Pin It

ບໍລິສຸຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 96  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງໍຊາດ ຊຸດທີ VIII ອັດລົງດ້ວຍຜົນສຳເລັດ

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງໍຊາດ ຊຸດທີ VIII ອັດລົງດ້ວຍຜົນສຳເລັດພາຍຫຼັງທີ່ໄດ້ດຳເນີນມາ ເປັນເວລາ 17 ວັນ ຄືແຕ່ວັນທີ 25 ເມສາ - 18 ພຶດສະພາ ດ້ວຍ ບັນຍາກາດອັນເຄັ່ງຮ້ອນ ແລະ ຄວາມຮັບຜິດຊອບສູງຂອງ ສສຊກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ VIII, ມາໃນຕອນບ່າຍຂອງວັນທີ 18 ພຶດສະພາ 2017 ກອງປະ ຊຸມດັ່ງກ່າວໄດ້ອັດລົງດ້ວຍຜົນ ສຳເລັດອັນຈົບງາມ, ຢູ່ທີ່ຫໍສະພາ ແຫ່ງຊາດ, ນະຄອນຫຼວງວຽງ ຈັນ, ໂດຍການເປັນປະທານຂອງ ທ່ານນາງ ປານີ ຢາທໍ່ຕູ້ ກຳມະ ການກົມການເມືອງສູນກາງພັກ, ປະທານສະພາແຫ່ງຊາດ, ເຊິ່ງ ເປັນກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນ ກາງພັກ, ປະທານປະເທດແຫ່ງ ສປປ ລາວ, ພ້ອມດ້ວຍທ່ານ ທອງລຸນ ສີສຸລິດ ນາຍົກລັດຖະ ມົນຕີ, ມີການນຳ, ອະດີດ

