Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 64  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ບົດສູນທອນພົດ

ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດກ່າວປົດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ຂອງທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດໃນວັນທີ 18 ພຶດສະພາ 2017

ຮຽນ: ທ່ານ ບຸນຍັງ ວໍລະ ຈິດ, ເລຂາທິການໃຫຍ່ຄະນະບໍ ລິຫານງານສູນກາງພັກ, ປະທານ ປະເທດ ແຫ່ງ ສປປ ລາວ ທີ່ເຄົາ ລົບ ແລະ ນັບຖືຢ່າງສູງ.

- ບັນດາທ່ານຜູ້ນຳພັກ-ລັດ, ອະດີດການນຳຂັ້ນສູງທີ່ນັບຖື.
- ບັນດາທ່ານສະມາຊິກສະ ພາແຫ່ງຊາດ,​ ແຂກທີ່ມີກຽດທີ່ ນັບຖື ແລະ ຮັກແພງ.

ຕະຫຼອດໄລຍະ 17 ວັນໃນ ການດຳເນີນກອງປະຊຸມສະໄໝ ສາມັນເທື່ອທີ 3 ຂອງສະພາແຫ່ງ ຊາດຊຸດທີ VIII ທີ່ເຕັມໄປດ້ວຍ ບັນຍາກາດທີ່ສ້າງສັນ ແລະ ມີ ຄວາມເປັນເອກະພາບສູງຂອງ ສະມາຊິກສະພາແຫ່ງຊາດໃນ ການຄົ້ນຄວ້າ, ປະກອບຄຳຄິດ ເຫັນຢ່າງກົງໄປກົງມາຕໍ່ບັນດາ ເນື້ອໃນທີ່ນຳມາພິຈາລະນາ ແລະ ຮັບຮອງເອົາໃນກອງປະ ຊຸມຄັ້ງນີ້, ມາຮອດນີ້, ກອງປະ ຊຸມພວກເຮົາໄດ້ສຳເລັດຜົນຕາມ ຈຸດປະສົງ ແລະ ລະດັບຄາດ ໝາຍທີ່ວາງໄວ້.
1. ສະພາແຫ່ງຊາດ ໄດ້ຮັບ ຟັງ ແລະ ພິຈາລະນາສະພາບ ການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ; ແຜນງົບ ປະມານແຫ່ງລັດ 6 ເດືອນຜ່ານ ມາ ແລະ ວຽກງານຈຸດສຸມ ທ້າຍ ປີ 2017; ພິຈາລະນາຮັບຮອງເອົາບົດລາຍງານກ່ຽວກັບການ ຄຸ້ມລາຄາສິນຄ້າ ແລະ ມາດຕະ ການແກ້ໄຂຈຳນວນໜຶ່ງ ເພື່ອ ຫຼຸດຜ່ອນຜົນກະທົບຕໍ່ການຜະລິດ ແລະ ຊີວິດການເປັນຢູ່ຂອງປະ ຊາຊົນ. ກອງປະຊຸມສະແດງ ຄວາມເຫັນດີເປັນເອກະພາບຕໍ່ ບົດລາຍງານ ແລະ ສະເໜີໃຫ້ລັດ ຖະບານເອົາໃຈໃສ່ບາງບັນຫາ ດັ່ງນີ້:
