ແຂ່ງຂັນກິລາບານເຕະມິດຕະພາບລະຫວ່າງກົມການເງິນ ກະຊວງປ້ອງກັນປະເທດກັບທະຫານແຂວງວຽງຈັນ
ເວລາອອກຂ່າວ: 2022-09-28 08:54:36 | ຜູ້ຂຽນ : admin3 | ຈຳນວນຄົນເຂົ້າຊົມ: 192 | ຄວາມນິຍົມ:
ວັນທີ 23 ກັນຍາ 2022 ນີ້, ໄດ້ຈັດກິດຈະກຳແຂ່ງຂັນກິລາບານເຕະ ແລະ ກິລາເປຕັງມິດ ຕະພາບລະຫວ່າງ ກົມການເງິນ ກະຊວງປ້ອງກັນປະເທດ ກັບກອງບັນຊາການທະຫານແຂວງວຽງຈັນ ເຂົ້າຮ່ວມມີສະຫາຍ ພົນຈັດຕະວາ ບຸນຊູ ດວງຄຳມີ ກຳມະການຄະນະປະຈຳພັກກະຊວງ ຫົວໜ້າກົມການເງິນ ກະຊວງປ້ອງກັນປະເທດ, ມີ ສະຫາຍ ພົນຈັດຕະວາ ບຸນມາ ວົງດາລາແສນ ກຳມະການຄະ ນະປະຈຳພັກແຂວງ ຫົວໜ້າການທະຫານກອງບັນຊາການທະຫານແຂວງວຽງຈັນ, ມີ ຄະນະພັກ-ຄະນະບັນຊາ, ພ້ອມດ້ວຍນັກກິລາທັງສອງພາກສ່ວນເຂົ້າຮ່ວມ.
ການຈັດກິດຈະກຳແຂ່ງຂັນກີລາບານເຕະແລະກີລາເປຕັງມິດຕະພາບ ໃນຄັ້ງນີ້, ເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆ ຂອງຊາດ, ຂອງພັກ ແລະ ຂອງກອງທັບ ໃຫ້ມີບັນຍາກາດຟົດຟື້ນ, ທັງເປັນການຮັດແໜ້ນຄວາມສາມັກຄີຮັກແພງ ແລະ ກໍເປັນການພົບປະ ແລກປ່ຽນບົດຮຽນລະຫວ່າງນັກກິລາກົມການເງິນກະຊວງປ້ອງກັນປະເທດກັບກອງບັນຊາການທະຫານແຂວງວຽງຈັນ, ທັງເປັນການເຝິກຝົນຮ່າງກາຍໃຫ້ມີສຸຂະພາບແຂງແຮງ ເພື່ອພ້ອມກັນເຮັດສຳເລັດໜ້າທີ່ ທີ່ຂັ້ນເທິງມອບໝາຍໃຫ້, ກິລາທີ່ນຳມາແຂ່ງຂັນໃນຄັ້ງນີ້ມີ 2 ປະເພດ ຄື: ກີລາບານເຕະຊາຍ ແລະ ກິລາເປຕັງ, ໃນນັ້ນ ກິລາ ເປຕັງ ມີ 2 ທີມ ຄື: ທີມອາວຸໂສ, ທີມ ຊາວໜຸ່ມ ແລະ ທີມປະສົມຍິງ-ຊາຍ, ຜົນຂອງການແຂ່ງ ຂັນກິລາບານເຕະແມ່ນສະເໝີກັນ 3 ປະຕູຕໍ 3, ກິລາເປຕັງ ອາວຸໂສຊະນະເລີດໄດ້ແກ່ທີມ ກອງບັນຊາການທະຫານແຂວງ ວຽງຈັນ, ໄດ້ຮັບຂັນລາງວັນ 1 ໜ່ວຍ, ທີມຊາວໜຸ່ມຊະນະເລີດໄດ້ແກ່ກົມການເງິນກະຊວງປ້ອງກັນປະເທດ ໄດ້ຮັບຂັນລາງວັນ 1 ໜ່ວຍ, ທີມຍິງຊະນະເລີດໄດ້ແກ່ກອງບັນຊາການທະ ຫານແຂວງວຽງຈັນ ໄດ້ຮັບຂັນລາງວັນ 1 ໜ່ວຍ ແລະ ທີມປະສົມຍິງ-ຊາຍ ຊະນະເລີດ ໄດ້ ແກ່ກົມການເງິນ ກະຊວງປ້ອງ ກັນປະເທດ ໄດ້ຮັບຂັນລາງວັນ 1 ໜ່ວຍ.
ໂດຍ: ຈັນທະຈອນ ສີສະເກດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