Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 56  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ບົດບາດຂອງສະມາຊິກສະພາແຫ່ງຊາດເພດຍິງໃນການເຄື່ອນໄຫວວຽກງານຂອງສະພາແຫ່ງຊາດ

ບົດບາດຂອງສະມາຊິກສະພາແຫ່ງຊາດເພດຍິງໃນການເຄື່ອນໄຫວວຽກງານຂອງສະພາແຫ່ງຊາດ  ໃນລະຫວ່າງວັນທີ 6-9 ສິງ ຫາ 2017, ຄະນະຜູ້ແທນສະມາ ຊິກສະພາແຫ່ງຊາດເພດຍິງ ສະພາແຫ່ງຊາດລາວ ໄດ້ເດີນທາງ ເຂົ້າຮ່ວມກອງປະຊຸມສໍາມະນາ ໃນຫົວຂໍ້ “ບົດບາດຂອງສະມາ ຊິກສະພາແຫ່ງ ຊາດເພດຍິງໃນ ການເຄື່ອນໄຫວຂອງວຽກງານ ສະພາແຫ່ງຊາດ”ທີ່ນະຄອນດາ ໜັງ, ສສ ຫວຽດນາມ ໂດຍການ ເປັນປະທານຮ່ວມຂອງ ສະຫາຍ ນາງ ປານີ ຢາທໍ່ຕູ້, ກໍາມະການ ກົມການເມືອງສູນກາງພັກ, ປະທານສະພາແຫ່ງຊາດ ແລະ ສະຫາຍ ນາງ ຫງວຽນ ທິ ກິມ ເງິນ, ກໍາມະການກົມການເມືອງ ສູນກາງພັກກອມມູນິດຫວຽດ ນາມ, ປະທານສະພາແຫ່ງຊາດ ແຫ່ງສາທາລະນະລັດ ສັງຄົມ ນິຍົມຫວຽດນາມ, ເຂົ້າຮ່ວມມີສະຫາຍນາງ ຕ໋ອງ ທິ ຝ໋ອງ ກໍາມະການກົມການເມືອງສູນ ກາງພັກ, ຮອງປະທານສະພາ ແຫ່ງຊາດຫວຽດນາມ, ສະຫາຍ ນາງ ສີໃສ ລືເດດມູນສອນ ກໍາ ມະການສູນກາງພັກ, ຮອງປະ ທານສະພາ