- ສືບຕໍ່ຊີ້ນຳ ແລະ ຊຸກຍູ້ບັນດາ ກະຊວງ, ອົງການ, ຂະແໜງ ການ ແລະ ອົງການປົກຄອງ ທ້ອງຖິ່ນສູ້ຊົນຈັດຕັ້ງປະຕິບັດບັນ ດາຄາດໝາຍລວມ, ຄາດໝາຍ ແຕ່ລະດ້ານ, ທິດທາງວຽກງານ ແລະ ບັນດາມາດຕະການທີ່ໄດ້ ກຳນົດໄວ້ໃນມະຕິກອງປະຊຸມ ສະພາແຫ່ງຊາດ ເລກທີ 14, 15, 16/ສພຊ ລົງວັນທີ 24/11/ 2016 ແລະ ເລກທີ 18/ສພຊ ລົງວັນທີ 28/11/2016 ກ່ຽວ ກັບແຜນພັດທະນາເສດຖະກິດ- ສັງຄົມ, ແຜນງົບປະມານແຫ່ງ ລັດ ປະຈຳປີ 2017 ກໍຄືແແຜນ ການສ້າງ ແລະ ປັບປຸງກົດໝາຍ ປະຈຳປີ 2017 ແລະ ການປະ ກາດໃຊ້ນິຕິກຳລຸ່ມກົດໝາຍໃຫ້ ສຳເລັດ ເພື່ອແນໃສ່ຮັບປະກັນ ເຮັດໃຫ້ເສດຖະກິດ-ສັງຄົມ ສືບຕໍ່ມີການຂະຫຍາຍຕົວຢ່າງຕໍ່ ເນື່ອງ, ເສດຖະກິດມະຫາພາກມີ ຄວາມສະຫງົບ ແລະ ໝັ້ນທ່ຽງ, ເຮັດໃຫ້ການຄຸ້ມຄອງລັດ, ຄຸ້ມ ຄອງເສດຖະກິດ-ສັງຄົມມີ ຄວາມສັກສິດ ແລະ ໄດ້ຮັບການ ປັບປຸງ ແລະ ເສີມຂະຫຍາຍເປັນ ລະບົບຄົບຊຸດດີຂຶ້ນ, ຫັນລັດໄປສູ່ ການຄຸ້ມຄອງ ແລະ ບໍລິຫານ ດ້ວຍກົດໝາຍເທື່ອລະກ້າວ.
- ຊີ້ນຳບັນດາກະຊວງ, ອົງ ການ ແລະ ຂະແໜງການເພີ່ມທະວີຮັບຄວາມຜິດຊອບການເມືອງຂອງຕົນໃນການຈັດຕັ້ງ ປະຕິບັດພາລະບົດບາດ ແລະ ສິດ-ໜ້າທີ່ຕາມທີ່ກຳນົດໄວ້ໃນ ກົດໝາຍ, ສູ້ຊົນຈັດຕັ້ງຜັນຂະ ຫຍາຍແຜນພັດທະນາເສດຖະ ກິດ-ສັງຄົມ ແລະ ແຜນງົບປະມານແຫ່ງລັດ ປະຈຳ ປີ 2017 ໃຫ້ເປັນແຜນງານ, ວຽກງານ ຈຸດສຸມໃນຂະແໜງການຂອງ ຕົນ ແລະ ໄດ້ຮັບການຈັດຕັ້ງ ຜັນຂະຫຍາຍເຂົ້າສູ່ຊີວິດຕົວຈິງ,
ພ້ອມທັງແກ້ໄຂບັນດາຂໍ້ຄົງ ຄ້າງໃນຂົງເຂດວຽກງານທີ່ຂະແໜງການຕົນຮັບຜິດຊອບໃຫ້ ຫຼຸດລົງເທື່ອລະກ້າວ.
- ຊີ້ນຳບັນດາກະຊວງທີ່ກ່ຽວ ຂ້ອງ ຮີບຮ້ອນຈັດຕັ້ງຜັນຂະ ຫຍາຍເນື້ອໃນກົດໝາຍວ່າດ້ວຍ ການສົ່ງເສີມການລົງທຶນສະບັບ ປັບປຸງປີ 2016 ໃຫ້ເປັນຮູບປະ ທຳເພື່ອສືບຕໍ່ດຶງດູດການລົງທຶນ ທັງພາຍໃນ ແລະ ຕ່າງປະເທດ ໃນຂະແໜງການຕ່າງໆໃຫ້ເພີ່ມ ຂຶ້ນ, ປະກອບສ່ວນເຂົ້າໃນການ ຊຸກຍູ້ການເຕີບໂຕເສດຖະກິດ ແຫ່ງຊາດ, ສ້າງຖານລາຍຮັບທີ່ ໝັ້ນຄົງໃຫ້ແກ່ລັດ ກໍຄືການສ້າງ ວຽກເຮັດງານທຳໃຫ້ແກ່ປະຊາ ຊົນ ແລະ ອື່ນໆ.
