ຫ້ອງພະລາທິການກອງພົນທີ 4 ສະຫຼຸບວຽກງານພະລາ 6 ເດືອນຕົ້ນປີ
ເວລາອອກຂ່າວ: 2020-08-14 09:20:41 | ຜູ້ຂຽນ : admin3 | ຈຳນວນຄົນເຂົ້າຊົມ: 24 | ຄວາມນິຍົມ:
ໃນວັນທີ 7 ສິງຫາ 2020 ນີ້, ຫ້ອງພະລາທິການ ກອງພົນທີ 4 ໄດ້ສະຫຼຸບວຽກງານພະລາທິການ 6 ເດືອນຕົ້ນປີ ແລະ ຜ່ານທິດ
ທາງແຜນການປະຈຳ 6 ເດືອນ
ທ້າຍປີ 2020, ໂດຍການເປັນ
ປະທານຂອງ ສະຫາຍ ພັນເອກ
ບຸນທອນ ສຸພາວົງໄຕ ຄະນະພັກ
ກອງພົນ, ຫົວໜ້າຫ້ອງພະລາ ທິການກອງພົນທີ 4, ມີຄະນະພັກ-ຄະນະບັນຊາຫ້ອງພະລາທິການ, ມີຫົວໜ້າພະລາທິການກອງພັນ ໃຫຍ່ 401, ກອງພັນນ້ອຍ, ກອງ ຮ້ອຍເອກະລາດເຂົ້າຮ່ວມ.
ສະຫາຍ ພັນໂທ ວິເລີດ ສວຍ
ມາລີ ກຳມະການພັກກອງພົນ, ຮອງຫົວໜ້າຫ້ອງພະລາທິການ ກອງພົນທີ 4 ໄດ້ຂຶ້ນຜ່ານບົດ ສະຫຼຸບວຽກງານພະລາທິການ 6 ເດືອນ ຕົ້ນປີ 2020 ແລະ ຜ່ານ
ທິດທາງແຜນການ 6 ເດືອນທ້າຍ ປີ 2020 ໃນບົດສະຫຼຸບໄດ້ຍົກ ໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດຖອນໄດ້ໄລຍະທີ່ຜ່ານມາ ຄະນະພັກ-ຄະນະຫ້ອງພະລາທິການ ໄດ້ ເປັນເຈົ້າການໃນການສຶກສາ
ອົບຮົມການເມືອງ-ນຳພາແນວ ຄິດໃຫ້ພະນັກງານ-ນັກຮົບຜູ້ ທິ່ຮັບຜິດຊອບວຽກງານພະລາ ທິການ, ເຊື່ອມຊຶມກຳແໜ້ນຢ່າງເລິກເຊິ່ງຕໍ່ແນວທາງແຜນນະໂຍບາຍຂອງພັກ, ກົດໝາຍຂອງລັດ, ລະບຽບວິໄນຂອງກອງທັບ ແລະ
ມະຕິຄຳສັ່ງຕ່າງໆ ຂອງຂັ້ນເທິງ, ໂດຍສະເພາະແມ່ນວຽກງານວິຊາສະເພາະຂອງຕົນຮັບປະກັນ ໄດ້ 100%, ໃນນີ້ຮັບປະກັນໃຫ້ ແກ່ການເຄື່ອນໄຫວຫັດແອບ ແລະ
ກຽມພ້ອມສູ້ຮົບ, ຮັບປະກັນຊີ
ວິດການເປັນຢູ່ການຈັດຕັ້ງລ້ຽງ ດູທັບ, ຄຸ້ມຄອງທັບ, ຮັບປະກັນ
ດ້ານການເງິນ, ການນຸ່ງຫົ່ມ, ນ້ຳ
ມັນເຊື້ອໄຟ, ວຽກງານຂົນສົ່ງ ແລະ ວຽກງານອື່ນໆ ໃນໄລຍະ 6 ເດືອນ ຕົ້ນປີ 2020 ຜ່ານມາ ສາມາດເກັບກູ້ເຂົ້ານາປີທັງໝົດ 187,876 ກິໂລ, ຄິດເປັນເງິນ 1.315.132.000 ກີບ, ເກັບກູ້
ພືດຜັກໄດ້ທັງໝົດ 2,014 ໂຕນ, ຄິດເປັນເງິນ 402,688,000 ກີບ, ມີງົວລວມ 661 ໂຕ ເພີ່ມ
ຂຶ້ນ 11,28 %, ຂາຍ 32 ໂຕ
ເປັນເງິນ 96.000.000 ກີບ, ມີຄວາຍ 42 ໂຕ ເພີ່ມຂຶ້ນ 7,69 %,
ມີແບ້ທັງໝົດ 212 ໂຕ, ເພີ່ມຂຶ້ນ 35,89 %, ຂາຍ 23 ໂຕ ເປັນ
ເງິນ 6.900.000 ກີບ, ມີ ໝູທັງໝົດ 147 ໂຕ ເພີ່ມຂຶ້ນ 29,33 %, ຂາຍ 133 ໂຕ ເປັນ
ເງິນ 33.250.000 ກີບ, ມີ ສັດປີກທັງໝົດ 6,641 ໂຕ ຂາຍເປັນເງິນ 234.780.000 ກີບ, ຂາຍປາ 8,313 ກິໂລ ເປັນເງິນ 207.825.000 ກີບ, ສັງລວມຈາກການຂາຍພືດຜັກ ແລະ ສັດລ້ຽງເປັນເງິນທັງໝົດ: 2.296.575.000 ກີບ, ໃນກອງ
ປະຊຸມຍັງໄດ້ປະກອບຄຳຄິດ ຄໍາເຫັນໃສ່ບົດສະຫຼຸບ ແລະ ທິດທາງແຜນການຢ່າງກົງໄປ ກົງມາ.
ໂອກາດດັ່ງກ່າວ ສະຫາຍ ພັນເອກ ບຸນທອນ ສຸພາວົງໄຕ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາຜົນງານທີ່ຍາດມາໄດ້ ໃນໄລຍະຜ່ານມາ, ພ້ອມທັງເນັ້ນ ໜັກໃຫ້ຄະນະພັກ-ຄະນະບັນ
ຊາ ແຕ່ລະຂັ້ນຕະຫຼອດຮອດພະ ນັກງານ-ນັກຮົບຜູ້ທີ່ຮັບຜິດ ຊອບວຽກງານພະລາ ແຕ່ລະສະ ຫາຍຈົ່ງເພີ່ມທະວີຍົກສູງຄຸນ ທາດການເມືອງຂອງຕົນໃຫ້ສູງ ຂຶ້ນກວ່າເກົ່າ, ເອົາໃຈໃສ່ຄຸ້ມຄອງ ບົວລະບັດຜັດເຊັດວັດຖຸອຸປະ ກອນ, ເຄື່ອງມືຮັບໃຊ້ໃຫ້ໄດ້ໃຊ້ ງານເປັນປົກກະຕິ, ເອົາໃຈໃສ່ ຍົກສູງນ້ຳໃຈເພິ່ງຕົນເອງ ກຸ້ມ
ຕົນເອງ ແລະ ສ້າງຄວາມເຂັ້ມ
ແຂງດ້ວຍການປູກ-ການລ້ຽງ
ໃຫ້ຫຼາຍກວ່າເກົ່າ, ສາມາດ ຮັບປະກັນໃຫ້ແກ່ຊີວິດການ ເປັນຢູ່ຂອງພະນັກງານ-ນັກຮົບ ໃນທົ່ວກອງທັບນັບມື້ດີຂຶ້ນ.
ໂດຍ: ໂພຄໍາ ພອນປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