Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 92  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ແນວໂຮມແຫ່ງຊາດ ແມ່ນໜຶ່ງໃນປັດໄຈຕັດສິນໄຊຊະນະຂອງການປະຕິວັດລາວ

   ກ່ອນໜ້ານີ້ 67 ປີ ຄືວັນທີ 13 ສິງຫາ 1950 ກອງປະຊຸມຜູ້ແທນທົ່ວປະເທດໄດ້ປະກາດສ້າງຕັ້ງ ແນວລາວອິດສະຫຼະ ແລະ ສ້າງຕັ້ງລັດຖະບານລາວຕໍ່ຕ້ານຂຶ້ນ, ໃນນັ້ນ, ສະເດັດເຈົ້າສຸພານຸວົງ ໄດ້ຖືກ ເລືອກເປັນປະທານ ແລະ ນາຍົກລັດຖະບານລາວຕໍ່ຕ້ານ, ແນວລາວອິດສະຫຼະ ແລະ ລັດຖະບານລາວຕໍ່ຕ້ານໄດ້ເປັນຄັນທຸງເຕົ້າໂຮມຄວາມສາມັກຄີ, ນຳພາຂະບວນການປະຕິວັດກ້າວຂຶ້ນຢ່າງບໍ່ຢຸດຢັ້ງ ແລະທັງໄດ້ເຮັດສຳເລັດໜ້າທີ່ປະຫວັດສາດອັນສຳຄັນຢ່າງມີໄຊ.      ຕະຫຼອດໄລຍະ 8-9 ປີຕໍ່ຕ້ານພວກຈັກກະພັດລ່າເມືອງຂຶ້ນຝຣັ່ງ ແນວລາວອິດສະຫຼະໄດ້ປະຕິບັດ ພາລະບົດບາດຂອງແນວໂຮມຄື: ສຳພັນທະພາບລະຫວ່າງຊົນຊັ້ນກຳມະກອນ-ຊາວກະສິກອນ ແລະ ນັກ ຮຽນຮູ້ປັນຍາຊົນຮັກຊາດ, ສຳພັນກັບສາສະໜາ ແລະ ບັນດາກຳລັງການເມືອງ, ກຳລັງການຈັດຕັ້ງສັງ ຄົມຕ່າງໆ, ອອກແຮງເຕົ້າໂຮມຄວາມສາມັກຄີປອງດອງທົ່ວປວງຊົນອ້ອມຂ້າງພັກເປັນຮາກຖານການເມືອງໃຫ້ອຳນາດການປົກຄອງປະຊາຊົນສຳພັນແບບພິເສດກັບກອງທັບ