- ຊີ້ນຳກະຊວງອຸດສາຫະກຳ ແລະ ການຄ້າປະສານສົມທົບກັບ ບັນດາກະຊວງ, ອົງການທີ່ກ່ຽວ ຂ້ອງສືບຕໍ່ຄົ້ນຄວ້າ ແລະ ສະເໜີ ລັດຖະບານປະກາດໃຊ້ນະໂຍ ບາຍ, ມາດຕະການຊຸກຍູ້ ແລະ ສົ່ງເສີມການຜະລິດສະບຽງອາ ຫານ ແລະ ການຜະລິດສິນຄ້າທີ່ ຈຳເປັນໃຫ້ແກ່ການບໍລິໂພກປະ ຈຳວັນຂອງປະຊາຊົນໃຫ້ມີການ ຂະຫຍາຍຕົວ ແລະ ມີຄວາມ ຫຼາກຫຼາຍທາງດ້ານຜະລິດຕະ ພັນທີ່ມີຄຸນະພາບ, ດ້ວຍລາຄາທີ່ ເໝາະສົມ ແລະ ໝັ້ນທ່ຽງ, ປູກ ຈິດສຳນຶກ ແລະ ສົ່ງເສີມການ ນຳໃຊ້ຜະລິດຕະພັນທີ່ລາວຜະ ລິດ-ລາວໃຊ້ ໃຫ້ກວ້າງຂວາງ ແລະ ມີຄວາມຍືນຍົງ; ຄຸ້ມຄອງ ລາຄາສິນຄ້າທີ່ກະທົບໄວຕໍ່ການ ຜະລິດ ແລະ ຊີວິດການເປັນຢູ່ ຂອງປະຊາຊົນ; ເອົາໃຈໃສ່ຄົ້ນ ຄວ້າໂຄງປະກອບລາຄາສິນຄ້າ ທີ່ເປັນທ່າແຮງຂອງປະເທດ ເພື່ອຫຼຸດຜ່ອນຕົ້ນທຶນການຜະ ລິດ, ການບໍລິການ ແລະ ສາມາດ ແຂ່ງຂັນໄດ້ໃນເງື່ອນໄຂເຊື່ອມ ໂຍງເສດຖະກິດກັບພາກພື້ນ ແລະ ສາກົນ.
2. ກອງປະຊຸມໄດ້ພິຈາລະນາ ຮັບຮອງເອົາບົດລາຍງານຂອງອົງການໄອຍະການປະຊາຊົນ ສູງ ສຸດ ກ່ຽວກັບການປະຕິບັດສິດ ສັ່ງຟ້ອງຄະດີອາຍາຂຶ້ນສານ ແລະ ການເຂົ້າຮ່ວມການດຳເນີນ ຄະດີແພ່ງຢູ່ທີ່ປະຊຸມສານ ແລະ ບົດລາຍງານຂອງສານປະຊາ ຊົນສູງສຸດ ກ່ຽວກັບການດຳເນີນ ຄະດີຢູ່ສານຂັ້ນຕົ້ນ ແລະ ສານ ຂັ້ນອຸທອນໃນໄລຍະຜ່ານມາ, ທິດທາງປັບປຸງ ແລະ ຍົກສູງຄຸ ນະພາບວຽກງານໃນຊຸມປີຕໍ່ໜ້າ ກອງປະຊຸມສະເໜີໃຫ້ສອງອົງ ການດັ່ງກ່າວ ຈົ່ງໄດ້ເອົາໃຈໃສ່ ປັບປຸງກົງຈັກການຈັດຕັ້ງຂອງ ຕົນຢູ່ແຂວງ ແລະ ເມືອງໃຫ້ມີ ຄວາມເຂັ້ມແຂງ, ມີຄຸນະພາບ,​ ຮັບປະກັນການປະຕິບັດພາລະ ບົດບາດ,​ ສິດໜ້າທີ່ຕາມທີ່ກຳ ນົດໄວ້ໃນກົດໝາຍ. ເອົາໃຈໃສ່ ຄົ້ນຄວ້າ ແລະ ປະກາດໃຊ້ນິຕິກຳ ລຸ່ມກົດໝາຍ, ການສ້າງປຶ້ມຄູ່ມື ແນະນຳທາງດ້ານວິຊາສະເພາະ ຕິດພັນກັບການເຝິກອົບຮົມ ເພື່ອ ຍົກລະດັບຄວາມຮັບຮູ້ທາງດ້ານ ການເມືອງແນວຄິດ, ທັດສະນະ ຫຼັກໝັ້ນ, ຈັນຍາບັນ, ຈັນຍາທຳ ການກຳແໜ້ນວິຊາສະເພາະ ແລະ ກົດໝາຍໃຫ້ແກ່ພະນັກງານ ໄອຍະການ ແລະ ຜູ້ພິພາກສາ ຂອງສານປະຊາຊົນໃນແຕ່ລະ ຂັ້ນ; ປັບປຸງລະບອບແບບແຜນ ວິທີເຮັດວຽກ ແລະ ກົນໄກການ ຕິດຕາມກວດກາພາຍໃນຂອງ ສອງອົງການດັ່ງກ່າວໃຫ້ເປັນ ລະບົບ ແລະ ດຳເນີນການກວດ ກາເປັນປົກກະຕິ ໂດຍສະເພາະ ໃນວຽກງານສັ່ງຟ້ອງຄະດີ ອາຍາຂຶ້ນສານ, ການປະຕິບັດ ໜ້າທີ່ຕິດຕາມກວດກາການດຳ ເນີນຄະດີແພ່ງຢູ່ທີ່ປະຊຸມສານ ຂອງເຈົ້າໜ້າທີ່ໄອຍະການກໍຄື ການພິພາກສາຄະດີຂອງສານ ປະຊາຊົນແຕ່ລະຂັ້ນໃຫ້ມີຄວາມ ຖືກຕ້ອງຕາມກົດໝາຍ, ເປີດ ກວ້າງການມີສ່ວນຮ່ວມໃນການ ຕິດຕາມກວດກາຂອງສັງຄົມຕໍ່ ກັບການປະຕິບັດໜ້າທີ່ຂອງເຈົ້າ ໜ້າທີ່ໄອຍະການ ແລະ ສານປະ ຊາຊົນແຕ່ລະຂັ້ນ ເພື່ອແນໃສ່ເຮັດ ໃຫ້ກົງຈັກຂອງສອງອົງການດັ່ງ ກ່າວມີຄວາມເຂັ້ມແຂງ, ປອດ ໃສ, ຍຸຕິທຳ, ມີຄວາມໃກ້ຊິດ ແລະ ມີຄວາມເຂົ້າໃຈປະຊາຊົນ, ມີການ ຊ່ວຍເຫຼືອ ແລະ ຮ່ຳຮຽນນຳປະຊາຊົນ, ເປັນທີ່ເພິ່ງຂອງປະຊາຊົ ໃນການປົກປ້ອງຄວາມ ຍຸຕິທຳໃນສັງຄົມ, ຮັບປະກັນປະຕິບັດຫຼັກການສັ່ງຟ້ອງຄະດີອາ ຍາຫຼັກການໃນການດຳເນີນຄະ ດີຢູ່ສານກໍຄືການຕິດຕາມກວດ ກາ, ການປະຕິບັດກົດຫມາຍໃນ ການສືບສວນສອບສວນ, ການສັ່ງຟ້ອງ ແລະ ການດຳເນີນຄະດີ ຢູ່ທີ່ປະຊຸມສານ ໃຫ້ຖືກຕ້ອງຕາມ ກົດຫມາຍ ເພີ່ມທະວີການຊີ້ນຳ- ນຳພາຂອງອົງຄະນະພັກແຕ່ລະ ຂັ້ນຕໍ່ກັບວຽກງານໄອຍະການ ແລະ ສານປະຊາຊົນ ເພື່ອຮັບປະ ກັນເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດຖືກ ຕ້ອງຕາມກົດຫມາຍ, ມີຄວາມຍຸ ຕິທຳ, ປະກອບສ່ວນເຂົ້າໃນການ ປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບ ຮ້ອຍໃນສັງຄົມ.