ການ ນຳຂັ້ນສູງ, ຄະນະລັດຖະບານ, ສສຊ ໃນແຕ່ລະເຂດເລືອກຕັ້ງ ຂອບເຂດທົ່ວປະເທດເຂົ້າຮ່ວມ ຢ່າງພ້ອມພຽງ.
ທ່ານນາງ ປານີ ຢາທໍ່ຕູ້ ປະ ທານສະພາແຫ່ງຊາດ, ໃນນາມ ປະທານກອງປະຊຸມໄດ້ກ່າວຕໍ່ພິ ທີອັດກອງປະຊຸມຄັ້ງທີ່ມີຄວາມ ໝາຍສຳຄັນນີ້ວ່າ: ກອງປະຊຸມ ສະໄໝສາມັກເທື່ອທີ 3 ຂອງສະ ພາແຫ່ງຊາດ ຊຸດທີ VIII ໂດຍ ການຊີ້ນຳ-ນຳພາຂອງຄະນະປະ ຈຳສະພາແຫ່ງຊາດ ແລະ ສຸມ ເຫື່ອແຮງສະຕິປັນຍາຂອງບັນ ດາທ່ານ ສສຊ ໃນແຕ່ລະເຂດ ເລືອກຕັ້ງ, ການປະກອບຂອງ ຄະນະລັດຖະບານ, ອົງການຈັດ ຕັ້ງລັດຕ່າງໆທີ່ກ່ຽວຂ້ອງ, ເຊິ່ງ ໄດ້ພ້ອມກັນພິຈາລະນາ ແລະ ຕົກລົງຮັບຮອງເອົາຫຼາຍບັນຫາສຳ ຄັນຂອງຊາດຕາມສິດ ແລະ ໜ້າ ທີ່ຂອງສະພາແຫ່ງຊາດທີ່ໄດ້ກຳ ນົດໄວ້ໃນລັດຖະທຳມະນູນ ແລະ ກົດໝາຍມີລາຍລະອຽດດັ່ງນີ້: ໄດ້ຮັບຟັງການລາຍງານໂດຍ ສັງເຂບຂອງລັດຖະບານກ່ຽວ ກັບການຈັດຕັ້ງປະຕິບັດວຽກ ງານຈຸດສຸມໃນໄລຍະ 6 ເດືອນທີ່ ຜ່ານມາ ແລະ ທິດທາງແຜນການ ໃນຕໍ່ໜ້າ,​ ຮັບຟັງການລາຍງານ ການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ ໝົດປີ 2016 ແລະ ວຽກຈຸດສຸມທ້າຍປີ 2017, ຮັບຟັງການລາຍງານແຜນການຈັດຕັ້ງປະຕິບັດແຜນງົບປະມານ 3 ເດືອນຂ້າມ ຜ່ານທ້າຍປີ 2016, ສະພາບ ການຈັດຕັ້ງປະຕິບັດແຜນງານ ງົບປະມານງວດ 1 ແລະ ຄາດ ຄະເນທິດທາງແຜນການ 9 ເດືອນ ປີ 2017, ຮັບຮອງເອົາ ບົດລາຍງານກ່ຽວກັບການຄຸ້ມ ຄອງລາຄາສິນຄ້າ ແລະ ມາດຕາ ການແກ້ໄຂ, ເພື່ອຫຼຸດຜ່ອນຜົນ ກະທົບຕໍ່ການຜະລິດ ແລະ ການ ດຳລົງຊີວິດຂອງປະຊາຊົນບັນ ດາເຜົ່າ, ຮັບຮອງເອົາບົດລາຍ ງານຂອງອົງການໄອຍະການ ປະຊາຊົນສູງສຸດ ແລະ ສານປະຊາຊົນສູງສຸດກ່ຽວກັບການແກ້ ໄຂຄະດີອາຍາການດຳເນີນຄະດີ ແພ່ງຢູ່ທີ່ປະຊຸມສານໃນໄລຍະທີ່ ຜ່ານມາ ແລະ ຮັບຮອງເອົາບົດ ລາຍງານ, ທິດທາງແຜນການ ຂອງອົງການໄອຍະການປະຊາ ຊົນສູງສຸດ ແລະ ສານປະຊາຊົນ ສູງສຸດ, ພິຈາລະນາ ແລະ ຮັບ ຮອງເອົາບົດລາຍງານການ ເຄື່ອນໄຫວຂອງອົງການກວດ ສອບແຫ່ງລັດໃນໄລຍະ 5 ປີ ຜ່ານມາແລະ ທິດທາງແຜນການ ໃນອີກ 5 ປີຕໍ່ໜ້າ, ຮັບຮອງການ ເລືອກຕັ້ງທ່ານນາງວຽງທອງ ສີ ພັນດອນ ເປັນປະທານອົງການ ກວດສອບອີກສະໄໝໜຶ່ງ, ຮັບ ຮອງເອົາບົດລາຍງານການ ເຄື່ອນໄຫວຂອງຄະນະປະຈຳສະ ພາແຫ່ງຊາດໄລຍະ 1 ປີຜ່ານ ມາ ແລະ ທິດທາງໃນອີກ 1 ປີຕໍ່ ໜ້າ, ຕົກລົງຮັບຮອງເອົາການ ສ້າງ, ປັບປຸງ ແລະ ທາບທາມ ກົດໝາຍຈຳນວນ 14 ສະບັບ ໃນ ນີ້ກົດໝາຍສ້າງໃໝ່ມີ 5 ສະບັບ ຄື: ກົດໝາຍວ່າດ້ວຍການປົກ ປ້ອງຂໍ້ມູນເອເລັກໂຕຣນິກ,ສົນທິ ສັນຍາ ແລະ ສັນຍາສາກົນ, ຄື້ນ ຄວາມຖີ່ວິທະຍຸສື່ສານ, ສິລະປະ ການສະແດງ ແລະ ກົດໝາຍປະ ມວນ ກົດໝາຍອາຍາປັບປຸງໃໝ່ ມີ 8 ສະບັບຄື ກົດໝາຍວ່າດ້ວຍ ອົງການໄອຍະການປະຊາຊົນ, ສານປະຊາຊົນ, ສະຖິຕິ, ນ້ຳ ແລະ ຊັບພະຍາກອນນ້ຳ, ໄຟຟ້າ, ກຳລັງປ້ອງກັນຄວາມສະຫງົບ ປະຊາຊົນ, ຄະນະຊາວໜຸ່ມປະຊາ ຊົນປະຕິວັດລາວ ແລະ ກົດໝາຍ ວ່າດ້ວຍການເລືອກຕັ້ງ ສສຊ ແລະ ສະພາປະຊາຊົນແຂວງ ແລະ ກົດໝາຍມີ 1 ສະບັບຄືປະ ມວນກົດໝາຍແພ່ງ.
ຄຽງຄູ່ກັບການພິຈາລະນາ ແລະ ຮັບຮອງເອົາບັນຫາສຳຄັນ ດັ່ງກ່າວແລ້ວສະພາແຫ່ງຊາດ ຍັງໄດ້ຮັບຄຳຄິດເຫັນຂອງພໍ່ແມ່ ປະຊາຊົນໃນຂອບເຂດທົ່ວປະ ເທດ ໂດຍຜ່ານສາຍດ່ວນຈຳ ນວນ 1.177 ສາຍ, ທີ່ພົວພັນ ເຖິງການຄຸ້ມຄອງລັດ, ຄຸ້ມຄອງ ເສດຖະກິດ-ສັງຄົມ, ໂດຍສະ ເພາະແມ່ນບັນຫາທີ່ດິນ, ການກໍ່ ສ້າງເສັ້ນທາງຄົມມະນາຄົມ, ຜົນກະທົບຈາກສິ່ງແວດລ້ອມ, ບັນຫາສັງຄົມ ແລະ ອື່ນໆເຊິ່ງສະ ພາແຫ່ງຊາດຈະສືບຕໍ່ປະສານ ສົມທົບກັບຂະແໜງການ ແລະ ທ້ອງຖິ່ນຕ່າງໆກ່ຽວຂ້ອງ ແນ ໃສ່ເພື່ອເຮັດໃຫ້ແຕ່ບັນຫາໄດ້ຮັບ ການພິຈາລະນາ ແລະ ແກ້ໄຂໃນ ຂັ້ນຕໍ່ໄປ.

ຂ່າວມື້ນີ້

ຂ່າວເດັ່ນ