Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 119  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຫະພັນແມ່ຍິງກອງທັບ ຈັດຕັ້ງເຊື່ອມຊຶມມູນເຊື້ອແມ່ຍິງລາວ ຄົບຮອບ 62 ປີ

ສະຫະພັນແມ່ຍິງກອງທັບ ຈັດຕັ້ງເຊື່ອມຊຶມມູນເຊື້ອແມ່ຍິງລາວ ຄົບຮອບ 62 ປີ   ໃນວັນທີ 14 ມິຖຸນາ 2017 ນີ້, ສະຫະພັນແມ່ຍິງກອງທັບ ໄດ້ ປາຖະກະຖາມູນເຊື້ອວັນສ້າງຕັ້ງ ສະຫະພັນແມ່ຍິງລາວ ເພື່ອເປັນ ການສະເຫຼີມສະຫຼອງວັນຄົບ ຮອບ 62 ປີ ຂຶ້ນຢູ່ທີ່ສະໂມສອນ ກົມໃຫຍ່ການເມືອງ ກອງທັບ ໂດຍໃຫ້ກຽດເປັນປະທານຂອງທ່ານ ປ້າຄຳເມີງ ວໍລະຈິດ ພະນັກງານ ປະຕິວັດອາວຸໂສ, ຄອບຄົວການ ນຳຂັ້ນສູງ, ມີທ່ານ ນາງ ບົວຈັນ ສີຫານາດ  ຮອງປະທານ ສູນ ກາງສະຫະພັນແມ່ຍິງລາວ, ທ່ານພົນຈັດຕະວາ ວັນທອງ ກອງມະນີ ກຳມະການຄະນະພັກກະ ຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ຜູ້ຊີ້ນຳອົງການຈັດຕັ້ງມະ ຫາຊົນກອງທັບ, ພັນໂທ ນາງ ຄຳພູ ສິດທິເສນ ຄະນະບໍລິຫານງານສູນກາງສະຫະພັນແມ່ ຍິງລາວ, ຫົວໜ້າຫ້ອງການສະ ຫະພັນແມ່ຍິງກອງທັບ, ບັນດາແມ່ປ້າ-ນ້າອາ, ພະນັກງານປະ ຕິວັດອາວຸໂສ, ພັນລະຍາການ ນຳຂັ້ນສູງ, ຄະນະກົມ, ຫ້ອງການ, ຄະນະອົງການຈັດຕັ້ງມະ ຫາຊົນ ແລະ ສະມາຊິກສະຫະພັນແມ່ຍິງອ້ອມຂ້າງກະຊວງ ປ້ອງກັນປະເທດເຂົ້າຮ່ວມ.