3. ກອງປະຊຸມໄດ້ພິຈາລະນາ ແລະ ເລືອກຕັ້ງເອົາ ທ່ານ ນາງ ວຽງທອງ ສີພັນດອນ ເປັນປະ ທານອົງການກວດສອບແຫ່ງ ລັດ ອີກສະໄຫມຫນຶ່ງຕາມການ ສະເຫນີຂອງປະທານປະເທດ.
ກອງປະຊຸມໄດ້ພິຈາລະນາ ແລະ ຮັບຮອງເອົາບົດສະຫຼຸບການ ເຄື່ອນໄຫວວຽກງານຂອງອົງ ການກວດສອບແຫ່ງລັດ ໃນໄລ ຍະ 5 ປີຜ່ານມາ ແລະ ທິດທາງ ແຜນການເຄື່ອນໄຫວວຽກງານ ໃນໄລຍະ 5 ປີຕໍ່ຫນ້າ(2017- 2021). ກອງປະຊຸມໄດ້ສະເຫນີ ໃຫ້ອົງການກວດສອບແຫ່ງລັດ ເອົາໃຈໃສ່ບາງດ້ານດັ່ງນີ້, ສືບຕໍ່ ປັບປຸງ ແລະ ຍົກສູງການເຄື່ອນ ໄຫວວຽກງານກວດສອບໃຫ້ມີ ຄຸນະພາບ, ເອົາໃຈໃສ່ປະເມີນ ຜົນການປະຕິບັດກົດຫມາຍງົບ ປະມານ ແລະ ກົດຫມາຍທີ່ກ່ຽວ ຂ້ອງຢູ່ໃນບັນດາກະຊວງ-ອົງ ການ, ຂະແຫນງການ ແລະ ອົງ ການປົກຄອງທ້ອງຖິ່ນທຸກຂັ້ນ ລວມທັງລັດວິສາຫະກິິດໃນການ ຄຸ້ມຄອງ, ການນຳໃຊ້ງົບປະມານ ແລະ ຊັບສິນຂອງລັດ ໂດຍຜ່ານ ຜົນຂອງການກວດສອບເພື່ອສະ ເຫນີລັດຖະບານມີມາດຕາການ ແລະ ວິທີການແກ້ໄຂຢ່າງເຫມາະ ສົມ ແລະ ທັນເວລາ ເພື່ອເຮັດໃຫ້ ການນຳໃຊ້ຊັບສິນຂອງລັດຖືກ ຕ້ອງຕາມກົດຫມາຍ ແລະ ລະ ບຽບການ, ປະຫຍັດ, ມີຄວາມ ໂປ່ງໃສ ແລະ ສາມາດກວດສອບ ໄດ້, ເອົາໃສ່ແກ້ໄຂຜົນຂອງການ ກວດສອບຕາມຂອບເຂດສິດ ທີ່ ກຳນົດໄວ້ໃນກົດຫມາຍ, ເພີ່ມທະ ວີການປະສານສົມທົບລະຫວ່າງ ອົງການກວດສອບແຫ່ງລັດກັບ ອົງການພາຍນອກ ເປັນຕົ້ນບັນ ດາກຳມາທິການຂອງສະພາ ແຫ່ງຊາດ, ອົງການກວດກາລັດ, ສະພາປະຊາຊົນຂັ້ນແຂວງ ແລະ ບັນດາເປົ້າຫມາຍທີ່ຖືກກວດ ສອບເພື່ອຮັບປະກັນຄວາມເປັນ ເອກະພາບຕໍ່ຜົນການກວດສອບ ແລະ ສາມາດແກ້ໄຂຜົນການ ກວດສອບໃຫ້ມີຄວາມວ່ອງໄວ, ຊັດເຈນ ແລະ ມີຄວາມຖືກຕ້ອງ ຕາມກົດຫມາຍ.
4. ກອງປະຊຸມໄດ້ພິຈາລະນາ ແລະ ຮັບຮອງເອົາການສະເຫນີ ແຕ່ງຕັ້ງທ່ານ ອຳໄພ ຈິດມານົນ ເປັນຮອງປະທານກຳມາທິການ ກົດຫມາຍ ຕາມການສະເຫນີ ຂອງຄະນະປະຈຳສະພາແຫ່ງ ຊາດ.
