ, ແຜ່ນພັບ ກ່ຽວກັບວຽກງານສັກຢາກັນພະ ຍາດໃຫ້ນັກສຳມະນາກອນ, ປຶກ ສາຫາລືວາງແຜນປະສານສົມ ທົບກັບຫຼາຍຝ່າຍ, ແບ່ງເຂດຮັບ ຜິດຊອບລົງສັກຢາກັນພະຍາດ ຕົວຈິງຢ່າງລະອຽດ ລະຫວ່າງ ຝ່າຍສາທາລະນະສຸກຝ່າຍປົກ ຄອງກັບຝ່າຍກອງທັບ ໂດຍມອບໃຫ້ນັກວິຊາການພະແນກສົ່ງເສີມສຸຂະພາບແມ່ ແລະ ເດັກສະຖາບັນກັນພະຍາດກອງທັບເຮັດ ໜ້າທີ່ຊີ້ນຳ-ນຳພາລວມ.
ການອົບຮົມຄັ້ງນີ້ກໍເພື່ອເປັນ ການສ້າງບຸກຄະລາກອນຖັນ ແຖວພະນັກງານເສນາຮັກໃຫ້ມີ ຄວາມເຂົ້າໃຈ ແລະ ຊຳນິຊຳ ນານ, ກຽມຄວາມພ້ອມລົງສູ່ ຮາກຖານປະຊາຊົນໃນການສັກ ຢາປ້ອງກັນ 12 ພະຍາດເປົ້າ ໝາຍຄື: ພະຍາດວັນນະໂລກ, ຄໍ ຕີບ, ໄອໄກ່, ບາດພະຍັກ, ອັກ ເສບຕັບບີ, ເຫຍື້ອຫຸ້ມສະໝອງ ອັກເສບ, ໂປລິໂອ, ອັກເສບປອດ, ໝາກແດງໃຫຍ່-ນ້ອຍ, ໄຂ້ສະ ໝອງອັກເສຍຍີ່ປຸ່ນ, ມະເຮັງປາກ ມົດລູກ ແລະ ພະຍາດໄຂ້ຫວັດ ລະດູການ, ທັງນີ້ກໍເພື່ອແນໃສ່ ກຽມຄວາມພ້ອມປະຕິບັດແຜນ ການສັກຢາກັນພະຍາດໃຫ້ລູກ ຫຼານປະຊາຊົນໃຫ້ມີສຸຂະພາບ ແຂງແຮງສົມບູນກ້າວໄປເຖິງ ການບັນລຸເປົ້າໝາຍທີ່ລັດຖະ ບານວາງໄວ້.
ຂ່າວ-ພາບ: ອ້ອຍພັນ ແພງບຸນມີ

ຂ່າວມື້ນີ້

ຂ່າວເດັ່ນ