Pin It

ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສຳເລັດທຸກຫນ້າທີ່

  • Current

Login

Visitors

Flag Counter

ມີ 219  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ກອງປະຊຸມປຶກສາຫາລືກະກຽມຄວາມພ້ອມ ໃຫ້ແກ່ກອງປະຊຸມວິທະຍາສາດ-ປະຫວັດສາດການທະຫານທົ່ວກອງທັບຄັ້ງທີ 3

ກອງປະຊຸມປຶກສາ ຫາລືກະກຽມຄວາມພ້ອມໃຫ້ແກ່ ກອງປະຊຸມວິທະຍາສາດ-ປະ ຫວັດສາດການທະຫານທົ່ວກອງທັບຄັ້ງທີ III     ໃນວັນທີ 11 ເມສາ 2017 ນີ້ຢູ່ຫ້ອງປະຊຸມກົມວິທະຍາ ສາດ-ປະຫວັດສາດການທະ ຫານກະຊວງປ້ອງກັນປະເທດ ໄດ້ຈັດໃຫ້ມີກອງປະຊຸມປຶກສາ ຫາລືກະກຽມຄວາມພ້ອມໃຫ້ແກ່ ກອງປະຊຸມວິທະຍາສາດ-ປະ ຫວັດສາດການທະຫານທົ່ວກອງ ທັບຄັ້ງທີ III ຂຶ້ນໂດຍພາຍໃຕ້ການ ເປັນປະທານຂອງທ່ານ ພົນຕີ ວິໄລ ຫຼ້າຄຳຟອງ ເລຂາທິການສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ, ຫົວ ໜ້າກົມໃຫຍ່ການ ເມືອງກອງທັບ, ມີບັນດາສະຫາຍຮອງຫົວໜ້າກົມໃຫຍ່ ຫ້ອງວ່າການກະຊວງ ແລະ ແຕ່ລະອະນຸກຳມະການກ່ຽວຂ້ອງເຂົ້າຮ່ວມ.
     ໃນກອງປະຊຸມສະຫາຍພັນ ເອກ ວຽງໄຊ ສົມວິຈິດ ຫົວໜ້າ ກົມວິທະຍາສາດ-ປະຫວັດສາດ ການທະຫານໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ສະບັບເລກທີ 4549/ກມທ ວ່າ ດ້ວຍການອະນຸມັດເປີດ ກອງປະຊຸມວິທະຍາສາດ-ປະຫວັດສາດ ການທະຫານທົ່ວກອງທັບ ແລະ ຂໍ້ຕົກລົງແຕ່ງຕັ້ງອະນຸກຳມະ ການແຕ່ລະພາກສ່ວນຈາກນັ້ນ ທີ່ປະຊຸມຍັງໄດ້ປຶກສາຫາລືແຕ່ ລະອະນຸກຳມະການ ໂດຍຖອດ ຖອນບົດຮຽນທີ່ ເຄີຍຈັດກອງປະ ຊຸມວິທະຍາສາດທົ່ວກອງທັບໃນ ຄັ້ງທີ II ໃນໄລຍະຜ່ານມາໃນນັ້ນ ອະນຸກຳມະການເນື້ອໃນ, ອະນຸ ກຳມະການ ຮັບປະກັນ, ອະນຸ ກຳມະການປ້ອງກັນ,ອະນຸກຳມະ ການຍ້ອງຍໍ, ພິທີການຮັບແຂກ ແລະ ວຽກງານຮັບປະກັນງົບ ປະມານ, ນ້ຳມັນເຊື້ອໄຟຕ່າງໆ ເຫັນວ່າທຸກພາກສ່ວນມີຄວາມ ພ້ອມຄາດກະເວລາແມ່ນເດືອນ ພຶດສະພາໃຫ້ໄດ້ຈັດຕັ້ງປະຕິບັດ ໂດຍຈະມີແຂກຈາກບັນດາກອງ ບັນຊາການທະຫານແຂວງ ກອງພົນ, ກອງພັນໃຫຍ່ ແລະ ບັນດາອົງການ ແລະ ກະຊວງທີ່ ກ່ຽວຂ້ອງເຂົ້າຮ່ວມ.
     ໂອກາດນີ້ທ່ານພົນຕີ ວິໄລ ຫຼ້າຄຳຟອງ ຮອງລັດຖະມົນຕີກະ ຊວງປ້ອງກັນປະເທດກໍໄດ້ເນັ້ນ ໜັກໃຫ້ແຕ່ລະອະນຸກຳມະການ ຈົ່ງນຳເອົາຈິດໃຈເນື້ອໃນຂອງ ກອງປະຊຸມຄັ້ງນີ້ໄປຈັດຕັ້ງຜັນຂະຫຍາຍໃຫ້ທຸກວຽກ ງານອະນຸກຳມະການຂອງຕົນເພື່ອແນໃສ່ ເຮັດໃຫ້ກອງປະຊຸມວິທະຍາສາດ ປະຫວັດສາດການທະຫານທົ່ວ ກອງທັບທີ່ຈະເປີດຂຶ້ນໃນເດືອນ ພຶດສະພານີ້ໃຫ້ມີຄວາມສຳເລັດ ດ້ວຍຄຸນະພາບຢ່າງສູງ.

ຂ່າວມື້ນີ້

ຂ່າວເດັ່ນ