   ໃນພິທີ ທ່ານປະທານໄດ້ໃຫ້ ການຫວນຄືນມູນເຊື້ອຄວາມພິລາດອາດຫານຂອງແມ່ຍິງລາວ ໃນສະໄໝກ່ອນທີ່ມີນໍ້າໃຈເດັດ ດ່ຽວຕໍ່ສູ້ບໍ່ຍອມຈຳນົນ ແລະ ໄດ້ ຍົກໃຫ້ເຫັນເຖິງຕົ້ນກຳເນີດຂອງ ວັນສ້າງຕັ້ງອົງການຈັດ ຕັ້ງແມ່ຍິງລາວ ຄົບຮອບ 62 ປີ (20/ 07/1955 - 20/07/2017) ທີ່ຈະມາເຖິງໃນມໍ່ໆນີ້ ເຊິ່ງຖືວ່າ ເປັນວັນສຳຄັນວັນໜຶ່ງໃນຊີວິດ ການເມືອງຂອງເອື້ອຍນ້ອງແມ່ ຍິງລາວ ກໍຄືຂອງຊາດເຮົາກ່ອນ ຈະມີມື້ນີ້ໄດ້ກໍ ລ້ວນແລ້ວແຕ່ໄດ້ ປະກອບສ່ວນອຸທິດເຫື່ອແຮງ, ສະຕິປັນຍາເຂົ້າໃນພາລະກິດ ການຕໍ່ສູ້ກູ້ຊາດໃນໄລຍະສົງຄາມ ຂອງເອື້ອຍນ້ອງແມ່ຍິງລາວຄຽງ ບ່າຄຽງໄລ່ກັບເພດຊາຍດ້ວຍ ຄວາມອົງອາດກ້າຫານ ຈັດຕັ້ງ ໜ່ວຍ ຍຸວະລີຂຶ້ນ (ໜ່ວຍສິລະປະກອນຍິງໜຸ່ມ) ຕໍ່ມາກໍມີໜ່ວຍແມ່ ຍິງນັກຮົບ, ແມ່ຍິງລາວມີຄວາມ ສະຫຼາດສະຫຼຽວກ້າຫານເດັດ ດ່ຽວຕໍ່ສູ້ບໍ່ຍອມຈຳນົນ ເຖິງວ່າ ຈະພົບອຸປະສັກຫຍຸ້ງຍາກລຳ ບາກ, ຖືກພວກສັກຕູນາບຂູ່, ທຸບຕີທໍລະມານ, ຈັບກຸມ ຂຸມຄັງ ເຂັນຂ້າ ລວມທັງແມ່ມານ ແລະ ແມ່ ລູກອ່ອນ ແຕ່ແມ່ຍິງລາວບໍ່ໄດ້ທໍ້ ຖອຍ, ບໍ່ຢ້ານກົວ, ບໍ່ຍອມຈຳນົນ, ບໍ່ໄຂຄວາມລັບຍ ອມເສຍສະຫຼະ ຊີວິດ, ຍອມເສຍຄອບຄົວ, ຍອມເຮັດທຸກສິ່ງ ທຸກຢ່າງ ເພື່ອໃຫ້ໄດ້ປະເທດຄືນມາ, ຜົນງານໂດດ ເດັ່ນທີ່ສຸດແມ່ນການປິດລັບສືບ ຂ່າວ, ຕິດຕໍ່ສົ່ງຂ່າວ ແລະ ປິດ ລັບສົ່ງເຂົ້າປາອາຫານໃຫ້ພະນັກ ງານ-ນັກຮົບທີ່ຢູ່ໃນປ່າຈົນສາ ມາດເວົ້າໄດ້ວ່າ: ບໍ່ມີພະນັກງານອິດ ສະຫຼະ ນັກຮົບອິດສະຫຼະຜູ້ ໃດທີ່ເຄື່ອນໄຫວຢູ່ປ່າ ທີ່ບໍ່ໄດ້ກິນ ເຂົ້າຈາກພົກສິ້ນ, ຈາກທ້ອງ, ຈາກນົມຂອງແມ່ຍິງລາວຜູ້ຮັກ ຊາດ, ພາຍຫຼັງປະເທດຊາດໄດ້ ຮັບການສ້າງຕັ້ງ ພັກຈຶ່ງໄດ້ຖື ເອົາບັນຫາແມ່ຍິງເປັນບັນຫາ ສຳຄັນ ແລະ ເອົາໃຈໃສ່ຢ່າງຈົດຈໍ່ຕໍ່ ແມ່ຍິງ ແລະ ຖືເອົາແມ່ຍິງເປັນ ກຳລັງແຮງທີ່ສຳຄັນຂອງພັກ ໄດ້ ປຸກລະດົມຈັດຕັ້ງກໍ່ສ້າງ ແລະ ນຳພາແມ່ຍິງ ມາຮອດວັນທີ 20 ກໍ ລະກົດ 1955 ໄດ້ສ້າງຕັ້ງໜ່ວຍ ຄົ້ນຄວ້າວຽກ ງານແມ່ຍິງຈາກນັ້ນມາຮອດເດືອນ 1/1956 ສະມາຄົມແມ່ຍິງລາວຮັກຊາດຈຶ່ງໄດ້ເກີດຂຶ້ນ.
   ພິເສດໃນໂອກາດເຂົ້າຮ່ວມພິທີການສະເຫຼີມສະຫຼອງວັນແມ່ຍິງໃນປີນີ້ ທ່ານ ປ້າຄຳເມີງ ວໍລະຈິດ ໄດ້ນຳເອົາເງິນມາມອບໃຫ້ສະຫະພັນແມ່ຍິງກອງທັບ ຈຳນວນ 60 ລ້ານກີບ, ປ້າຄຳອອນ ເພັດດາວເຮືອງ ອຸປະຖຳ ປຶ້ມປະຫວັດສາດເມືອງພວນ ຈຳນວນ 360 ຫົວ, ນອກນີ້ ຍັງໄດ້ມີການ ມອບຂອງຂວັນຕ່າງໆໃຫ້ແກ່ບັນ ດາພະນັກງານອາວຸໂສ ແລະ ບັນດາພັນລະຍາການນຳຂັ້ນສູງ ຢ່າງສົມກຽດ ແລະ ສຸດທ້າຍຍັງ ໄດ້ຮັບຊົມການ ສະແດງສິລະປະ ຢ່າງຄຶກຄື້ນມ່ວນຊື່ນ ແລະ ກ່ອນ ໜ້ານີ້ຄື ວັນທີ 13 ກໍລະກົດ 2017 ພະແນກສະຫະພັນແມ່ຍິງ ຫ້ອງວ່າການກະຊວງປ້ອງກັນ ປະເທດ ກໍໄດ້ຈັດຕັ້ງປາຖະກະຖາ ວັນສ້າງຕັ້ງສະຫະພັນ ແມ່ຍິງ ລາວ ຄົບຮອບ 62 ປີຂຶ້ນເຊັ່ນ ດຽວກັນ ໂດຍການປາຖະກະຖາ ຂອງ ພັນໂທ ນາງ ຄຳພູ ສິດທິ ເສນ ຄະນະບໍລິຫານງານສູນ ກາງສະຫະພັນແມ່ຍິງລາວ, ຫົວ ໜ້າຫ້ອງການສະຫະພັນແມ່ຍິງ ກອງທັບ, ມີຄະນະພັກ-ຄະນະ ບັນຊາ, ພະນັກງານເພດຍິງຈາກ ບັນດາກົມກອງ, ຫ້ອງການ, ບໍລິສັດລັດວິສາຫະກິດທີ່ຂຶ້ນກັບ ຫ້ອງການເຂົ້າຮ່ວມ.

ຂ່າວມື້ນີ້

ຂ່າວເດັ່ນ