ກອງປະຊຸມໄດ້ຮັບຟັງການ ລາຍງານການປະຕິບັດຫນ້າທີ່ ຂອງຄະນະປະຈຳສະພາແຫ່ງ ຊາດລະຫວ່າງສອງກອງປະຊຸມ ແລະ ທິດທາງວຽກງານ 9 ເດືອນ ປະຈຳປີ 2017, ກອງປະ ຊຸມສະເຫນີຄະນະປະຈຳສະພາ ແຫ່ງຊາດເອົາໃຈໃສ່ຊີ້ນຳບາງ ດ້ານດັ່ງນີ້, ເພີ່ມທະວີການຊີ້ນຳ ຂອງຄະນະປະຈຳສະພາແຫ່ງ ຊາດ ຕໍ່ກັບການປັບປຸງກົງຈັກ ການຈັດຕັ້ງ-ການເຄື່ອນໄຫວ ວຽກງານຂອງຄະນະສະມາຊິກ ສະພາແຫ່ງຊາດປະຈຳເຂດ ເລືອກຕັ້ງ, ສະພາປະຊາຊົນຂັ້ນ ແຂວງ ລວມທັງການຍົກລະດັບ ຄວາມຮູ້ຄວາມສາມາດ, ການ ສະຫນອງງົບປະມານໃຫ້ແກ່ ການປັບປຸງພື້ນຖານໂຄງລ່າງ ເພື່ອອຳນວຍຄວາມສະດວກແກ່ ການເຄື່ອນໄຫວວຽກງານຂອງ ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນ ແຂວງ ແລະ ກົງຈັກການຈັດຕັ້ງ ໃຫ້ມີຄວາມສະຫງົບ, ຮັບປະກັນ ການປະຕິບັດພາລະບົດບາດ ຂອງອົງການຕົວແທນແຫ່ງສິດ ແລະ ຜົນປະໂຫຍດຂອງປະຊາ ຊົນຢູ່ຂັ້ນທ້ອງຖິ່ນໃຫ້ມີປະສິດທິ ຜົນດີຂຶ້ນ, ຄົ້ນຄວ້າ ແລະ ປະ ກາດໃຊ້ນິຕິກຳຮ່ວມວ່າດ້ວຍ ການປະສານສົມທົບວຽກງານ ລະຫວ່າງຄະນະປະຈຳສະພາ ແຫ່ງຊາດກັບລັດຖະບານ, ອົງ ການຍຸຕິທຳ ແລະ ປົກປ້ອງກົດ ຫມາຍ, ອົງການແນວລາວສ້າງ ຊາດ ແລະ ອົງການຈັດຕັ້ງມະ ຫາຊົນ, ລະຫວ່າງສະພາແຫ່ງ ຊາດກັບສະພາປະຊາຊົນຂັ້ນ ແຂວງ ກໍຄືລະຫວ່າງສະພາປະ ຊາຊົນຂັ້ນແຂວງ ກັບອົງການປົກ ຄອງທ້ອງຖິ່ນ ແລະ ບັນດາພະ ແນກການອ້ອມຂ້າງແຂວງ, ນະ ຄອນຫຼວງ, ລວມທັງການຄົ້ນ ຄວ້າ ແລະ ປະກາດໃຊ້ນິຕິກຳ ກ່ຽວກັບລະບອບແບບແຜນລົງ ພົບປະກັບປະຊາຊົນ ກໍຄືການ ເກັບກຳຂໍ້ສະເຫນີຂອງປະຊາຊົນ ຕໍ່ກັບການຄຸ້ມຄອງ ແລະ ບໍລິຫານ ຂອງລັດໃຫ້ມີຄວາມຈະແຈ້ງ ແລະ ເປັນລະບົບ, ເພີ່ມທະວີການ ປະສານສົມທົບກັບລັດຖະບານ ເພື່ອຊຸກຍູ້ກະຊວງ-ອົງການ, ຂະ ແຫນງການ ແລະ ອົງການປົກ ຄອງທ້ອງຖິ່ນ ເອົາໃຈໃສ່ແກ້ໄຂ ຜົນການຕິດຕາມກວດກາບັນຫາ ທີ່ມີລັກສະນະເລັ່ງດ່ວນທີ່ພົວພັນ ເຖິງຜົນປະໂຫຍດສ່ວນຫຼວງ ຫຼາຍຂອງປະຊາຊົນ ກໍຄືການປະ ພຶດຂອງພະນັກງານລັດທີ່ລະ ເມີດກົດຫມາຍ ແລະ ລະເມີດສິດ ອັນຊອບທຳຂອງພົນລະເມືອງ.