ແຫ່ງຊາດລາວ, ມີ ເອກອັກຄະລັດຖະທູດວິສາມັນຜູ້ ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ,ສະຫາຍ ເລຂາພັກນະຄອນດາໜັງ ທັງ ເປັນປະທານສະພາປະຊາຊົນ ນະຄອນດາໜັງ, ບັນດາສະຫາຍ ຄະນະປະຈຳ, ສະມາຊິກສະພາ ແຫ່ງຊາດເພດຍິງຫວຽດນາມ-ລາວ ແລະ ແຂກຖືກເຊີນຈໍາ ນວນໜຶ່ງ. ກອງປະຊຸມສຳມະນາຄັ້ງນີ້ກໍ ແມ່ນໜຶ່ງໃນກິດຈະກຳໃນການ ສະເຫຼີມສະຫຼອງປີສາມັກຄີມິດ ຕະພາບ ລາວ-ຫວຽດນາມຄື: ວັນສ້າງຕັ້ງສາຍພົວພັນການທູດ ຄົບ ຮອບ 55 ປີ ແລະ ວັນເຊັນ ສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ ໂດຍມີຈຸດປະສົງເພື່ອແລກປ່ຽນ ບົດຮຽນໃນການປະຕິບັດພາລະ ບົດບາດຂອງ ສສຊ ເພດຍິງ ໃນການເຄື່ອນໄຫວວຽກງານ ຂອງສະພາແຫ່ງຊາດ, ການ ສ້າງ ແລະ ປັບປຸງກົດໝາຍທີ່ ກ່ຽວຂ້ອງກັບແມ່ຍິງ ແລະເດັກ ຕາມພາລະບົດບາດ, ສິດ ແລະ ໜ້າທີ່ຂອງສອງຄະນະສະມາຊິກ ສະພາແຫ່ງຊາດເພດຍິງຫວຽດ ນາມ-ລາວ;ການຕິດຕາມກວດ ກາການຈັດຕັ້ງປະຕິບັດແນວ ທາງ, ນະໂຍ ບາຍ, ແຜນຍຸດທະ ສາດທີ່ພົວພັນກັບການສົ່ງເສີມ ການພັດທະນາ ແລະ ປົກປ້ອງ ສິດຜົນປະໂຫຍດອັນຊອບທຳ ຂອງແມ່ຍິງ ແລະ ເດັກຂອງສະ ມາຊິກສະພາແຫ່ງຊາດ; ການມີ ສ່ວນຮ່ວມຂອງສະມາຊິກສະພາ ແຫ່ງຊາດເພດຍິງ ໃນການຊຸກ ຍູ້ໃຫ້ພາກສ່ວນທີ່ກ່ຽວຂ້ອງໃນ ການແກ້ໄຂບັນດາປາກົດການ ຫຍໍ້ທໍ້ທີ່ເກີດຂຶ້ນໃນສັງຄົມເປັນ ຕົ້ນແມ່ນການໃຊ້ຄວາມຮຸນແຮງ ໃນຄອບຄົວ ແລະ ການຄ້າມະ ນຸດເພດຍິງ ແລະ ເດັກຂອງ ຫວຽດນາມ-ລາວ. ໃນພິທີເປີດກອງປະຊຸມສໍາ ມະນາຢ່າງເປັນທາງການ, ສະ ຫາຍປະທານສະພາແຫ່ງຊາດ ລາວໄດ້ກ່າວຄໍາປາໄສບາງ ຕອນສໍາຄັນວ່າ: ພວກຂ້າພະເຈົ້າ ຕີລາຄາສູງຕໍ່ການລິເລີ່ມຂອງ ສະພາແຫ່ງຊາດຫວຽດນາມທີ່ ເປັນເຈົ້າພາບໃນການຈັດກອງ ປະຊຸມສຳມະນາຮ່ວມລະຫວ່າງ ສະມາຊິກສະພາແຫ່ງຊາດເພດ ຍິງຂອງສອງສະພາແຫ່ງຊາດ ໃນຄັ້ງນີ້, ເຊິ່ງເປັນເຫດການປະ ຫວັດສາດທີ່ມີສະມາຊິກສະພາ ແຫ່ງຊາດເພດຍິງໃນທົ່ວປະເທດ ຂອງສອງປະເທດເຂົ້າຮ່ວມເປັນ ຈຳນວນຫຼວງຫຼາຍຄືຄັ້ງນີ້ ແລະ ເປັນໜຶ່ງໃນເຫດການທີ່ຫາຍາກ ໃນການເຄື່ອນໄຫວກິດຈະກຳ ຮ່ວມລະຫວ່າງສະມາຊິກສະພາ ແຫ່ງຊາດເພດຍິງໃນລັດຖະສະ ພາພາກພື້ນ ແລະ ສາກົນ. ອີກ ດ້ານໜຶ່ງ, ກອງປະຊຸມຄັ້ງນີ້ໄດ້ ໄຂຂຶ້ນໃນວາລະທີ່ສອງພັກ-ລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວ ພວມດໍາເນີນການສະເຫຼີມສະ ຫຼອງປີສາມັກຄີມິດຕະພາບ ລາວ-ຫວຽດນາມຄື: ວັນສ້າງ ຕັ້ງສາຍພົວພັນການທູດ ຄົບ ຮອບ 55 ປີ ແລະ ວັນເຊັນສົນ ທິສັນຍາມິດຕະພາບ ແລະ ການ ຮ່ວມມື ຄົບຮອບ 40 ປີ ຢ່າງມີ ຄວາມໝາຍທາງການເມືອງ ແລະ ເປັນຂະບວນຢ່າງກວ້າງ ຂວາງຢູ່ໃນປະເທດຂອງຕົນ, ທັງເປັນສັນຍາລັກແຫ່ງການພົວ ພັນຮ່ວມມືລະຫວ່າງສອງອົງ ການນິຕິບັນຍັດໃຫ້ນັບມື້ເຂົ້າສູ່ ລວງເລິກ ແລະ ມີປະສິດທິຜົນ, ປະກອບສ່ວນສຳຄັນເຂົ້າໃນ ການສືບຕໍ່ເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນມິດ ຕະພາບອັນຍິ່ງໃຫຍ່, ຄວາມສາ ມັກຄີພິເສດ ແລະ ການຮ່ວມມື ຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງ ຊາດລາວ-ຫວຽດນາມ, ຫວຽດ ນາມ-ລາວ ເວົ້າລວມ ແລະ ເວົ້າ ສະເພາະລະຫວ່າງສອງອົງ ການນິຕິບັນຍັດ ກໍຄືຄະນະສະ ມາຊິກສະພາແຫ່ງຊາດເພດຍິງ ຂອງສອງສະພາແຫ່ງຊາດໃຫ້ມີ ຄວາມຈະເລີນງອກງາມ ແລະ ແຕກດອກອອກຜົນຍິ່ງໆຂຶ້ນ. ໂດຍ: ນາງ ສຸມົນທາ ງາໄຊ

ຂ່າວມື້ນີ້

ຂ່າວເດັ່ນ