Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 35  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມຫົວໜ້າແພດທະຫານອາຊຽນຄັ້ງທີ 7 ແລະ ກອງປະຊຸມແລກປ່ຽນແພດທະຫານໜຸ່ມອາຊຍນຈັດຂື້ນທີ່ ສປປ ລາວ

ກອງປະຊຸມຫົວໜ້າແພດທະຫານອາຊຽນຄັ້ງທີ 7 ແລະ ກອງປະຊຸມແລກປ່ຽນແພດທະຫານໜຸ່ມອາຊຍນຈັດຂື້ນທີ່ ສປປ ລາວ   ກອງປະຊຸມຫົວໜ້າແພດທະ ຫານອາຊຽນ ຄັ້ງທີ 7 ແລະ ກອງປະຊຸມແລກປ່ຽນແພດທະ ຫານໜຸ່ມອາຊຽນທີ່ກອງທັບປະ ຊາຊົນລາວ ໄດ້ຮັບກຽດເປັນ ເຈົ້າພາບຈັດຂຶ້ນຢ່າງເປັນທາງ ການໃນວັນທີ 13 ກໍລະກົດ 2017 ທີ່ໂຮງແຮມດອນຈັນ ພາ ເລດ ນະຄອນຫຼວງວຽງຈັນ ສປປ ລາວ ໂດຍການເປັນປະທານ ຂອງ ທ່ານ ພັນເອກ ບົວສິງ ອິນ ທະວົງ ຫົວໜ້າກົມເສນາຮັກ ກົມ ໃຫຍ່ພະລາທິການກອງທັບປະ ຊາຊົນລາວ,​ ມີຫົວ ໜ້າແພດທະຫານ ແລະ ຕົວແທນແພດທະ ຫານໜຸ່ມຂອງກອງທັບບັນດາ ປະເທດສະມາຊິກອາຊຽນເຂົ້າ ຮ່ວມ.