5. ກອງປະຊຸມໄດ້ພິຈາລະນາ ແລະ ຮັບຮອງເອົາກົດຫມາຍ 14 ສະບັບ ໃນຂົງເຂດເສດຖະກິິດ- ສັງຄົມ, ການປ້ອງກັນຊາດ- ປ້ອງກັນຄວາມສະຫງົບ, ການ ປົກຄອງ ແລະ ຍຸຕິທຳ, ອົງການ ຈັດຕັ້ງມະຫາຊົນ ແລະ ການ ຕ່າງປະເທດ ເຊິ່ງເປັນການເພີ່ມ ເຄື່ອງມືຄຸ້ມຄອງລັດ, ຄຸ້ມຄອງ ເສດຖະກິດ-ສັງຄົມ ໃນຂະແໜງ ການຕ່າງໆໃຫ້ມີຄວາມສົມບູນ ແລະ ຄົບຖ້ວນຂຶ້ນກວ່າເກົ່າ. ພ້ອມນັ້ນ, ກອງປະຊຸມຍັງໄດ້ປະ ກອບຄວາມຄິດຄວາມເຫັນຕໍ່ ຮ່າງປະມວນກົດຫມາຍແພ່ງ ເຊິ່ງເປັນຮ່າງກົດຫມາຍທີ່ສຳຄັນ ໃນການກຳນົດການພົວພັນທາງ ແພ່ງໃນສັງຄົມ, ກອງປະຊຸມສະ ເຫນີໃຫ້ລັດຖະບານຊີ້ນຳກະ ຊວງ, ອົງການທີ່ກ່ຽວຂ້ອງ ຈົ່ງ ໄດ້ສືບຕໍ່ນຳເອົາຄວາມຄິດເຫັນ ຂອງກອງປະຊຸມໄປປັບປຸງໃສ່ ຮ່າງປະມວນກົດຫມາຍແພ່ງໃຫ້ ມີຄວາມສອດຄ່ອງ ແລະ ສົມບູນ ຂຶ້ນກວ່າເກົ່າແລ້ວນຳໄປທາບ ທາມຄວາມຄິດເຫັນຈາກອົງ ການຈັດຕັ້ງລັດ, ອົງການຈັດຕັ້ງ ມະຫາຊົນ, ອົງການຈັດຕັ້ງສັງ ຄົມ, ສະພາການຄ້າ, ນັກທຸລະ ກິດ, ນັກກົດຫມາຍ​ ແລະ ປະຊາ ຊົນຢ່າງກວ້າງຂວາງ ດ້ວຍ ຫຼາຍຮູບການແລ້ວຈຶ່ງນຳມາປັບ ປຸງ ແລະ ສະເຫນີຕາມຂັ້ນຕອນ ກ່ອນທີ່ຈະນຳເຂົ້າລາຍງານຕໍ່ ກອງປະຊຸມສະໄຫມສາມັນຂອງ ສະພາແຫ່ງຊາດ ໃນທ້າຍປີ 2018.
ບັນດາທ່ານທີ່ນັບຖື ແລະ ຮັກ ແພງ !