ແລະ ປະຊາຊົນຫວຽດນາມ ອ້າຍນ້ອງ, ສຳພັນ 3 ຊາດອິນດູຈີນ ເຮັດສຳເລັດໜ້າທີ່ພາລະກຳປະຫວັດສາດອັນສະຫງ່າອົງອາດຄື: ປົດປ່ອຍປະເທດຊາດອອກຈາກແອກລ່າເມືອງຂຶ້ນແບບເກົ່າ, ບັງຄັບໃຫ້ພວກມັນຕ້ອງຍອມເຊັນ ສັນຍາເຊີແນວ ປີ 1954 ຍອມຮັບຮູ້ເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງລາວເຮົາ, ເຮັດໃຫ້ຊື່ສຽງບົດບາດຂອງລາວເຮົາພົ້ນເດັ່ນຂຶ້ນໃນເວທີການເມືອງຂອງໂລກ.      ໃນໄລຍະຕໍ່ສູ້ຕ້ານການແຊກແຊງຮຸກຮານຂອງຈັກກະ ພັດອາເມຣິກາເປັນເວລາ 20 ປີ, ແນວລາວ ຮັກຊາດພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວໄດ້ກາຍເປັນອຳ ນາດລັດສ່ວນໜຶ່ງ ແລະ ໄດ້ເຄື່ອນໄຫວໃນ 3 ດ້ານຄື: ດ້ານການເມືອງ, ການທະຫານ ແລະ ການຕ່າງປະເທດ, ພ້ອມກັນນັ້ນ ແນວລາວຮັກ ຊາດໄດ້ດຳເນີນນະໂຍບາຍສາມັກຄີປອງດອງວົງຄະນະຍາດແຫ່ງ ຊາດລາວຢ່າງເດັດດ່ຽນໜຽວແໜ້ນ, ສາມາດປະຕິບັດການລວມ ລາວເຖິງ 3 ຄັ້ງຄື ການລວມລາວປີ 1957, ປີ 1962 ແລະ ປີ 1973.     ໃນທີ່ສຸດດ້ວຍຄວາມຕັດສິນໃຈສູງ ແລະ ຄວາມເປັນເອກະພາບ ອັນໜຶ່ງອັນດຽວຂອງທົ່ວພັກ, ທົ່ວກອງທັບ ແລະ ທົ່ວປວງຊົນລາວ ທັງຊາດ, ແນວລາວຮັກຊາດ ໄດ້ນຳພາປະຊາຊົນຍຶດອຳນາດທົ່ວປະ ເທດຢ່າງສົມບູນ, ສະຖາ ປະນາ ສປປ ລາວ ຢ່າງສະຫງ່າຜ່າເຜີຍຂຶ້ນ ໃນວັນທີ 2 ທັນວາ 1975, ໄຂສັງກາດອັນໃໝ່ໃຫ້ຊາດລາວເຮົາ.      ພາຍຫຼັງປະເທດຊາດໄດ້ຮັບການປົດປ່ອຍ, ໃນພາລະກິດປ່ຽນ ແປງໃໝ່ຂອງພັກເຮົາ, ແນວລາວສ້າງຊາດ ໄດ້ສືບຕໍ່ປະຕິບັດພາລະ ກິດ, ໜ້າທີ່ລວມຂອງຕົນນັ້ນແມ່ນເສີມຂະຫຍາຍມູນເຊື້ອຮັກຊາດ, ຄວາມເອກອ້າງທະນົງໃຈຕໍ່ຄວາມເປັນຊາດລາວ, ເຈດຈຳນົງເປັນ ເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມທະວີມະຫາສາ ມັກຄີສ້າງກຸ່ມກ້ອນສາມັກຄີທົ່ວປວງຊົນເປັນກຳລັງແຮງດຳເນີນພາ ລະກິດປ່ຽນແປງໃໝ່, ເຕົ້າໂຮມບັນດາເຜົ່າປະຕິບັດນະໂຍບາຍສະ ເໝີພາບລະຫວ່າງຊົນເຜົ່າຕ່າງໆ, ແກ້ໄຂການຫຼຸດໂຕນກັນລະຫວ່າງ ເຜົ່າຕ່າງໆໃນການດຳລົງຊີວິດຢູ່ໃນສັງຄົມ; ສູ້ຊົນເຮັດໃຫ້ປະເທດ  ຊາດຫຼຸດພົ້ນອອກຈາກສະພາວະດ້ອຍພັດທະນາ, ກ້າວຂຶ້ນເຮັດໃຫ້ປະ ເທດຊາດມີຄວາມມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມ ມີຄວາມສາມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ,​ ສ້າງປະເທດລາວສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ, ປະກອບສ່ວນຢ່າງຕັ້ງໜ້າເຂົ້າໃນພາລະກິດ ສັນຕິພາບ, ເອກະລາດ, ປະຊາທິປະໄຕຢູ່ໃນໂລກ.     ນັບແຕ່ໄດ້ຮັບການສ້າງຕັ້ງຂຶ້ນມາຈົນຮອດປັດຈຸບັນ ແນວໂຮມ ເອກະພາບແຫ່ງຊາດລາວໄດ້ເຕີບໃຫຍ່ຂະຫຍາຍຕົວຢູ່ພາຍໃຕ້ຫຼາຍ ຮູບການ, ມີຊື່ເອີ້ນຕ່າງກັນໃນແຕ່ລະຂອງປະຫວັດສາດ(ແນວລາວ ອິດສະຫຼະ, ແນວລາວຮັກຊາດ ແລະ ແນວລາວສ້າງຊາດ) ແຕ່ກໍມີ ການເຕີບໃຫຍ່ຂະຫຍາຍຕົວທັງດ້ານຈຳນວນ ແລະ ຄຸນະພາບ ໄດ້ເຮັດ ສຳເລັດໜ້າທີ່ອັນສະຫງ່າງາມທີ່ສຸດຢູ່ໃນແຕ່ລະໄລຍະ, ໄດ້ປະກອບ ສ່ວນຢ່າງສົມຖານະເຂົ້າໃນພາລະກິດແຫ່ງການຕໍ່ສູ້ປົດປ່ອຍ, ຕີຊະນະ ສັດຕູຜູ້ຮຸກຮານທັງເກົ່າ ແລະ ໃໝ່, ພ້ອມທັງຕີເອົາຊະນະບັນດາອິດທິ ກຳລັງຮຸກຮານທຸກໂຕ, ພັດທະນາສ້າງສາປະເທດຊາດ, ສ້າງບັນດາ ປະຖົມປັດໄຈພາປະເທດຊາດກ້າວຂຶ້ນຕາມທິດສັງຄົມນິຍົມເປັນແຕ່ ລະບາດກ້າວ, ສັງລວມແລ້ວແນວໂນມໄດ້ກາຍເປັນປັດໄຈອັນໜຶ່ງ ຕັດສິນໄຊຊະນະຂອງການປະຕິວັດເຮົາ.

ຂ່າວມື້ນີ້

ຂ່າວເດັ່ນ