     ກອງປະຊຸມຄັ້ງນີ້ ຈັດຂຶ້ນພາຍ ໃຕ້ຄຳຂວັນ “ ເສີມສ້າງການ ຮ່ວມມືຂອງແພດທະຫານອາ ຊຽນ ເພື່ອການຊ່ວຍເຫຼືອດ້ານ ມະນຸດສະທຳ ແລະ ບັນເທົາທຸກ ໄພພິບັດ” ເຊິ່ງມີຈຸດປະສົງຕົ້ນ ຕໍເພື່ອແລກປ່ຽນທັດສະນະ ກ່ຽວ ກັບການຮ່ວມມືຂອງແພດທະ ຫານອາຊຽນໃນຂົງເຂດການ ຊ່ວຍເຫຼືອມະນຸດສະທຳ ແລະ ບັນ ເທົາທຸກໄພພິບັດ” ແລກປ່ຽນຂໍ້ ມູນຂ່າວສານ, ບົດຮຽນ ປະສົບ ການ ແລະ ພຶດຕິກຳຕົວຈິງກ່ຽວ ກັບການສຶກສາ ຄົ້ນຄວ້າດ້ານການແພດທີ່ມີຜົນກະທົບກັບວິຖີ ການດຳລົງຊີວິດ ແລະ ສຸຂະ ພາບຂອງຊຸມຊົມໃນພາກພື້ນ.
      ກອງປະຊຸມໄດ້ຮັບກຽດຂຶ້ນ ກ່າວຕ້ອນຮັບໂດຍ ທ່ານ ພົນຕີ ຄຳສີ ວົງຄຳຊາວ ຫົວໜ້າຫ້ອງ ວ່າການກະຊວງປ້ອງກັນປະ ເທດ ທັງເປັນຫົວໜ້າເຈົ້າໜ້າທີ່ອາວຸໂສປ້ອງກັນປະເທດດອາ ຊຽນຂອງ ສປປ ລາວ ເຊິ່ງ
ທ່ານໄດ້ຍົກໃຫ້ເຫັນເຖິງສະພາບ ການປ່ຽນແປງຂອງດິນຟ້າອາ ກາດເຫດການໄພພິບັດທາງທຳ ມະຊາດທີ່ເກີດຂຶ້ນໃນພາກພື້ນ ເຊິ່ງແຕ່ລະຄັ້ງໄດ້ ສ້າງຜົນກະທົບຢ່າງຫຼວງຫຼາຍບໍ່ສະເພາະຕໍ່ກັບຊີວິດ ແລະ ຊັບສິນຂອງ ປະຊາຊົນເທົ່ານັ້ນ ແຕ່ມັນຍັງເປັນການກົດໜ່ວງທ່ວງດຶງຕໍ່ການພັດທະນາພື້ນຖານໂຄງລ່າງເສດຖະ ກິດ-ສັງຄົມ ຂອງຊາດ ແລະ ພາກພື້ນນຳອີກ.
     ທ່ານ ພົນຕີ ຄຳສີ ວົງຄຳຊາວ ໄດ້ຮຽກຮ້ອງໃຫ້ເຫຼົ່າຮົບເສນາ ຮັກ ເຊິ່ງເປັນເຫຼົ່າຮົບໜຶ່ງທີ່ມີບົດບາດໜ້າທີ່ສຳຄັນໃນການ ຊ່ວຍເຫຼືອ ມະນຸດສະທຳ ແລະ ບັນເທົາທຸກໄພພິບັດ ແລະ ມີການມີສ່ວນຮ່ວມໂດຍກົງໃນ ການ ຊ່ວຍເຫຼືອດ້ານຕ່າງໆໃຫ້ແກ່ ຜູ້ທີ່ໄດ້ຮັບຜົນກະທົບຈາກໄພພິ ບັດ ທັງໃນໄລຍະເກີດເຫດການ ແລະ ໄລຍະຟື້ນຟູສະພາບ ຈົ່ງເພີ່ມທະວີການຮ່ວມມືທາງດ້ານການແພດທະຫານຂອງອາ ຊຽນໃຫ້ນັບມື້ນັບແໜ້ນແຟ້ນ ຂຶ້ນເລື້ອຍໆ ທັງນີ້ກໍເພື່ອພ້ອມກັນຮັບມືກັບເຫດໄພພິ ບັດທີ່ອາດຈະເກີດຂຶ້ນໃນອະນາຄົດໄດ້ຢ່າງມີປະ ສິດທິພາບ, ປະສິດທິຜົນ ແລະ ທັນເວລາ.
      ໃນກອງປະຊຸມຄັ້ງນີ້, ກອງ ທັບປະຊາຊົນລາວ ໄດ້ນຳສະເໜີ 3 ຫົວບົດຄື: 1.​ ເຫຼົ່າຮົບເສນາ ຮັກຂອງກອງທັບປະຊາຊົນລາວ ແລະ ຄວາມພ້ອມໃນການຊ່ວຍ ເຫຼືອມະນຸດສະທຳ ແລະ ບັນເທົາ ທຸກໄພພິບັດ, 2. ການເຝົ້າລະວັງ ພະຍາດໄຂ້ຍຸງລາຍໃນນະຄອນ ຫຼວງວຽງຈັນຂອງສະຖາບັນອະ ນາໄມກັນພະຍາດ ແລະ ສົ່ງເສີມ ສຸຂະພາບກອງທັບ ແລະ 3. ບົດ ຄົ້ນຄວ້າກ່ຽວກັບການກວດອາ ຈົມເພື່ອຊອກຫາພະຍາດໃບໄມ້ ໃນຕັບໃນໂຮງໝໍ 103.
      ກອງປະຊຸມຄັ້ງນີ້ແມ່ນດຳ ເນີນໄປດ້ວຍບັນຍາກາດອັນອົບ ອຸ່ນ, ສ້າງສັນ ແລະ ມີໄມຕີຈິດ ອັນດີຕໍ່ກັນ ແລະ ກັນ, ຈຶ່ງເຮັດໃຫ້ ເນື້ອໃນຂອງກອງປະຊຸມດັ່ງ ກ່າວປະສົບຜົນສຳເລັດຕາມ ຄາດໝາຍທີ່ວາງໄວ້. ການ ຈັດຕັ້ງກອງປະຊຸມຫົວໜ້າແພດທະ ຫານອາຊຽນ ຄັ້ງທີ 7 ຖືວ່າເປັນ ເຫດການທີ່ສຳຄັນທາງປະຫວັດ ສາດສຳລັບເຫຼົ່າຮົບເສນາຮັກ ຂອງກອງທັບປະຊາຊົນລາວ ເພາະວ່າການເປັນເຈົ້າພາບຈັດ ກອງປະຊຸມສາກົນຄັ້ງ ນີ້ ແມ່ນເປັນຄັ້ງທຳອິດນັບແຕ່ມື້ເຫຼົ່າຮົບ ດັ່ງກ່າວໄດ້ຮັບການສ້າງຕັ້ງຂຶ້ນ ເປັນຕົ້ນມາ, ອີກດ້ານໜຶ່ງ,​ ກອງ ປະຊຸມໃນຄັ້ງນີ້ ໄດ້ເປີດໂອກາດ ໃຫ້ແກ່ນາຍ ແລະ ພົນທະຫານ ການແພດຂອງພວກເຮົາໄດ້ ຮຽນຮູ້, ແລກ ປ່ຽນປະສົບການ ແລະ ບົດຮຽນອັນໃໝ່ຈາກເພື່ອນອາຊຽນ, ເຊິ່ງມັນໄດ້ເປັນປະໂຫຍດອັນລ້ຳຄ່າໃຫ້ແກ່ການພັດທະນາຂີດຄວາມສາມາດຂອງ ພະນັກງານພວກເຮົາໃຫ້ສູງ ຂຶ້ນ. ໃນຂະນະດຽວກັນ, ກໍຍັງ ເປັນການເພີ່ມ ທະວີບົດບາດ ຂອງເຫຼົ່າຮົບເສນາຮັກຂອງກອງທັບປະຊາຊົນລາວ ໃນການສົ່ງເສີມການພົວພັນຮ່ວມມືດ້ານ ການແພດກໍຄືການຮັດແໜ້ນ ຄວາມສາມັກຄີ, ຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ລະຫວ່າງປະເທດ ສະມາຊິກອາຊຽນ.

ຂ່າວມື້ນີ້

ຂ່າວເດັ່ນ