ຜົນສຳເລັດຂອງກອງປະຊຸມ ສະໄຫມສາມັນເທື່ອທີ 3 ຂອງ ສະພາແຫ່ງຊາດ ຊຸດທີ VIII ຄັ້ງນີ້ແມ່ນຫມາກຜົນແຫ່ງການເສີມ ຂະຫຍາຍສະຕິປັນຍາລວມຫມູ່, ການປະສານສົມທົບແຕ່ຫົວທີ ລະຫວ່າງສະພາແຫ່ງຊາດກັບ ລັດຖະບານ ແລະ ອົງການລັດທີ່ກ່ຽວຂ້ອງ, ໄດ້ເຮັດໃຫ້ກອງປະຊຸມຄັ້ງນີ້ສຳເລັດຕາມແຜນການ ທີ່ ວາງໄວ້. ກອງປະຊຸມຂໍສະແດງ ຄວາມຂອບໃຈຢ່າງສູງມາຍັງ ກົມການເມືອງສູນກາງພັກ ທີ່ໄດ້ ໃຫ້ການຊີ້ນຳຢ່າງໃກ້ຊິດຕໍ່ກອງ ປະຊຸມຂອງພວກເຮົາໂດຍຕະ ຫຼອດມາ, ສະແດງຄວາມຂອບ ໃຈຢ່າງສູງມາຍັງບັນດາທ່ານຜູ້ ນຳ, ອະດີດການນຳຂັ້ນສູງຂອງ ພັກ-ລັດ, ຄະນະລັດຖະບານ, ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ, ບັນ ດາທ່ານແຂກທີ່ມີກຽດ ແລະ ພີ່ ນ້ອງປະຊາຊົນລາວບັນດາເຜົ່າ ໃນທົ່ວປະເທດ ທີ່ໄດ້ໃຫ້ກຽດເຂົ້າ ຮ່ວມ, ຕິດຕາມການດຳເນີນ ກອງປະຊຸມສະພາໃນຄັ້ງນີ້. ສະ ແດງຄວາມຂອບໃຈມາຍັງກຳ ລັງປ້ອງກັນຄວາມສະຫງົບ, ສື່ ມວນຊົນ ທີ່ໄດ້ນຳສະເຫນີຂ່າວ ສານອອກສູ່ສັງຄົມທັນເວລາ ແລະ ໄດ້ປະຕິບັດຫນ້າທີ່ດ້ວຍ ຄວາມຮັບຜິດຊອບສູງ. ຮັບປະ ກັນເຮັດໃຫ້ການດຳເນີນກອງປະ ຊຸມຄັ້ງນີ້ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ ດີ, ຂອບໃຈຕໍ່ທຸກພາກສ່ວນທີ່ໄດ້ ປະກອບສ່ວນເຮັດໃຫ້ກອງປະ ຊຸມຂອງພວກເຮົາຄັ້ງນີ້ໄດ້ຮັບ ຜົນສຳເລັດຢ່າງຈົບງາມຕາມລະ ດັບຄາດຫມາຍທີ່ວາງໄວ້.
ໃນໂອກາດອັນສະຫງ່າລາສີ ນີ້, ຕາງຫນ້າໃຫ້ສະພາແຫ່ງຊາດ ຂ້າພະເຈົ້າ, ຂໍອວຍພອນໄຊອັນ ປະເສີດມາຍັງບັນດາທ່ານຜູ້ນຳ, ອະດີດການນຳຂັ້ນສູງຂອງພັກ- ລັດ, ນັກປະຕິວັດອາວຸໂສ, ພະ ນັກງານ, ທະຫານ, ຕຳຫຼວດ ແລະ ປະຊາຊົນລາວບັນດາເຜົ່າ ໃນທົ່ວປະເທດ ຈົ່ງມີສຸຂະພາບ ເຂັ້ມແຂງ, ມີຄວາມຜາສຸກໃນຊີ ວິດ ແລະ ປະສົບຜົນສຳເລັດໃນ ຫນ້າທີ່ວຽກງານອັນມີກຽດສະ ຫງ່າຂອງບັນດາທ່ານ.
ມາຮອດນີ້ໃນນາມປະທານ ກອງປະຊຸມ, ຂ້າພະເຈົ້າຂໍປະ ກາດອັດກອງປະຊຸມສະໄຫມສາ ມັນເທື່ອທີ 3 ຂອງສະພາແຫ່ງ ຊາດ ຊຸດທີ VIII ຢ່າງເປັນທາງ ການ ນັບແຕ່ເວລານີ້ເປັນຕົ້ນໄປ.

ຂ່າວມື້ນີ້

ຂ່າວເດັ່ນ